Lesbók Morgunblaðsins - 13.09.1997, Blaðsíða 11
af silfurpeningum og brezkum gullpeningum,
steig Ólafur um borð í vesturfaraskipið Camo-
ens sumarið 1888. Fimm af sjö börnum hans
fóru með honum vestur. Tvö urðu eftir hjá
ættingjum.
Ólafur var talinn ríkasti íslendingurinn sem
steig á land í Kanada það árið. Blað Vestur-
íslendinga, Heimskringla, fullyrti að hann hefði
keypti búsáhöld fyrir 100 dollara, 12 naut-
gripi, kerru, sleða, plóg og herfi og til að kom-
ast á áfangastað í Churchbridge í Saskatchew-
Ljósm.: Mats Wibe Lund
Á SÝNINGUNNI i Vesturfaraetrinu: Dæmigerð þurrabúð ásamt innanstokksmunum. Þurrabúðir, öðru nafni tómthús, voru býli þar sem
daglaunamenn bjuggu f verstöð eða kaupstað.
FRA VIGSLU Vesturfarasetursins á Hofsósi.
an hefði hann tekið heilan járnbrautarvagn á
leigu.
Olafur kvæntist í annað sinn vestra, ekkj-
unni Sigríði Hjaltadóttur, en von um betra líf
brást. Hver ógæfan af annarri dundi yfir fjöl-
skylduna. Tvö barnanna dóu í blóma lífsins,
18 og 25 ára. Ólafur og Sigríður yfirgáfu
bújörðina og fjölskyldan leystist upp. Þau flutt-
ust til Big Point við Manitobavatn. Þar reynd-
ist búskapurinn jafn erfiður og hjónabandið
þoldi það ekki.
Bugaður maður og rúinn kjarki bjó Ólafur
einn þar til Kristín dóttir hans, sem hafði orð-
ið eftir á íslandi, sendi honum ráðskonu. Um
það leyti fór sjón Ólafs að hraka. Ólafur ríki
var nú nefndur Ólafur blindi. Á stuttum tíma
bárust honum andlátsfregnir þriggja dætra
sem létust úr heilablóðfalli eins og móðir þeirra.
Nú var fokið í flest skjól og eina bjargarráðið
að flytja aftur til íslands. Ölafur fluttist heim
til Kristínar dóttur sinnar árið 1918 eftir 30
ára fjarveru, næstum alblindur og dó í Reykja-
vík 1931.
HALLUR OG GUÐRÚN, sem segir frá í greininni.
Sagan af Halli og Guðrwnu
Hinn 8. júní 1903 lagði Vesta af stað frá
Seyðisfirði til Leith. Um borð voru á fimmta’'
hundrað vesturfarar. Meðal þeirra var Hallur
Ólafsson, 49 ára húsmaður, og Guðrún Krist-
jana Björnsdóttir 38 ára, ásamt 16 ára syni
þeirra og 5 ára fósturdóttur. Þau voru á leið-
inni til Winnipeg.
Hallur var fæddur að Haga í Holtum í Rang-
árvallasýslu 1853. Hann fór snemma að vinna
almenn sveitastörf og 16 ára fór hann fyrst
til sjós. Hann var til sjósróðra í nær öllum
verstöðvum sunnanlands á veturna. Hann lærði
einnig steinsmíði hjá Schou, steinsmið í Reykja-
vík og vann við byggingu pósthússins og Al-
þingishússins. Guðrún var fædd í Keflavík
1864. Hún var sextán ára þegar móðir hennar
dó frá átta börnum. Var heimilið leyst upp og
voru systkini hennar tekin í fóstur af vinum
og ættfólki en hún fór til Reykjavíkur í vist,
lengst af hjá Árna Thorsteinssyni landfógeta.
Hallur og Guðrún kynntust í Reykjavík, bund-
ust heitorði 1883 og fluttust til Seyðisfjarðar.
Á þeim tíma var það eitt mesta uppgangspláss
LESBÓK MORGUNBLAÐSINS ~ MENNING/LISTIR 13. SEPTEMBER 1997 1 1