Börn og menning - 01.05.1998, Blaðsíða 16
BÖRN 06 MENN|N6
w LístRug‘‘ með bömum
Björg Vilhjálmsdóttir sér um listsmiðjuna Gagn og gaman í Menningarmiðstöðinni
Gerðubergi eins ogfyrr segir. Björg er myndlistarmenntuð og lærði í Myndlistaskóla
Reykjavíkur og síðan í Myndlista- og handíðaskólanum. Hún hefur unnið á
leikjanámskeiðum hjá Iþrótta- og tómstundaráði og sex sumur við Gagn og gaman í
Gerðubergi. Einnig hefur hún starfað við leikmynda- og grímugerð. Jafnframt því að
sjá um Gagn og gaman í heilsársstarfi heldur hún námskeið í Kramhúsinu sem er
sambland afmyndlist og leiklist.
Hvernig eru námskeiðin í listsmiðjunni Gagni og
gamni uppbyggð? Eru þau bara haldin á
sumrin?
Aðaláherslan er á sumrin en við höfum einnig
haldið vetramámskeið um helgar. Þar má til dæmis
nefna námskeið sem kallast Ferðalag innan
borgarmarkanna og þá erum við hér í Gerðubergi
yfir eina nótt. Krakkarnir koma með svefnpoka og
við eldum, vökum og sköpum langt fram á nótt,
förum út með vasaljós að skoða skuggamyndir í
myrkrinu og vinnum á annan hátt á svona löngum
samfelldum tíma.
A sumrin erum við með þriggja vikna
listsmiðju; tuttugu börn á aldrinum sex til tólf ára
og fjóra leiðbeinendur, listamenn eða fræðinga úr
ólíkum fögum sem vinna saman að námskeiðinu.
Auk listamannanna hafa til dæmis komið til starfa
hjá okkur barnaheim-
spekingur, líffræðingur og
stjörnufræðingur.
Dagurinn byrjar kl. tíu
og honum lýkur kl. fjögur
en börnin geta komið fyrr
og verið í umsjón tveggja
unglinga milli kl. níu og tíu
og aftur kl. fjögur og fimm.
Þeir eru á aldrinum sextán
til átján ára og eru við
undirbúning með okkur
vikuna á undan og útbúa
hliðarverkefni; til dæmis að
lesa sögur og búa til ævin-
týri. Unglingamir koma oft
aftur til starfa með okkur og
þróa eigið ferli sem þeir
vinna eftir og finna bækur tengdar efninu.
Annaðhvort er þeirra verkefni andstæða við
aðalverkefnið eða eitthvað sem tengist því. Þannig
fá unglingarnir að örva sína sköpunarþörf og eru
þessir klukkutímar mjög vinsælir hjá bömunum.
Hafa verið haldin námskeið fyrir eldri en sex til
tólfára?
Við höfum haft framhald á kvikmyndanámskeiði og
voru þau böm tíu til fjórtán ára. En það em í raun allt
of fá skapandi námskeið fyrir fólk á þessum aldri.
Við í Gerðubergi hugsum til unglinga og vitum að
það er orðið tímabært að fylgja þeim áfram.
Scekja sömu krakkarnir oft námskeið hjá ykkur?
Þeir sækja í að koma aftur en námskeiðin eru bara
fyrir börn úr Reykjavík. Fyrst voru reglurnar
opnari en vegna mikillar aðsóknar fá aðeins böm úr
Reykjavík að sækja Gagn og
gaman, enda er Gerðuberg
menningarmiðstöð
Reykvíkinga.
Hver hafa viðfangsefni
námskeiðanna verið?
Unnið er með ólfk listform.
Við tengjum viðfangsefnið
við umhverfið, eða stað og
stund, einnig við sögur, ljóð,
myndlist, leiklist og tónlist.
Leiðbeinendumir fjórir skipu-
leggja þrjár vikur saman og
setja niður verkefni fyrir
tímabilið. Planið riðlast
mismikið eftir námskeiðum,
en er nauðsynlegt svo að
þróun haldist í vinnunni og
Alma Rut að mála
Ljósmynd: Listsmiðjan Gagn og gaman.
14