Morgunblaðið - 24.06.1994, Qupperneq 8

8 C FÖSTUDAGUR 24. JÚNÍ 1994
FERÐALÖG
MORGUNBLAÐIÐ
Samvinna í kynningu ætti
að auka ferðamannastraum
SAMGÖNGURÁÐHERRAR íslands, Færeyja og
Grænlands undirrituðu eigi alls fyrir löngu samstarfs-
samning um að þessi þijú lönd stæðu að samvinnu
um að auka ferðalög fólks til þessara landa þriggja.
Öll eru samfélögin í þessum löndum lítil, en með þá
staðreynd í huga, að „sameinaðir stöndum vér, sundrað-
ir föllum vér“, var ákveðið að menn stæðu saman í
að efla ferðamannaiðnað í löndunum þremur. Það er
einmitt í ferðamálum, sem kostir slíkrar samvinnu eru
hvað augljósastir, þar sem litið er svo á, að ávinningur
eins lands sé jafnframt ávinningur hinna. Því hefur
og verið myndað sérstakt Ferðamálaráð Vestur-Norð-
urlanda, (Vestnorden Tourist Board - VTB), sem hefur
að markmiði að efla ferðalög til landanna, jafnt sem
ferðalög milli þeirra innbyrðis. VTB hefur m.a. í þessu
augnamiði efnt til Ferðakaupstefnu Vestnorden, þar
sem starfandi aðilar frá íslandi, Grænlandi og Færeyj-
um hafa kynnt erlendum ferðaskrifstofum og ferða-
heildsölum þá þjónustu og möguleika, sem ferðamönn-
um stendur til boða í löndunum þremur.
Það var glaðværð á andlitum þessara ungu grænlensku telpna,
þótt hellirigndi. Myndin er tekin í skóla í Qaqortoq eða Julianeháb.
Þeir, sem til þekkja telja, að hér
sé um afar mikilvægt framtak að
ræða og árangurinn undirstriki
þann ávinning, sem hlotist getur
af nánu samstarfi landanna á þessu
sviði. Engin sambærileg ferðakaup-
stefna hefur og verið haldin sameig-
inlega af hálfu hinna Norðurlanda-
þjóðanna. Ferðakaupstefnan nýtist
ekki hvað síst smærri þjónustuaðil-
um, sem hafa takmarkað bolmagn
til þess að ráðast í kostnaðarsama
kynningar- og markaðsstarfsemi.
Kaupstefnan er haldin annað hvert
ár á íslandi og hin árin til skiptis
í Færeyjum og Grænlandi. Síðasta
kaupstefna var haldin í Syðri
Straumfirði á Grænlandi í septem-
ber og tókst mjög vel. Næsta kaup-
stefna verður haldin í Hafnarfirði
14. til 17. september næstkomandi.
Samelginleg markaðssókn og
markaðskönnun
Ferðamálaráð Vestur-Norður-
landa tók í mars 1993 þátt í mikilli
ferðakaupstefnu, sem sérhæfir sig í
ferðamennsku á skemmtiferðaskip-
um. Slíkt markaðsátak þykir henta
vel í þessu samstarfi, þar sem fyrst
og fremst er komið á framfæri norð-
lægum slóðum og vakin athygli á
viðkomu skemmtiferðaskipa tií land-
anna. Stefnt er að þátttöku í slíkum
kaupstefnum næstu 3 til 5 árin og
hefur kynningarbæklingur verið gef-
inn út um helstu viðkomustaði fyrir
skemmtiferðaskip í löndunum þrem-
ur með upplýsingum um þjónustu,
sem unnt er að fá á hveijum stað.
Unnið hefur verið að þessu í nánu
Frá höfninui í Julianeháb.
samstarfi við hafnarstjórnir Reykja-
víkur og Akureyrar, sem jafnframt
eru aðilar að samstarfsverkefni
fjölda hafna í Evrópu undir heitinu
„Cruise Europe".
Morgunblaðið/MF
VTB tók þátt í markaðskönnun
meðal farþega skemmtiferðaskipa,
sem komu til Reykjavíkur síðastlið-
ið sumar. Könnunin var unnin fyrir
VTB, Reykjavíkurhöfn og Reykja-
víkurborg af Félagsvísindastofnun
Háskóla Islands. Einnig hefur ráðið
staðið að gerð kynningarbæklings
fyrir löndin þijú á 5 tungumálum
og hefur honum verið dreift víða
um heim. Þá er verið að vinna að
gerð myndbanda fyrir löndin þijú,
sérkenni þeirra og það, sem að-
greinir þau. Önnur verkefni eru
m.a. að skipuleggja blaðamanna-
heimsóknir milli landanna þriggja
og stuðning við ferðalög náms-
manna milli landanna, skipuleggja
fræðslufundi og ráðstefnur fyrir
starfsfólk ferðaþjónustu.
í Ferðamálaráði Vestur-Norður-
landa eiga sæti þrír fulltrúar frá
hveiju aðildarlandi. Fulltrúar ís-
lands eru Birgir Þorgilsson, formað-
ur Ferðamálaráðs Islands, sem er
formaður ráðsins, Pétur J. Eiríks-
son markaðsstjóri Flugleiða og
Magnús Oddsson ferðamálastjóri.
Frá Færeyjum eru Magne Arge,
formaður Ferðamálaráðs Færeyja,
Jan Mortensen, ferðamálastjóri í
Færeyjum, og Heri Mortensen frá
Atlantic Áirways. Frá Grænlandi
eru Kim Folmann Jorgensen ferða-
málastjóri Greenland Tourism, Jens
Larsen frá sambandi veitinga- og
gistihúsá á Grænlandi og Ole Bi-
erregárd forstjóri Gronlandsfly.
Framkvæmdastjóri VTB er Inga
Sólnes. ■
Magnús Finnsson
Gestum til
Japans faskk-
aöi 1993
í fréttabréfi Japan Travel Bureau
segir að fjöldi erlendra gesta tit
Japans 1993 hafi verið 3,41 millj-
ón og fækkað um 170 þúsund eða
4,8% frá árinu á undan. Þá hafi
að vísu verið algert metár en að
samdrátturinn sé samt áhyggju-
efni og megi sjálfsagt rekja til
stöðu jensins á árinu. Fram kemur
að það sem af er þessu ári hafi
ferðamönnum enn fækkað um 3,1
prósent en einhver merki séu um
að botninum hafi verið náð.
Flestir útlendingar telja Japan
með rétti mjög dýrt en bent er á
að með nokkurri útsjónarsemi og
góðum undirbúningi sé hægt að ferð-
ast þar ódýrt og gisting á ryokans
sem eru japönsk gistiheimili sé alls
ekki dýrari en miðlungs hótel í Evr-
ópu og Bandaríkjunum.
Fjölgun varð 1993 frá gestum í
Eyjaálfu en ferðamönnum frá Asíu-
löndum fækkaði um 6,3%, Banda-
ríkjunum 4,1, Evrópu 0,5 og Suður-
Ameríku um 17,2. Þó er vert að
hafa í huga að mjög fáir ferðamenn
frá S-Ameríku leggja leið sína til
Japans og hver breyting til aukning-
ar eða fækkunar vegur því þyngra
en frá öðrum heimshlutum.
Talsmenn japönsku ríkisferða-
skrifstofunnar hafa þungar áhyggj-
ur af því að fækkun evrópskra ferða-
manna fyrstu fjóra mánuði 1993
fækkaði um 3,1 prósent. ítrekað er
að þar sem efnahagsástand virðist
fara batnandi í Evrópu muni þróun-
in nú hægja á sér. ■
FERÐIR
UM HELGINA
Hið ísl. náttúrufræðifélag
NÚ um helgina eftir sólstöður
25. og 26. júní verður farin
fræðsluferð vestu>- í Dali, Saurbæ
og Klofning.Áhersla verður á
leirur, fjörur og fjörulíf
í Gilsfirði og
Hvammsfirði og
sjávar- og ísald-
arlokamenjar í
Dölum, m.a. í
Saurbæ, auk al-
mennrar nátt-
úruskoðunar.
Gist nótt að
Laugum í Sæl-
ingsdal.
Lagt af stað kl.
9 á laugard. Farið
vestur Mýrar, um
Hnappadal og Heydal og síðan í
Búðardal. Stórstreymt er þessa
helgi og því fjörur miklar í
Hvammsfirði. Farið verður upp í
Laxárdal og um kvöldið til gisting-
ar í Laugar. Þar er mikil nátt-
úrufegurð og þar er einnig gott
byggðasafn.
Á sunnud. er farið fyrir Klofn-
ing og inn í Saurbæ og skoðaðar
einhveijar frægustu sölvafjörur á
lágrifinu. Hugmyndir eru um
vegagerð yfir Gilsfjörð á tveimur
stöðum og hafa orðið nokkrar
deilur um áhrif slíkrar vegagerðar
á lífríki fjöru og fjarðar. Litið verð-
ur á vegastæðin og ýmsar menjar
í Saurbæ. Síðan er haldið til baka
og farið nú um Bröttubrekku.
Leiðsögumenn eru Karl Gunn-
arsson, þörungafræðingur, og
Hreggviður Norðdahl, jarðfræð-
ingur. Fararstj. verða Guttormur
Sigbjamarson og Freysteinn Sig-
urðsson. Skráning og upplýsingar
á skrifstofu HÍN.
Fí
FERÐAFÉ-
LAGIÐ hefur
á dagskránni
eftirfarandi
helgarferðir
nú 24.-26. júní
LJónsmessuferð
í Þórsmörk. Gist
í Skagfjörðsskála.
Gönguferðir um mörk-
ina. Eiríksjökull Gist í
tjöldum í Torfabæli. Helgina
25. og 26. júní er verið á Þingvöll-
um og gist í tjöldum.
Fjölskylduferð er í Þórsmörk
1.-3. júlí. Margt til skemmtunar.
Ódýr ferð í tilefni árs fjölskyldunn-
ar.
Loks er að nefna 4ra daga ferð
í Skagafjörð 23.-26. júní. Gist
að Lónkoti í Sléttuhlíð. Siglt frá
Hofsósi í Málmey. Farið um innan-
verðan Skagafjörð og gengið á
Mælifellshnúk. Jónsmessunætur-
ganga á Tindastól. Ferðir í Horn-
vík og Hlöðuvík, 10 dagar frá
28. júní-7. júlí. Gönguferðir m.a á
Hornbjarg, í Látravík og á Hæla-
víkurbjarg. Dagana 1.-6 júlí er
Landmannalaugar-Þórsmörk
og 9.-16. júlí er ferðin yfir
Vatnajökul á skíðum. ■
Takk á nokkrum tungumálum ]
Hindi dhanyavaad
Kóreska komapsummnida
Swahili asante
Rússneska spassebla
Griska efcharisto
Lettneska paldies
Búrmíska kyai zoo baadai
Bahasa(indónesía) teríma kasih
Thailenska khop khoon
lbo(m.a. í Nígeríu) imaynah
Krio(ýmis V-Afríkulönd tanki
Bengali dhonnyobad
Hebreska todah
Arabíska zukran
Vletnamska cam on
Lingala(Zaire) malam
Samoan(Samóaeyjar) faamolemole
Flugminja-
satn í Kalí-
fornfu
í Santa Monica í Kalífomíu er eitt
fremsta flugminjasafn í heimi.Þar
eru um 30 merkilegar vélar ásamt
tveimur fyrstu flugvélunum sem
flugu í kringum jörðina, og víðtækt
safn orrustuvéla frá seinni heim-
styijöldinni. í aðalsal safnsins
getur að líta flugvélina New Orle-
ans sem flogið var í kringum jörð-
ina árið 1924. Þar við hliðina er
Voyager sem var fyrsta flugvélin
sem var flogið í kringum hnöttin
án lendingar árið 1986.
Aðrar skrautfjaðrir í flugsafninu
eru Amerískir Mustangar P-51,
Breskir Hawker Hurricane og Rúss-
neskur YAK 3.
í safninu eru líka gripir úr fræg-
um kvikmyndum eins og furðutæki
úr James Bond bíómyndum og the
Rocketeer.
Og fyrir börnin er flugævintýra-
deild sem hefur m.a. eftirmynd af
fornaldar flugeðlu í fullri stærð.
Viskí í fimm hundruð ár
í ÁR eru liðin 500 ár frá því fyrsta
skoska viskílöggin var eimuð.
Verður mikið um dýrðir og ýmsir
viskí-framleiðendur fjármagna
um 80 uppákomur í tilefni þessara
tímamóta þjóðardrykkjarins.
Þar á meðal eru skosku Hálanda-
leikarnir og opna skoska Bell-golf-
mótið við Gleneagles. Margir viskí-
framleiðendur taka á móti gestum
sínum með ókeypis kynningu og
drykkjarprufum. Skoska viskífram-
leiðslan getur rakið rætur sínar allt
til ársins 1494. Þessi frægasta fram-
leiðsla Skotlands er nú flult út til
um 200 landa. ■