Lesbók Morgunblaðsins - 05.06.1966, Blaðsíða 15
sem nú fer fram, eykst fróðleiksmagn-
ið á hverju sviði stöðugt og stefnir
sannast sagna að því að verða óviðráð-
anlegt. Fyrsta fjarskiptahlutverk raf-
reiknanna verður það að gera upplýs-
ingarnar tafarlaust aðgengilegar, þar
sem þeirra er þörf. Elektrónisk „bóka-
söfn“ munu safna saman allri mann-
legri þekkingu og upplýsingum eftir
því sem slíkt streymir út frá vinnu-
stofum og rannsóknarstofum. Áður en
lýkur, mun hver, sem er, geta spurt
rafreikni um alla ihugsanlega hluti og
fengið svar eftir fáar sekúndur — munn-
lega, með ljósmynd eða á sýningar-
skermi. Innan 25 ára munum við sjá
upplýsingastöðvar — hliðstæðar afl-
stöðvum, vatnsveitum og öðrum slík-
um stöðvum, sem eru aðgengilegar öll-
um jarðarbúum. Keðjur af samtengd-
um rafreiknum munu veita hundruð-
um þúsunda áskrifenda þjónustu sína.
Fylgigallar.
Þessi fjarskiptabylting mun hafa
mjög víðtaek áhrif á daglegt líf ger-
valls mannkyns. Hver, sem er útbúinn
samsettu sjónvarps sendi- og móttöku-
tæki, mun geta talað við fólk um allar
jarðir, munnlega og eða sýnilega. Menn
munu sennilega hafa sinn eigin ein-
kennisbókstaf, e.k. símanúmer til að
senda eða taka á móti slíku sjónvarps-
símtali, til þess að fá upplýsingar, verzl-
unartölur eða til einkasamtala og þess
háttar. Kaupsýslumenn munu hafa taf-
arlausan aðgang að upplýsingum um
framleiðni, vörugæði og markaðsatriði
frá upplýsingastöðvum, staðsettum um
allan hnöttinn. Tilsvai-andi kerfi verða
rekin — og í geysimiklum mæli fyrir
stjórnarskrifstofur, hernaðarleg, dipló-
atísk eða hagfræðileg. Læknar geta
sent skýrslu um sjúkdómseinkenni og
nákvæma sjúkdómslýsingu í rafreikna-
net, sem tengt er upplýsingastöð um
læknisfræðileg atriði um allan heim,
og fengið samstundis aftur almenna
BlJUl liai 1UI «
maður Radio Corporation of America,
ræðir yfir Atlantshafið við stjórnar-
formann brezka útvarpsins, BBC.
Bandaríkjamenn hagnýttu sér hæfileika
Sarnoffs á heimsstyrjaldarárunum síð-
ari og gerðu hann að hershöfðingja.
sjúkdómsgreiningu, og auk þess — ef
óskað er — ábendingar um frekari rann-
sóknir og meðferð.
En þegar litið er á möguleika þessa
nýja samskiptakerfis, segir forsjálnin og
sorgleg reynsla okkur, að við megura
aldrei loka augunum fyrir hættunum,
sem eru samfara öllum meiriháttar
tæknibyltingum. Hver mikilvægur, nýr
vísindalegur möguleiki leggur iðkend-
um hans nýja tilsvarandi ábyrgð á
herðar. Umfram allt megum við þó
ekki leyfa þessum undravélum að þurrka
út manninn eða smækka hann. Það
getur engin elektrónisk vél komið í
staðinn fyrir einkasamvizku mannsins,
réttlætiskennd hans, samúð eða virðu-
leika.
LEJÐRÉTTING
f Athugasemd eftir Egil Hallgríms-
son, sem birtist á bls. 15 í seinustu Les-
bók, var prentvilla í upphafi síðustu
xnálsgreinar. Þar stóð: „Sumarið 1923
flatarmældi ég . . .“ o. s. frv. Þama átti
að standa hallamældi.
5. júní 1968
LESBÓK MORGUNBLAÐSINS 15