Lesbók Morgunblaðsins - 13.04.1991, Blaðsíða 10
B * 1 L A R
Nissan Sunny er fallegur bíll.
Nissan Sunny kom til landsins fyrir nokkr-
um vikum og er nú algjörlega nýr bíll frá
grunni. Viðtökumar eru góðar og hefur
umboðið, Ingvar Helgason hf. í Reykjavík,
vart undan að afgreiða. Við fengum þó
að kynnast einum, Sunny SLX 1600, sem
er stallbakur en Sunny er líka til sem hlað-
bakur og langbakur eða skutbíll og þeir
sem ekki láta framdrifið nægja geta líka
fengið bíl með sítengdu aldrifi. Þar með
er hægt að velja Sunny í ýmsum verðflokk-
um, allt frá tæplega 900 þúsund krónum
og uppí rúmlega 1100 þúsund.
NNissan Sunny er bíll mitt á milli
Micra og Primera, hann er ekki
smábíll heldur tæplega meðalstór
bíll. Hann minnir nokkuð á Primera enda eru
báðir hannaðir með Evrópumarkað í huga.
Sunny er framleiddur í heimalandinu, Japan
og ef til vill verður hann síðar einnig settur
saman í Ástralíu.
Fimm ára hönnunartími
Þrír ólíkir afturendar en auk þessara er Sunny líka fáanlegur sem skutbíll.
NYR NISSAN SUNNY
í MÖRGUM GERÐUM
Og þar sem Sunny nafnið er þekkt og sala
hans hefur gengið vel var ákveðið að nota
sama nafn þótt bíllinn sé algjörlega nýr eins
og áður segir. Hönnun hans hófst fyrir fimm
árum og höfðu tæknimenn að leiðarljósi að
hanna öruggan bfl en jafnframt einfaldan að
byggingu, hljóðlátan og að auðvelt væri að
gera við hann.
Sunny er fallegur bíll. Framendinn er lágur
með mjög fínlegu grilli og aðalljósum og söm-
uleiðis stuðara. Hliðarlisti gengur síðan aftur
með bílnum og afturstuðarinn er líka 'fínlegur
og afturendinn með ávölum hornum rétt eins
og framendinn. Hlaðbakurinn og skutbíllinn
eru svipaðir nema hvað skutbfllinn er lengri
og með heldur þverskornari afturenda.
Að innan er Sunny rúmgóður og sætin
þægileg. Sérstaklega er þægilegt að gott
höfuðrými er í bflnum bæði í fram- og aftur-
sætum. Rými mætti hins vegar vera meira í
aftursætum og ekki víst að fullvaxnir eða
stórir menn hafist þar við ánægðir í langferð-
um.
Mælaborð er vel frá gengið og vel búið
mælum og allt í hefðbundnum stíl og aftur
minnir það nokkuð á stærri bróðurinn Pri-
mera. Okumaður nær auðveldum tökum á
stýri sem hægt er að hækka og lækka, gír-
stöng ljggur vel við og er skiptingin sérlega
lipur. Útsýni er og ágætt.
Framsætin eru ágæt en meira rými
mætti vera fyrir fullorðna í aftursætum.
Ríkulegur staðalbúnaður
Helstu mál fyrir Nissan Sunny SLX ferna
dyra gerðina eru: Lengd 4,23 metrar, breidd
1,67 m og hæð 1,39 m. Hæð undir lægsta
punkt er 16 cm, þyngd bílsins er 995 kg og
hann ber 475 kg. Bensíntankur tekur 50 iítra.
Þrennra dyra bíllinn er 3,97 metra langur en
fimm dyra 4,14 m.
Vélin er 1600 rúmsentimetrar, 16 ventla
og 95 hestafla en fáanleg er einnig tveggja
lítra og 143 hestafla vél. Hún er í GTi gerð-
inni sem er þrennra dyra hlaðbakur og búinn
ABS hemlum eða læsivörðum hemlum. Sunny
er fáanlegur hvórt sem er með 5 gíra hand-
skiptingu eða sjálfskiptingu og fara vinsældir
sjálfskiptra bíla stöðugt vaxandi hér. Af öðr-
um búnaði má nefna samlæsingu á hurðum,
hita í framsætum og rafdrifnar rúður og telst
það allt til grunnbúnaðar í hjá Sunny.
Sunny er með léttari og auðveldari bflum
í meðförum. Strax á fyrstu metrunum kemur
í Ijós hversu lipur hann er í akstri og fer þar
saman skemmtilegt stýri og nákvæmt, mjúk
gírskipting og hljóðlátur bíll. Vinnslan er góð
í handskipta bílnum sem prófaður var og er
hann skemmtilegur í innanbæjarakstri. Ekki
var tækifæri til að prófa bílinn fullskipaðan
á þjóðvegi en innanbæjarvinnslan ásamt
skemmtilegri skiptingu lofar góðu um þjóð-
vegaakstur.
Margir verðflokkar
Sem fyrr segir er Sunny fáanlegur í mörg-
um verðflokkum. Ódýrasta gerðin er þrennra
dyra hlaðbakur með handskiptingu á kr. 869
þúsund staðgreiddur en sjálfskiptur kostar
hann 906 þúsund krónur. Fimm dyra hlaðbak-
urinn kostar 944 þúsund krónur og stallbakur
949 þúsund krónur, báðir með handskiptingu.
Sjálfskipting kostar um 40 þúsund krónum
meira. Næst dýrasta gerðin er skutbíllinn
með sítengdu aldrifi á 1.135 þúsund krónur
sem fer langleiðina í 1.200 þúsund sé hann
tekinn á afborgunarkjörum. Sunny GTi með
tveggja lítra vélinni er dýrastur, kostar 1.186
þúsund krónur í staðgreiðslu. Við verðið bæt-
ist síðan ryðvöm og skráning.
Óhætt er að segja að menn fá allmikið
fyrir fjárfestinguna í Nissan Sunny. Þótt bíll-
inn sé ekki stór hefur hann aksturseiginleika
stærri bíla og jafnframt er hann lipur og
skemmtilegur í borgarumferðinni. Hann er
um 200 til 300 þúsund krónum ódýrari en
Primera (fer eftir gerðum) en það er í raun
óþarfi að stökkva upp í þann flokk nema
menn þurfí tvímælalaust því stærri bíl.
jt
Einfaldir bílar
og notadrjúgir
Allmörg undanfarin ár hefur bílaiðnaðurinn í Bandarikjunum átt við ýmsa erfiðleika
að etja og farið mjög halloka í samkeppni við japanska bíla. Risarnir þrír - Ford,
General Motors og Chrysler - voru seinir að bregðast við nýjum þörfum og Japanir
náðu forskoti meðal annars með sparneytnum bílum. Þessu forskoti hafa þeir haldið
og framleiða nú sem kunnugt er ekki aðeins sparneytna og hagkvæma bíla heldur
einnig lúxusbíla sem seljast vel í Bandaríkjunum.
Bandaríkjamenn hafa auðvitað af
þessu áhyggjur og vilja helst að
hinir þrir stóru nái aftur fyrri stöðu
sinni og forystu í bílaframleiðslu. Þeir vilja
ógjarnan að Japanir séu taldir bestu bíla-
framleiðendur heims. Þeir vita að banda-
rískir framleiðendur eiga að geta gert betur
þrátt fyrir að Japanir séu sagðir hafa yfir-
burði í ýmsum þáttum verksmiðjurekstrar
og stjómunar. Talið er að um aldamótin
muni hlutdeild japanskra bílaverksmiðja í
Bandaríkjunum verða allt að 50%.
Grundvallarbreyting
Brock Yates skrifaði nýlega í bílablaðið
„Car and Driver" nokkrar ábendingar til
ráðamanna í Detroit og segir hann að þar
verði menn að ráðast í grundvallarbreytingar
eigi bílaiðnaðurinn að lifa af. Hann segir að
síðustu áratugina hafi tæknimenn verksmiðj-
anna í Detroit dregist aftur úr til dæmis
varðandi hönnun og smíði véla. Fjölventlavél-
ar og vélar sem skila hámarksnýtingu og
hagkvæmni hafi ekki verið smíðaðar af
Bandaríkjamönnum heldur hafi þeir látið
aðra um að hanna fyrir sig slíkar vélar.
Þessu verði að breyta.
Þá segir hann að framboð á fjölda gerða
sé fyrir löngu komið út í öfgar. Hver gerð
sé nú boðin í svo ótal mörgum útfærslum
að það flæki um of framleiðsluna sjálfa,
skapi vanda í varahluta- og viðgerðarþjón-
ustu og rugli kaupendur. Brock Yates segir
einnig að á árum áður hafi Bandaríkjamenn
Framtíðarbíllinn Contour frá Ford - að mestu leyti límdur en ekki soðinn samann.
Hann var sýndur nýlega í Detroit en sjálfsagt fer hann ekki beint saman við hug-
myndina um hinn einfalda og notadrjúga bíl framtíðarinnar.
verið í forystu hvað varðar útlit bíla en að
undanförnu hafi hönnuðir stælt meira og
minna evrópska straumlínulögun og ekki
sýnt af sér neinn frumleika. Telur hann mál
til komið að menn hætti þessum eltingaleik
og leiti nýrra afbrigða í þessum efnum.
Ljótir bílar?
Að lokum minnir hann á að helstu met-
sölubílar heimsins hafi verið smíðaðir með
hagkvæmni og notagildi í huga - og að þeir
hafí jafnvel oftast þótt forljótir. Nefnir hann
Ford T gerðina í þessu sambandi, einnig
Volkswagen bjölluna og Austin Mini. Segir
hann hönnuði síðari ára hafa einblínt á töl-
fræði, markaðsfræði og hvers kyns skoðana-
kannanir meðal almennings og hannað bíla
sína eftir því. Segir Yates það afdráttarlausa
skoðun sína að þar séu framleiðendur á villi-
götum, þeir eigi einfaldlega að smíða eins
og skynsemin býður, einfalda og notadijúga
bíla sem alltaf sé markaður fyrir.
Ekki er víst að þessi sannleikur eigi upp
á pallborðið hjá bílakaupendum framtíðar-
innar en víst er að bandarískur bílaiðnaður
verður að taka sig á ef hann ætlar að ná
fyrri stöðu sinni. Merki þess eru reyndar að
koma í ljós með ýmsum nýjungum bæði hjá
Ford og GM.
10