Morgunblaðið - 12.03.1977, Blaðsíða 27

MORGUNBLAÐIÐ, LAUGARDAGUR 12 MARZ 1977
27
Sveinn Benediktsson:
Markaðsfréttir
f nýútkomnu dreifibréfi Félags
fsl. fiskmjölsframleiðenda ritar
Sveinn Benediktsson markaðs-
fréttir og birtir grein úr „Oil
World“ um markaðsmál.
Markaðsfréttir
Gamla sagan um miklar verð-
sveiflur á fiskmjölsmörkuðunum
hefur enn einu sinni endurtekið
sig.
1 siðasta hefti tímaritsins Oil
World No. 9/XX frá 4. marz 1977
segir m.a.:
„Innflutningur til Indlands
(Pakistan) á jurtaolium og feit-
meti hefur nærri fimmfaldast og
er þessi aukni innflutningur rak-
inn til lélegrar uppskeru og kosn-
inga þeirra sem i hönd fara. Talið
er að framleiðsla hinna átta
helstu tegunda jurtaoliukjarna
muni á þessu uppskerutímabili
nú minnka um meira en eina
milljón tonna. En með meiri
birgðum af jarðhnetum frá fyrra
uppskerutímabili og minnkun
þeirra birgða i lágmark og mikl-
um niðurskurði á útflutningi
kjarna, þá er þess vænst að
rýrnun á útflutningi á jurtaolíu-
kjörnum muni aðeins nema um
380.000 tonnum. Af þessum
ráðstöfunum myndi leiða, að
jurtaolíur, að viðbættu smjöri og
tólg, myndu aðeins hafa í för með
sér aukningu um 220.000 tonn, ef
neyslu á mann væri haldið
óbreyttri um 5.5 kg.
Engu að siður munu kosningar,
sem í hönd fara, takmarkanir i
stórum framleiðsluhéruðum og
viðleitni til þess að safna vara-
birgðum ýta undir miklu meiri
uppkaup, sem sennilegt er að
muni leiða til innflutnings á
hálfri milljón tonna á þessu upp-
skerutimabili, samanborið við að-
eins 104.000 tonn á uppskeru-
tímanum 1975/ 1976.
Þessi innflutningur gerir kleift
að auka neyslu á mann í allt að 5.8
kg. til viðbótar fyrri birgðum
300.000 tonnum.
Þar sem búist er við dvínandi
framleiðslu, verður aðeins um 1.2
milljónar tonna laus til ráðstöfun-
ar til útflutnings á móti þvi há-
marki, sem náðist á siðasta upp-
skerutimabili, sem reyndist vera
1.43 milljónir tonna.“
Ali Butto, forseti Pakistan,
vann yfirburða sigur i þingkosn-
ingunum hinn 7. marz.
Markaðurinn i dag
og markaðshorfur
Lauslega þýtt úr „Oil World“
No. 9/XX4. marz 1977.
Hið óhjákvæmilega hefur loks-
ins komið á daginn. Kyrrstöðunni
á mjölmarkaðnum er lokið. Frá
þvi i lok októbermánaðar 1976
hefur komið greinilega í ljós að
skortur myndi verða á þessu upp-
skerutimabili á sojabaunum og
jurtaolíu úr sojabaunum. Það var
einnig augljóst að þessi skortur
myndi fyrst og fremst bitna á
Bandarikjunum og Vestur-
Evrópu.
Á þessum tveimur landsvæðum
þurfti að draga úr neyzlunni um 2
millj. tonna, þrátt fyrir niður-
skurð á birgðum um 300.000 tonn,
þó Brasilía pressi og flytji út
nálægt hámarki af 12.5 milljón
tonna uppskeru sinni fram i
september 1977.
Þótt verðið á sojamjöli hækkaði
mikið á sl. 4 mánuðum og mjöl og
maisuppskeran ykist verulega, þá
drógu framleiðendur á kvikfénaði
og alifuglum ekki verulega úr
notkun sinni á timabilinu frá
október/ febrúar og óvíst er hvort
þeir geri það i marz, þar sem þeir
hafa flestir birgðir fram til loka
þessa mánaðar. Þeir drógu flestir
ekki úr notkuninni og flestir
þeirra bættu ekki við sig birgðum
á næstu 4— 6 vikum, þótt þeir
sæju að skortur myndi verða á
fóðri. Þeim myndi hafa verið
unnt að fóðra kvikfénaðinn 'á
ódýrari kornvörum, sem nóg var
af og auðveldara að festa kaup á
þvi en sojamjöli, og þannig látið
hinar takmörkuðu fóðurbirgðir
endast lengur, en í hinum ný-
tizkulega og flókna heimi, eins og
hann er nú orðinn, var þessu
gamalgróna þjóðráði ekki beitt.
Það kann að vera að margur
maðurinn hafi hugsað sem svo:
Látum nágrannann draga úr notk-
uninni. Aðrir kunna að hafa hugs-
að að þetta myndi lagast en ekki
versna. Ef til vill töldu þeir sig
hafa næga fjármuni og lánstraust
til þess að standast verðhækkun
fóðurvaranna, ef illa færi.
Frjáls markaður verður að sam-
ræmast markaðshorfum. Stór-
hækkað verð á sojamjöli hafði i
för með sér aukinn kostnað við
framleiðsluna. Upplýsingar um
markaðshorfur leiddu ekki til
fóðurskömmtunar, sem auðvelt
hefði verið að framkvæma. Litill
hagnaður og að lokum tap verða
að koma jafnvægi á viðskiptin.
Tapreksturinn eða lítill hagnaður
mun liklega standa í 3 — 6 mán-
uði og fara eftir verði á hinum
ýmsu tegundum kvikfénaðar og
þvi hvernig neytendur á kjötmeti
bregðast við breyttum aðstæðum.
Fiskmjöl
Lækkun á verðlagi fiskmjöls
hélt áfram þessa viku, þrátt fyrir
að verðið á sojabaunum og soja-
baunamjöli styrktist.
Verðið á fiskmjöli á Ham-
borgarmarkaði var $ 440,45 per
metric tonn c & f Hamborg.
EPCHAP (mjöl- og lýsiseinka-
salan í Perú) bauð fiskmjöl á
Hamborgarmarkaði i gær á $ 460
c & f með 64 — 65% proteininni-
haldi.
Eftirspurn og viðskipti voru
dauf i vikunni. Biðu kaupendur
átekta i von um enn lægra verð
með hliðsjón af mikilli fram-
leiðslu í Norður-Evrópu og þvi að
búist er við að veiðar við Perú
hefjist siðari hluta þessa mánað-
ar.
Heildaraflinn við ísland er nú
hinn. 9. marz um 445.000 tonn á
móti tæpum 300.000 tonnum i
fyrra
Heildarafli Norðmanna var í
byrjun þessa mánaðar um 50%
meiri en í fyrra á sama tíma.
Á árinu 1976 fluttu Norðntenn
út 273.840 tonn af lausu fiskmjöli,
þar af voru 18.325 tonn kögglað
(pelleterað) og 153.818 tonn i
sekkjum.
Lýsisverð
hækkandi
Svo sem fram hefur komið í
veitingum útflutningsleyfa á
loðnulýsi sbr. dreifibréf FÍF nr.
11/ 1976 og nr. 1 og 2/ 1977, þá
hefur verð á Ioðnulýsi farið hækk-
andi s.l. 3 mánuði úr $ 415 per
metric tonn cif upp i $ 465 per
tonn cif.
9. marz 1977
Sv. Ben.
Þessa mynd tók einhver gestur Loch Ness Pub af þeim Valgeir og
Birki, þar sem þeir standa við skenkinn á barnum I veitingahúsi
þeirra og spjalla við afgreiðslustúlkur.
Loch Ness Pub:
íslenzkur áningarstað-
ur í miðri Luxemborg
„Við gerum okkur von-
ir um að þessi staður geti
orðið nokkurs konar án-
ingarstaður íslendinga
sem eiga leið um Luxem-
borg, eða eru þar staddir.
Auk þess að vera með
bjórstofu í húsinu, þá er
einnig hægt að fá að
borða hjá okkur, því á
jarðhæð erum við með
veitingasölu.“ . Þannig
mælti Valgeir Sigurðs-
son, veitingamaður, er
við spjölluðum við hann
um veitingahús sem
hann og félagi hans,
Birkir Baldursson, hafa
opnað í hjarta Luxem-
borgar.
Valgeir kvaö krána þeirra
heita Loch Ness Pub. „Þetta er
allt i skozkum stíl hjáokkur. Aö
innan er allt saman innréttað í
Hálanda-stil, en þaö voru is-
lenzkir trésmiöir sem unnu
verkiö. Þá eru þjónustustúlk-
urnar yfirleitt klæddar á
skozka visu, en þær eru islenzk-
ar og skozkar.“
Aðspurður sagði Valgeir þá
hafa opnaö krána 22. desentber
síðastliðinri, og hefði hann ver-
iö vel sóttur frá upphafi, en
daglega er opið til kl. 1 eftir
miðnætti. Sagðist hann selja
mikið af smámáltiðum, sem
fólk tæki með sér, og væri fish
and chips vinsæll réttur hjá
þeim. „Salan er alltaf að auk-
ast, og þegar við höfum náð upp
ákveðinni sölu, sem stutt er í,
þá ætlum við okkur að flytja
fiskinn að heiman með flugi, en
sem stendur notum við erlend-
an fisk,“ sagði Valgeir.
Valgeir tjáði okkur að yfir-
leitt væri talsvert af íslending-
um meðal gesta. „Það er
kannski ekki sérkennilegt þvi
að í Luxemborg búa um 400
Islendingar. Þeir koma eftir
vinnu og drekka bjór hjá okk-
ur, en aldrei sést á nokkrum
þeirra," sagði hann. Þá sagði
Valgeir okkur að það væri von
hans og Birkis að sem flestir
íslendingar legðu leið sína til
þeirra, þvi hjá þeim væri matur
og drykkur með þvi ódýrasta
sem gerðist í Luxemborg. Val-
geir sagði að auðvelt ætti að
vera að rata á Loch Ness Pub.
því hann væri á Rue Notre
Dame núrner 13, eða við hliðina
á Frúarkirkjunni i miðborg-
inni.
Valgeir sagði að þeir félagar
væru með ráðagerðir um að
opna fleiri samsvarandi staði
víðs vegar um Evrópu og i
Luxemborg. „En við vonum
bara að sem flestir íslendingar
komi og liti við hjá okkur. þvi
þeir eru 'allir velkomnir. Við
munum taka á ntóti landanum
fagnandi," sagði Valgeir að lok-
u m