Lesbók Morgunblaðsins - 13.04.1991, Blaðsíða 13

ímyndin: grænblátt haf, hvítar strendur, orkideur og sólbakaðað „þjónustubros“.
FLUGLEIDIR £BBB
FERÐ4BJJÐ
LESBÓKAR
FLUGLEIDIR
SUÐLÆGA SOLAR-
EYJAN JAMAICA
Nýr áfangastaður í Karíbahafi
TIL SKAMMS tíma hefur Suður-Ameríka og Karíbahaf verið fjar-
lægur, óþekktur heimshluti fyrir íslenska ferðamenn. En nú opnast
þarna nýir áfangastaðir hver af öðrum. Nýlega var hér sendinefnd
frá Jamaica til að kynna þessa sólareyju í Karíbahafi og til að gera
samninga við Flugleiðir um flugfargjöld.
Við, í boði á Jamaica-kynningu,
settumst inn í bíósal og á tjaldinu
birtist pálmaströnd með hvítum
sandi, blágrænn og tær hafflötur,
regnskógur með hitamistri, litauðgi
í gróðri og dýralífi ímynd okkar,
íbúa norðlægrar heimskautaeyjar,
um paradís á jörð. Og hótelbygg-
ingar yfirmáta glæsilegar, gjarnan
í viktoríönskum stíl sem minnir á
yfirráðatíma Breta. En getum við
treyst þessum glansmyndum?
Karíbahaf - leikvöllur
ferðamannsins
Til skamms tíma var Karíbahaf
leikvöllur ríkra Bandaríkjamanna,
en Evrópubúar eru mikið farnir að
sækja í þessa paradís férðamanna.
Á Flórída byggjast skemmtigarð-
arnir upp hver af öðrum þar sem
gestir geta gengið inn í ævintýra
og gerviheim kvikmyndanna. Og í
útjaðri garðanna eru risavaxin hót-
el. _
í Mexíkó er stöðugt verið að
bæta aðstöðu fyrir ferðamenn og
þar opnast nýir baðstrandarbæir
hver af öðrum. Ennþá gætir þar
áhrifa frá nýlendutíma Spánverja
og áhugavert að skoða fornminjar
inkanna. Og um hafflötinn lóna
tröllaukin skemmtiferðaskip sem
gleypa í sig aragrúa af ferðamönn-
um. Um borð er allt innifalið, nema
áfengir drykkir. Farþegar af lysti-
skipum koma eina dagstund á eyj-
arnar til að baða sig á ströndinni,
kannski versla ofurlítið og skoða
sig um.
Á Jamaica er „það besta
innifalið“
Það liggur í augum uppi að sam-
keppnin um ferðamennina þarna
er gífurleg. Auglýsingar í banda-
rískum ferðablöðum sýna vel í
hvetju eyjarnar sérhæfa sig. Jama-
ica er gjarnan auglýst með glans-
myndum af ungu pari í faðmlögum
við sólarlag úti á gylltri sand-
strönd. Eða með slagorðunum „þar
sem allt það besta er innifalið" því
Jamaica slær skemmtiferðaskipin
út — bjórinn og drykkirnir eru
líka innifaldir í pakkaverði á flest-
um hótelum.
Jamaica liggur sunnan við Kúbu
og sýnist smá í landakorti í saman-
burði við eyjarisa Karíbahafs. Nátt-
úrufegurð er mikil á þessarri fjall-
lendu eyju og sólin vermir syk-
urreyr, kaffiplöntur, banana og
sítrónutré, ekki síður en sólþyrsta
ferðamenn. Jamaica-rommið er vel
þekkt. Ur iðrum jarðar er unnið
gifs og Jamaicabúar eru aðalfram-
leiðendur leirsins „báxít“ sem ál
er unnið úr.
Tveir ólíkir heimar
Ferðamenn hafa helgað sér bað-
strendur norðursins og geta haldið
sig í góðum friði á afgirtum lúxus-
hótelum. Skoðunarferðir leiða í ljós
framandi menningu, með ívafi af
áhrifum frá Bretaveldi, en Jamaica
var bresk nýlenda fram til 1962.
Hin kröftuga reggae-tónlist fædd-
ist í höfuðborginni Kingston, sem
er menningarkjarni Jamaica. Viss
virðist
íburðurinn
ótrúlegur
hverfi í Kingston eru lokuð ferða-
mönnum, en andstæður eru miklar
á milli ríkra og fátækra eins og
oft vill verða á suðlægum slóðum.
„Hjá okkur fá allir eitthvað við
sitt hæfi,“ sögðu þeir í Jamaica-
kynningunni. „Á Jamaica er allt til
staðar fyrir ferðamanninn, margt
að skoða, mjög góðar sólarstrendur
og þróuð ferðaþjónusta. Við erum
með 5 keppnis-golfvelli og golf-
skóla. Þú getur baðað þig í fossun-
um; skoðað plantekrur; fleytt þér
á kajak eftir ánum eða stundað
heilsurækt. Hótelin eru ýmist
byggð upp fyrir 2 einstaklinga
(brúðkaupsferðir eru vinsælar) eða
fólk sem er eitt á ferð eða allt fyr-
ir fjölskylduna."
Bretar arfleiddu eyjarskeggja að
ensku tungutaki og vinstri handar
akstri. Flugleiðir auglýsa ódýrusta
pakkaferð fyrir hálfan mánuð á kr.
70.200 fyrir mann í tvíbýli og vall-
argjald á golfvöllinn að jafnaði
1000 kr. O.SV.B.
Skemmtigarðaiðnaðurinn á Flórída þar sem
gestir geta gengið inn í Hollywood-glans-
myndirnar.