Árbók Landsbókasafns Íslands - Nýr flokkur - 01.01.1992, Síða 97
FRÁ STEPHANI GUTTORMSSYNI
97
Qölda væri ég náttúrlega viðrini, af því ég er upp alinn í öðru
sauðahúsi; en þar getur þú notið skólayfirburðanna, ef þú getur
klofið gegnum hann.
Mér tekur sárt, að þér er skólavegurinn svona örðugur. Blátt
fram, er það ekki mest fyrir féleysi? Attu nokkurn „þinn“ að, sem
getur styrkt þig? Reyndar skammast ég mín að spyrja þig svona, og
það er ekki nema rétt að dyljast þess, sem ég vinn enga bót; en ég
hefi svo lítið um þig getað spurt nema af þér sjálfum. Ekki þó svo
að skilja, að ég teldi þér það skaða, þó menntunarstríð þitt yrði
dálítið örðugt, bara að baráttan væri ekki lamandi og drepandi.
Gamla Gröndal vitraðist einu sinni sú speki í skáldskapnum,
innanum mikið glamur, að sú vonin yrði heitust og stærst, „sem
velur sér bústaðinn hættunni næst“. Svo er með menntun, hún
verður manni dýrmætari, sé hún nokkuð dýrkeypt. Sumir fá hana
of auðveldlega, aðeins til að sóa henni.
Jæja, nafni minn. Svo gamli Sigurður Pétursson var forfaðir
þinn. Eg hafði gaman af að vita það. Og svo að þú haldir ekki, að ég
taki það fyrir ofmetnað, að þú gazt þess, þá dettur mér hitt í hug.
Eldri Gröndal var bróðir eins af langfeðgum mínum, hann og
Sigurður vóru samtímamenn og kváðust eitthvað á. Eg skil nú ekki
af efninu, hvort það var í gæzku eða græsku; báðir vóru „júristar“,
og nú sitjum við hér, svolitlir kvistir af kyni gömlu stofnanna, heilli
öld seinna, og erum að skrifast á. Það er fleira en „syndir
feðranna“, sem kemur fram á börnunum, því þó við náum ekki
bókmenntakostum þeirra, er þó svo mikið eftir, að við reynum að
skrifa bréf um annað en dansa og daðurtrúlofanir.
Heyrðu, þú hefir víst kennt á alþýðuskóla í sumar. Hvaða kaup
færðu og er tíminn langur, sem þú getur kennt? Hér eru þrír
skólar íslenzkir, að miklu leyti, með 6 mán. kennslutíma hver.
Kennarakaup allgott, frá $40 til $50 um mán. En fæði er hér líkl.
dýrara, fargjald milli Wpg og hér svo hátt og ýmsir vafningar við
menntamála stjórnina, þó þeir séu ekki ókleyfir. Ég bara spyr
svona, því ég sá í einhverri stjórnarskýrslu í fyrra, að samlagt
barnakennarakaup í Manitoba væri undir $30 um mánuðinn.
Samkvæmt tilmælum Guðmundar Friðjónssonar hefi ég nú sent
honum 3 skeyti. Fyrst mynd, þá prívat bréf og seinast 3 smákvæði,
en sitt í hvoru lagi. Eg hafði ekki tíma nema til eins í einu, þó ég
upphaflega ætlaði að ljúka við það allt í senn. Hvort hann hefir
fengið það allt, eða sumt, veit ég ekki, eða honum hafi fundizt
fengurinn vesæll, sem von var. Ef þú átt hægt með, vittu, hvort