Börn og menning - 01.05.1998, Blaðsíða 11
BÖRN 06 MENN|N6
Gerður Róbertsdóttir:
Börn og Árbæjarsafn
Starfsfólk Árbæjarsafns telur börn vera mikilvœgustu gesti
safnsins. Með það í huga var ákveðið að tileinka yngstu
kynslóðinni eitt hús Árbœjarsafns. Fyrir valinu varð Kornhúsið
frá Vopnafirði, stórt og myndarlegt verslunarhús, byggt um
1820.
öz-icjci börn eiffhverf erincli á safn?
í allan vetur hefur verið unnið af kappi við að gefa
Kornhúsinu nýtt líf og hlutverk þess hefur
gjörbreyst. Þar sem áður var höndlað með ull og
mjöl óma nú kátar bamsraddir.
Á efri hæð hússins er mjög
góð aðstaða til safnfræðslu,
einnig verður sett upp leik-
smiðja fyrir böm og tóvinnu-
verkstæði sem vonandi kemst
í gagnið næsta haust. Á neðri
hæð hússins hefur verið sett
upp sýning tileinkuð bernsk-
unni fyrr og nú. Sýningin
hlaut heitið „Fyrr var oft í
koti kátt.,0 og er ætlað að
varpa ljósi á fortíðina á
lifandi hátt. Sýning þessi er
nú þegar orðin mikilvægur
liður í safnfræðslu leikskóla-
og skólabarna á aldrinum
fimm til átta ára. Samkvæmt
stefnu Árbæjarsafns og fram-
tíðarsýn er efling safnfræðslu
og bætt þjónusta við börn
forgangsverkefni. Nýtt hlut-
verk Kornhússins er þar
mikilvægur áfangi.
Kynslóðir mcefasf
Sýningin „Fyrr var oft í koti
kátt... “ er lífleg og fjölbreytt
sýning sem er ætlað það
hlutverk að vekja áhuga barna á liðinni tíð.
Leikföng voru því sett í öndvegi. Með því að nota
hluti sem börn þekkja og tengja við sitt eigið líf, er
auðveldara að vekja áhuga þeirra og kynna fyrir
þeim heim fortíðarinnar. Amma
og afi áttu leikföng, jafnvel
langamma, því allir okkar
forfeður voru eitt sinn lítil
böm. Formlega séð er sýning-
in tvíþætt: Annars vegar er
leikföngum raðað í tímaröð í
skápa og hins vegar eru þrjú
heimili, bíó og skóli þar sem
veröld barna fyrr á öldinni
birtist. Þar kynnast gestir
þremur persónum, þeim
Siggu, Ola og Gunnu. Á
sýningunni geta gestir litið
inn til þeirra, séð hvemig þau
bjuggu og hvers konar
leikföng voru þeim kæmst.
jVHkilvægi safnkennslu
Kennarar og leikskóla-
kennarar geta pantað leið-
sögn um sýninguna alla
virka daga á skrifstofu
safnsins. Á Árbæjarsafni
starfa nú tveir safnkennarar
sem sinna móttöku og
fræðslu skólahópa á öllum
aldri. Þeir hópar sem njóta
leiðsagnar safnkennara um
Atti lemgamma dúkkurf
Sigga var átta ára árið 1935. Hún gæti því
verið jafnaldra langömmu yngstu gesta
safnsins. Sigga var heppin stelpa, hún átti
frænkur í útlöndum sem sendu henni
stundum pakka. Meðal annars brúður með
brothætt höfuð. Á þessum tíma ríkti kreppa
á íslandi og mörg böm bjuggu við kröpp
kjör. Vinkona Siggu átti aðeins eina dúkku
sem mamma hennar hafði saumað en Sigga
átti margar brúður og einnig brúðuvagn.
Óli var líka heppinn. Hann átti afa sem
hjálpaði honum að smíða skip, flugvélar og
bfla. Hann Óli var átta ára árið 1955 og
hann bjó í bragga. Flest leikföngin hans
voru smíðuð heima en hann hafði þó fengið
flottan bfl úr blikki í jólagjöf um síðustu
jól. Gunna var hins vegar átta ára árið
1970. Hún átti sérherbergi og mikið af alls
kyns leikföngum. Á þeim tíma var farið að
framleiða leikföng úr plasti. Gunna átti alls
kyns dúkkur, stórar og litlar, og eina
Barbídúkku. Hún átti líka lítinn bróður sem
lék sér með LEGO-kubba, bfla og dýr úr
ýmsum heimsálfum. Fjöldi leikfanga og
margbreytni er nú meiri en nokkru sinni.
9