Morgunblaðið - 24.06.1994, Side 7
MORGUNBLAÐIÐ
FÖSTUDAGUR 24. JÚNÍ1994 C 7
FERÐALÖG
Það er örugglega börnum og fullorðnum ógleyman-
legt að hjóla meðfram Móselánni, stoppa af og til
og fá sér hressingu, teyga að sér ilminn af gróðrin-
um og hlusta á fuglasönginn.
Römer-express heitir lestin sem ferðamenn geta
farið með í skoðunarferð um borgina
í sund með krakkana
Hægt að grilla úti
Það er hægt að fara í sund í Tríer
og næsta nágrenni. Til að mynda
eru tvær útisundlaugar í Tríer, ein
í Konz sem er rétt hjá Tríer, önnur
í Ruwertal in Mertesdorf og ein í
Saarburg. Þær eru á ýmsum öðrum
stöðum í Móseldalnum og bara að
spyrja á hverjum stað um næstu
úti eða innisundlaug.
Hægt er að grilla víða við Móselánna eða fara með tilbúið nesti
og borða við ánna
Skemmtigarður
Það tekur tæpa klukkustund að aka
í skemmtigarðinn Eifelpark við Bit-
burg en þar er ýmislegt að finna
sem gleður barnssálina.
Brattar rennibrautir, sigling á
gúmmíbátum, rússíbani, rólur á
risasveppi, vatnsrennibrautir, le-
starferðir, og allskyns dýr. Þetta
er sýnishorn af því sem í boði er.
Leikfangasafn
Við Nagelstrasse í Tríer er leik-
fangasafn og það hafa bæði full-
orðnir og börn gaman af að skoða.
Safnið er á þremur hæðum með um
5000 leikföng til að dást að. Þarna
eru járnbrautir, dúkkur, dúkkuhús,
bangsar, rugguhestar og svo mætti
áfram halda. Leikföngin eru allt að
tvö hundruð ára gömul.
Safnið er opið daglega frá ellefu
til fimm.
Siglt á Móselánni
Á hvetjum degi er hægt að fara
og sigla á Móselánni. Hægt er að
fara í einnar klukkustundar sigl-
ingu en líka í lengri ferðir. Veiting-
ar eru seldar um borð.
Á ýmsum stöðum eru útigrill sem
almenningur getur haft afnot af og
yfirleitt eru þá borð og bekkir í
næsta nágrenni. Þýskar matvörú-
verslanir er skemmtilegt að heim-
sækja og það getur verið gaman
fyrir börnin að borða úti.
Þetta er aðeins sýnishorn af því
sem fjölskyldufólki stendur til boða
í Tríer og næsta nágrenni. Auk
þessa eru dýragarðar á næstu grös-
um, litlir skemmtigarðar, útimark-
aðir og stundum eru farands tívolí
í heimsókn. í Tríer er gott að vera
með börn því þrátt fyrir ferða-
mannastraum er borgin róleg, nóg
af ísbúðum, freistandi ávaxtamark-
aðir og meira að segja Mac Donalds
á aðalgötunni. Ég ætla nú að bíða
með að tilkynna börnunum á mínu
heimili að frá Tríer taki ekki nema
fjóra til fimm tíma að keyra að
Éuro Disney garðinum í Frakk-
landi. Það bíður betri tíma. ■
Guðbjörg R. Guðmundsdóttir
Hieyfingar á gullforða
í NÝJASTA hefti Asiaweek er birtur listi yfir þær 75 þjóðir sem eiga
mestan gullforða. Bandaríkin eru þar í efsta sæti og síðan koma Þýska- '
land, Sviss, Frakkland, Ítalía, Holland, Belgía, Japan, Austurrííd og
Bretland. Sömu lönd voru á topp-tíu lista frá 1980 sem birtur er til
samanburðar.
Það sem er hvað eftirtektarverð-
ast við nýja listann er að hjá mjög
mörgum löndum hefur gullforði
minnkað til muna eða staðið í stað.
Meðal þeirra ríkja sem mjög hafa
gengið á gullforða sinn eru Portúg-
al um 28%, Belgía 27%. Kanada
um helming. S-Afríka um 45%,
Mexíkó um 67% og Ungveijaland
um 95%.
Nokkur ríki hafa bætt sinn hag
og þar er á blaði m.a. Finnland,
Filippseyjar, Indónesía, Indland,
Libya, Pakistan, Perú, Qatar, Sam-
einuðu arabísku furstadæmin,
Zimbabwe og Bangladesh. Þess
skal þó getið að gullforði sumra
þriðja heims landa er mjög lítill þó
svo hann hafi aukist í prósentum.
Zaire í heimsmetabókina
AFRÍKURÍKIÐ Zaire hefur komist í heimsmetabók Guinnes í fyrsta skipti.
Ástæðan er sú að í landinu var mesta verðbólga í heiminum 1993, eða
8.319%. Þetta er hæsta verðbólga í heimi síðan í heimsstyijöldinni síðari
og slær Zaire „verðbólgulöndunum" Argentínu og Bólivíu hressilega við.
Manninum, sem er kennt um að
Zaire hlýtur þennan vafasama heið-
ur, er Faustin nokkur Birindwa sem
var forsætisráðherra lungann úr síð-
asta ári. Mobuiu forseti rak hann
úr starfi í janúar sl. Fjölmiðlar í land-
inu segja að hann beri ábyrgð á verð-
bólgumartröð landsins. Öðrum fínnst
það veruleg einföldun á málinu og
hvíslað er um spillingu meðal æðstu
manna og það sé ekki nýtt af mál-
inni. Hvað sem því líður hefur Faust-
in verið ákærður fyrir fjárglæfra og
brask, en hann kom sér vel fyrir á
verðbólgutímabilinu, m.a. seldi hann
ýmsum einkavinum sínum allmargar
fasteignir ríkisins og keypti 18 hús
handa sjálfum sér. ■
Sjö milljónir kristinna í Kína
í BEJING Review segir að á síðustu þremur árum hafi kristnum
mönnum fjölgað mjög í Kína og séu nú 7 milljónir en voru 2,6 milljón-
ir þegar Alþýðulýðveldinu var komið á laggirnar. Flestir eru mót-
mælendur. Tíu milljón eintökum af Biblíunni hefur verið dreift og er
sú bók í Kína sem hefur verið prentuð í stærstu upplagi að „Rauða
kveri Maos“ undanskildum.
Þá segir í greininni að nú séu um
átta þúsund kirkjur í landinu og frá
1991 hafi verið byggðar eða endur-
byggðar nánast í hveiju ríki í land-
inu. í greininni er vitnað í K.H. Ting,
biskup í Nanjiin þar sem hann segir
að víða erlendis hafi menn ónóga
þekkingu á stöðu trúmála í Kína og
halda að stjórnvöld hafi reynt að
bregða fæti fyrir starfssemi krist-
inna manna í landinu en það eigi
sér ekki stoð í veruleikanum. ■
1
MÁNAÐARINS
Hótel Rubinen
í Gautaborn
ÞAR SEM Gautaborg er iðnaðarmiðstöð fyrir Suður-Svíþjóð og vinsæl
sýningar- og samgöngumiðstöð eru mörg hótel í borginni. Flest bera þau
þess merki að vera ætluð fólki í viðskiptaerindum; dýr og stór, með góða
þjónustu en ópersónulega. í miðborginni er þó eitt hótel, sem sker sig úr
að ýmsu leyti, Hótel Rubinen við aðalgötuna, Kungsportsavenyn 24.
Hótelið er búið öllum helstu
þægindum, en er auk þess nota-
legt. Anddyrið er líflegt og fyrir
utan er gangstéttarkaffi þegar
viðrar. En það er þó ekki síst
morgunmaturinn sem verður
lengi í minnum hafður meðal
gesta, sem gefa sér tíma til að
njóta hans.
Hótel Rubinen er í eigu Reso-
keðjunnar, sem á hótel víða um
Svíþjóð, Noreg, Finnland og nokkur
í Rússlandi. Hótelið tekur 185 gesti
og þeir sem ekki reykja geta fengið
reyklaus herbergi. 011 em herbergin
smekklega búin og fremur rúmgóð
og baðherbergin eru bæði falleg og
þægileg. Þar er auðvitað minibar
og kapalsjónvarp auk þess sem
hægt er að horfa á kvikmyndir af
myndbandskerfi hótelsins, en fyrir
það verður að greiða sérstaklega.
Ráðstefnu- og fundarherbergi eru
til reiðu.
Vel í sveit sett
Velja má milli einmennings- og
tvímenningsherbergja í þremur
stærðum og svo lítillar svítu og
brúðarsvítu. Verð einmenningsher-
ANDDYRI Hótels Rubinen í Gautaborg er líflegt og fyrir utan er gangstéttar-
kaffi þannig þegar viðrar.
HERBERGIN eru smekklega búin og fremur
rúmgóð og hægt er að fá herbergi, sem að-
eins eru boðin reyklausum.
bergja er frá um 10 þús. ÍKR en
2ja herbergja frá um 12 þúsund.
Um helgar gildir sérstakt verð, frá
um sex eða átta þúsundum.
Hótelið er á eink-
ar heppilegum stað
þarna við Kung-
sportsavenyn. Gat-
an er lífleg, en jafn-
vel á herbergjum
sem snúa út að göt-
unni verður gestur
ekki var við um-
ferðina, því glugga-
rnir eru firnavel
einangraðir. Lista-
safnið er skammt
frá hótelinu, fyrir
neðan það er svo
gamla leikhúsið og
heldur lengra, en
samt í góðu göngu-
færi er gamla hverfið í Gautaborg,
göngu- og verslunargötur. Allt í
kringum hótelið eru matstaðir,
bæði við Kungsportsavenyn og í litl-
um hliðargötum og
tveir veitingastaðir
og bar eru á sjálfu
hótelinu.
Munnur og magi
Morgunverðurinn
er borinn fram í stór-
um og björtum sal,
með útsýni yfir
Kungsportsavenyn.
Boðið er upp á mynd-
arlegt hlaðborð sem
jafnvel hinn víðföri-
asti gestur getur
glaðst yfir og einnig
gleðja sérsænskir
réttir munn og maga.
Þarna er allt þetta -
venjulega á góðu
morgunverðarborði, svo sem jógúrt
og aðrar sýrðar mjólkurafurðir,
ásamt því sem gott er með. Á öðru
borði eru margar brauðtegundir,
bæði sætt brauð á sænska vísu og
venjulegt brauð og meðlæti í miklu
úrvali, vínarbrauð og annað sæta-
brauð og nýir ávextir. Á þriðja borð-
inu eru bæði appelsínur og greip,
sem gestir geta pressað að vild, auk
safa í könnum fyrir þá værukæru.
Á fjórða borðinu er brauðjárn fyrir
þá sem vilja útbúa sér heitt brauð,
en við hliðina á því er vöfflujárn
og deig, svo hver getur bakað vöffl-
ur að vild ... og þvílíkar vöfflur!
Meðlætið er heldur ekki af lakari
endanum, þeyttur ijómi, sultur úr
heimskautsbeijunum „lakka“ og
bjarnarbeijum, auk mösursíróps úr
Vesturheimi. ■
Sigrún Davíðsdöttir •