Morgunblaðið - 29.08.1957, Blaðsíða 16
2-24-8»
fHmaQPHttirifafrtfe 12-24-80
193. tbl. — Fimmtudagur 29. ágúst 1957.
A ný eru hafnar framkvæmdir við hina miklu hengibrú yfir Hvítá í Biskupstungum hjá Iðu.
— Sjá grein á bls. 9. (Ljósm. Mbl.: Gunnar Rúnar).
A.S.I. slaðfesfi úrskurðinn
varðandi Efra-Sogs-flufninga
MORGUNBLAÐIÐ frétti í gærkvöldi að stjórn Alþýðusambands
fslánds hefði komið saman og fjallað um úrskurð stjórnar Lands-
sambands vörubílstjóra, eftir kröfu stjórnar Mjölnis í Árnessýslu,
i deilu Mjölnis við Vörubílstjórafélagið Þrótt í Reykjavík.
★ — ★ — ★
Stjórn A.S.f. staðfesti á þessum fundi sínum úrskurð stjórnar
I.andssambands vörubílstjóra um skiptingu flutninga á efni og
öðru að Efra-Sogs-virkjun. A.S.f. stjórnin vísaði málinu að öðru
leyti frá sér og benti á að það væri ekki á valdi annarra en þings
Landssambandsins sjálfs að breyta úrskurðinum.
★ — ★ — ★
]Þá hefur Mjölnis-stjórn einnig farið þess á leit við stjórn Dags-
brúnar að hún grípi inn í deilu þessa á þann hátt að neita að hlaða
Þróttarbíla, sem varning flytja austur að Efra-Sogi. f gærkvöldi
höfðu ekki borizt fréttir af afstöðu Dagsbrúnarstjórnar, en kunnugir
töldu ólíklegt að hún vilji hafa afskipti af deilunni með nokkrum
þeim hætti sem Mjölnis-stjórn hefur óskað eftir.
Stuðningur við
Mjölni’
SELFOSSI, 28. ágúst. — Fulltrúa-
ráð verkalýðsfélaganna hér í sýsl
unni hélt fund á Selfossi í gær-
kvöldi. Umræðuefnið var deila
Mjölnismanna. Samþykkti fund
urinn að beina þeim tilmælum
til verkamannafélagsins Dags-
brúnar í Reykjavík, að Dagsbrún
armenn verði ekki látnir vinna
við að lesta eða losa bíla, sem
flytja efni til virkjunarinnar við
Efra-Sog á meðan flutningadeil-
an er óleyst.
Þá lýsti fundurinn yfir eindreg
inni samstöðu fulltrúaráðsins
með vörubílstjórafélaginu Mjölni
í fyrrnefndri deilu og hét ein-
dregnum stuðningi verkalýðs-
félaganna í Arnessýslu við hverj-
ar tiltækar ráðstafanir til að
tryggja réttláta lausn deilunnar.
Eéraðsmót Sjálfstæðismanna
i Eyjaíirði um næsta helgi
UM næstu helgi verða tvö hér-
aðsmót Sjálfstæðismanna í Eyja-
firði. Verður annað mótið í Ól-
afsfirði, en hitt að Freyvangi,
hinu nýja og myndarlega félags-
heimili í Öngulsstaðahreppi.
í Ólafsfirði.
Mótið í Ólafsfirði er nk. laugar
dag kl. 8,30 síðd. Munu þar flytja
ræður alþingismennirnir Ingólf-
ur Jónsson og Magnús Jónsson.
Fluttur verður gamansöngleik-
urinn „Ást og andstreymi", eftir
Offenbach, sem fluttur hefur
verið á mörgum héraðsmótum
í sumar við mikla hrifningu
áhorfenda. Söngvarar eru þau
Guðmunda Elíasdóttir, Guðmund
ur Jónsson og Þuríður Pálsdótt-
ir. Undirleik annast Fritz Weiss-
happel.
Að lokum leikur hljómsveit
fyrir dansi.
í Freyvangi.
Mótið í Freyvangi er nk. sunnu
dag og hefst kl. 9 síðdegis. —
Verða þar sömu dagskráratriði
og á mótinu í Ólafsfirði.
Leikhús Heimdallar
sýnir gamanleik
Frumsýningin verður annað kvöld
HEIMDALLUR, félag ungra Sjálfstæðismanna, frumsýnir gaman-
leikritið „Sápukúlur", eftir George Kelly í Sjálfstæðishúsinu annað
kvöld kl. 8,30. — Leikhús Heimdallar mun nú í fjórða skiptið
hefja sýningu á sumarleikriti. Þessi þáttur í félagslífi Heimdallar
hefur verið mjög vinsæll og vakið áhuga annarra á leiksýningum
yfir sumartímann.
Leikritið „Sápukúlur" er bráð
skemmtilegt og hefur verið sýnt
við góðar undirtektir í Banda-
ríkjunum. Höfundur leikritsins
er George Kelly, sem er í dag
framarlega í hópi leikritahöfunda
vestanhafs.
Leikstjórn annast Indriði
Waage, en leikarar eru; Róbert
Arnfinnsson, Herdís Þorvalds-
dóttir, Arndís Björnsdóttir og
Kristbjörg Kjell, og má af þessu
sjá að vel hefur tekizt til um val
leikara. Leikritið stendur yfir í
aðeins 45 mín. og verður síðan
dansað til kl. 23,30.
Væntir Leikhús Heimdallar
góðrar þátttöku almennings í við
leitni sinni til þess að lífga
skemmtanalíf bæjarbúa.
Aðgöngumiðasala er í Sjálf-
stæðishúsinu (uppi) frá 9—5.
Miðapantanir í síma 17100.
Engir Þrótfar-bílar á
leiðinni til Efra-Sogs
Æsifrétt Tímans borin til baka
VEGNA fréttar í Tímanum í gær
að 5 vörubílar frá Þrótti hefðu
kvöldið áður farið með varning
austur að Efra-Sogi kom Mbl. að
máli við Friðleif I. Friðriksson,
formann Þróttar og spurði hvað
hæft væri í þessu. Friðleifur kvað
þessa frétt Tímans alranga, og
kvaðst ekki skilja hvernig hún
gæti verið til komin né í hvaða
tilgangi hún væri birt. Ekki hefði
blaðið leitað neinna upplýsinga
um þetta hjá Þrótti áður en frétt-
in var birt.
Formaður Þróttar sagði, að síð-
an vörubílarnir 13 brutust í gegn-
um vegatálmun Mjölnis hefði
enginn vörubíll frá Þrótti farið
austur og myndi ekki gera, nema
verktakarnir óskuðu eftir flutn-
ingi.
Mbl. sneri sér þá til Árna
Snævarr, sem er einn í stjórn
verktakanna og innti hann eftir
hvort nokkur ósk lægi nú fyrir
um flutning á vörum austur að
Efra-Sogi. Hann kvað það ekki
vera sem stendur. Samkvæmt því
getur Mbl. því fullyrt að engir
vörubílar frá Þrótti fóru austur
hvorki í fyrradag né í gær. En
framtíðin er óráðin.
Þingmenn frá Norðurlöndum hafa undanfarna daga verið að koma til Islands til þátttöku í
norrænu þingmannaráðstefnunni. Þessi mynd var tekin á Reykjavíkurflugvelli í fyrrakvöld,
þegar nokkrir danskir þingmenn komu hingað með Viscount-flugvél Flugfélagsins. Á miðri
myndinni sést Páll Ásg. Tryggvason stjórnarráðsfulltrúi taka á móti hinum erlendu gestum.
Bridgemótið í Vínarborg:
(Ljósm.: Sv. Sæm.)
ísland náði jöfnu við
Belgíu — tap gegn Ítalíu
ÍSLENZKA sveitin á bridgemótinu í Vínarborg hefur enn ekki
„fundið sjálfa sig'1 eftir sigurinn yfir Austurríki. í 11. umferð náði
hún jafntefli við Belgíu, en í 12. umferð töpuðu íslendingar fyrir
ítölum, en þeir eru nú langsigurstranglegastir á mótinu — hafa
enn engum leik tapað.
Úrslit 11. umferðar
Lebanon vann Finnland 89:73.
Noregur og Danmörk gerðu jafn-
tefli 49:48. Spánn vann Svíþjóð
51:40. Ítalía vann Pólland 74:33.
ísland og Belgía skyldu jöfn
46:47. Sviss og Þýzkaland skyldu
jöfn 69:70. Frakkland vann Hol-
land 90:27. Austurríki og Engiand
skyldu jöfn 50:47.
«>------------------------------
Úrslit 12. umferðar
Holland vann Austurríki 50:40.
Frakkland vann Þýzkaland 69:58.
Belgía vann Sviss 58:43. Ítalía
vann ísland 69:28. Spánn vann
Pólland 68:43. Danmörk vann
Svíþjóð 75:50. Noregur vann Finn
land 68:56. írland vann Lebanon
77:42. — Vilhjálmur.
Fundir þingmannasambands
Norðurlanda hefjast í dag
í DAG hefst í Reykjavík 31.
fundur þingmannasambands
Norðurlanda.
Þingmannasambandið var stofn
að órið 1907, og hafa oftast verið
haldnir fundir annað hvort ár, til
skiptis í höfuðborgum Norður-
landa.
Á þessum fundi verða umræðu
efni sem hér segir: Beinir og
óbeinir skattar, og flytur Trygve
BratteU fjármálaráðherra Nor-
egs framsöguræðu. Alþjóðalög-
regla, sem þátt í starfsemi
Sameinuðu þjóðanna til að við-
halda friði í heiminum. Fram-
söguræða: Rickard Sandler fyrrv
forsætisráðherra Svíþjóðar, og
ennfremur mun einn finnnsku
fulltrúanna flytja framsöguræðu
um þetta efni. Davíð Ólafsson
fiskimálastjóri flytur greinar-
gerð af hálfu íslands um fisk-
veiðitakmörk. Að lokum verð-
ur rætt um framtíðarstarfsemi
þingmannasambandsins, og mun
Alsing Andersen, fyrrv. ráðherra
og formaður dönsku þingfulltrú
anna flytja framsöguræðu.
Þinginu lýkur á föstudags-
kvöld, en á laugardag verður
þingfulltrúum boðið í ferðalag
til ýmissa staða í nágrenni
Reykjavíkur, þ. á. m. Þingvalla.
Meðan þingið stendur yfir
munu þingfulltrúar m. a. fara
til Bessastaða í boði forseta ís-
lands.
í stjórn íslandsdeildar þing-
mannasambandsins eru þessir
menn: Gunnar Thoroddsen, borg-
arstjóri, formaður, Bernharð
Stefánsson, bankastjóri, Emil
Jónsson, bankastjóri, og Hanni-
bal Valdimarsson, félagsmálaráð
herra.
Ræðir um hand-
ritamálið
í KVÖLD kl. 8.30 heldur Bjarni
M. Gíslason erindi í útvarpið um
lýðskólana dönsku og handrita-
málið.