Lesbók Morgunblaðsins - 05.11.1983, Blaðsíða 4
HÁSKÓLI ÍSLANDS I
Ungir og gamlir háskólamenn kannast við þessa stemmningu sem Ólafur K. Magnússon hremmdi á
filmu í anddyri Háskólans.
Fjölmennasti vinnustaður á
landinu með ungt og vel menntað
kennaralið og gegsilegar kröfur
til nemenda sem sjá fljött að
Háskölinn er ekki staður þar
sem hœgt er að leika sér og
sleppa létt í gegn
kennslu í þessum greinum, því
tiltölulega fáir leggja stund á
þær og við höfum aðeins not
fyrir takmarkaðan fjölda af
dýralæknum og veðurfræðing-
um. Með takmörkunum erum
við ekki að banna neinum að
læra þessar greinar, heldur
segjum við, að Háskólinn hafi
ekki bolmagn fyrir meira en til-
tekinn fjölda. Eg hef líka sagt,
að það sé vond hagfræði að
þurfa að flytja út lækna — og
inn sjúklinga. Þessar takmark-
anir gilda nú í þremur greinum:
Tannlækningum og sjúkraþjálf-
un frá upphafi og læknisfræði,
sem er nýtilkomið.
Það er Háskólaráð, sem fer
með þetta takmörkunarvald að
tillögu deilda. Væri þessu ekki
beitt, mundu afleiðingarnar
ekki koma í ljós fyrr en eftir
10—15 ár, og þessvegna er viss
freisting að vera ábyrgðarlaus
og sleppa hendinni af þessu. En
í staðinn fyrir þessar takmark-
anir á fjölda nemenda, hafa nýj-
ar námsgreinar verið teknar
upp. Ein þeirra er tölvunar-
fræði, sem nú er töluverð tízku-
grein í ljósi þeirrar tæknibylt-
ingar sem nú hefur orðið. Mikil
eftirspurn hefur verið eftir fólki
með nám í þessari grein.“
„En hvaða ástæður eru á bak
við það, að erlendir stúdentar
hafa stundað nám — og gera
enn — í læknisfræði við Há-
skóla íslands?"
„Norðurlandastúdentar hafa
um áratuga skeið verið teknir í
læknisfræði, en aðeins i litlum
mæli. Þeir eru núna 6. Ástæðan
er sú, að Norðurlönd hafa sýnt
okkur mikinn velvilja með því
að taka fólk héðan í fram-
haldsnám og jafnvel brotið gild-
andi lög til að koma íslending-
um inn í greinar eins og dýra-
lækningar og lyfjafræði lyfsala.
í heild eru annars um 100 er-
lendir stúdentar við nám i Há-
skólanum; rúmlega helmingur-
inn í íslenskunámi.“
„Hefur komið til tals að taka
upp inntökupróf í Háskólann í
staðinn fyrir stúdentspróf, sem
nú er miðað við?“
„Sá möguleiki hefur verið
ræddur. Mörgum hefur sýnst, að
spara mætti mikinn kostnað
með því að síður hæfir nemend-
ur féllu þá strax í staðinn fyrir
að vera heilan vetur í Háskólan-
um til kostnaðarauka bæði fyrir
skólann og nemendurna sjálfa.
En það er spurning, hvernig
slíkt inntökupróf ætti að vera;
hvað ætti það að mæla? Hitt er
svo annað mál, að stúdentspróf
eru orðin þannig, að erfitt er að
bera þau saman frá mismunandi
skólum. Þessi aðferð er ekki
fullkomin, en ég sé ekki fyrir
mér inntökupróf, nema fjár-
hagsástæður rækju skólann til
þess.“
„Sá samkeppnisandi, sem talið
er að sé afleiðing af tak-
mörkunum til náms, hefur ver-
ið umtalaður utan veggja Há-
skólans og rætt um í því sam-
bandi, að nemendur forðist að
sýna hver öðrum minnstu
hjálpsemi. Er þetta ekki frekar
ógeðfellt?"
„Ef þetta er rétt, þá er það
ógeðfellt. Ég veit nú ekki hvort
nemendur hafa yfirleitt tíma til
að velta sér uppúr slíkum sjón-
armiðum; það liggur í augum
uppi, að það er mikið álag að
lesa læknisfræði við þessar að-
stæður. Það er samt ekki óeðli-
legt, að hver sé sjálfum sér
næstur og raunar hefur alltaf
verið til fólk, sem ekki vildi
í Bóksölu stúdenta í Félagsstofnuninni viö Hringbraut.
Athyglin á fullu: Nemar í viðskiptadeild.
4