Náttúrufræðingurinn - 1984, Page 74

Sjávarklettar í Viðey
Við austanverða Eiðisvíkina í Viðey
eru um 10 m háir sjávarklettar úr
storkubergi. Líklega er þarna um að
ræða innskot (dólerít) sem myndaðist
við innskotavirkni í Kjalarneseldstöð-
inni árla á ísöld (á sama tíma og dökku
klettarnir í Þverfelli í Esju). Bergið er
reglulega stuðlað og hallar stuðlunum
aðallega til austurs. Þegar horft er til-
sýndar á klettana, er helst líkast því að
þeir hafi verið steyptir í mótum úr
bárujárnsstubbum. Ef nánar er að
gáð, sést að bylgjurnar sem liggja eftir
yfirborði stuðlaflatanna, virðast vera
bundnar við lagskipt blöðrubelti í
berginu. Hefur (sjávar- og) veðrunar-
rofið unnið greiðar á blöðróttari belt-
um bergsins en hinum þéttari og þá
étið báru inn í blöðrubeltin. Þetta
rofafyrirbrigði er ekki eingöngu bund-
ið við sjávarsíðuna, heldur eru svipuð
rofform þekkt víða unr land. Þeir sem
leggja leið sína til Viðeyjar ættu að
huga að þessum snotru klöppum.
Ágúst Guðmundsson
Orkustofnun
Grensásvegi 9, R.
Sjávarklettar í Viðey.
(Ljósm. Ágúst
Guðmundsson).
Náttúrufræðingurinn 53 (3-4), bls. 164, 1984
164