Lesbók Morgunblaðsins - 20.05.1989, Blaðsíða 16
Fuglaskoðun -
fræðandi og
veitir ánægju
Á undanfömum ámm hefir
fuglaskoðun verið mjög vaxandi
áhugamál víða um heim. Ef nefna
skal eitt land öðrum fremur sem
forystuland fuglaskoðara verður
það Bretland.
Hér á landi hefir fuglaskoðun
farið ört vaxandi og má benda á
ijölda nýlega útgefínna fuglabóka
því til vitnis. Margar þessara bóka
eru skreyttar gullfallegum fugla-
myndum íslenzkum.
Margir aðilar standa að fugla-
skoðunarferðum en hér viljum við
vekja sérstaka athygli á ferðum,
sem BSÍ og Vestfjarðaleið standa
að. Hér er um tvær sex daga ferð-
ir að ræða sem heíjast 5. og 19.
júní en júní er einn bezti mánuður-
inn til fuglaskoðunar. í þessum
* ferðum er gist í Stykkishólmi,
Breiðuvík og Flókalundi. Fyrsta
daginn er farð um Mýrar og m.a.
komið að Ökrum. Annan daginn
er farin hringferð um Snæfellsnes
og farið um Staðarsveit, Búðir,
Amarstapa, Þúfubjarg og víðar.
Þriðja daginn er farið yfir Breiða-
fjörð og út Barðaströnd til
Breiðuvíkur. Fjórða deginum er
eytt á Látrabjargi, einu mesta
fuglabjargi veraldar, þar sem
lundinn situr rólegur í tveggja
* metra fjarlægð, og staldrað við á
Hvallátrum. Fimmta daginn er
farið um Arnarfjörð og Vatnsdal
og sjötta daginn er ekið austur
Barðastrandarsýslu og um Dali
til Reykjavíkur.
Á öllum þessum stöðum er auð-
ugt fuglalíf og má reikna með að
55—60 tegundir íslenzkra fugla
sjáist í ferðinni en um 70 tegund-
ir em taldar verpa hér á landi.
Stundum sjást líka áhugaverðir
flækingar.
Fuglaskoðunarferðir em yfír-
leitt léttar ferðir og litlar göngur.
Stundum þarf að standa eða sitja
góða stund og er því nauðsynlegt
að vera vel klæddur og forðast
skæra og áberandi liti. Þá er einn-
ig nauðsynlegt að hafa góðan
sjónauka og að hafa myndavélina
með til að geyma endurminnin-
gamar. Loks er nauðsynlegt að-
hafa handhæga fuglabók og blað
til að skrá þær tegundir sem sjást.
Fuglaskoðun er í senn fræðandi
og skemmtilegt áhugamál sem
mæla má með.
Lundi í Látrabjargi.
Þeir fuglar, sem gætu sést í
ferðinni:
Himbrimi, lómur, flórgoði,
fýll, súla, dflaskarfur, topp-
skarfur, álft (svanur), grá-
gæs, stokkönd, urtönd, garg-
önd, rauðhöfðaönd, grafönd,
duggönd, skúfönd, straum-
önd, æður (æðarfugl), topp-
önd, gulönd, haföm, ijúpa,
tjaldur, sandlóa, heiðlóa,
tildra, hrossagaukur, spói,
jaðrakan, stelkur, sendlingur,
lóuþræll, óðinshani, silfur-
máfur, skúmur, kjói, svart-
bakur, sílamáfur, hvítmáfur,
bjartmáfur, hettumáfur, rita,
kría, álka, langvía, stuttnefja,
teista, lundi, hrafn, skógar-
þröstur, steindepill, þúfutittl-
ingur, maríuerla, starri, snjó-
tittlingur.
Stærsti fískurinn sem veiddist á sjóstangaveiði- Enginn smáfískur sem þarna leyndist á færinu!
mótinu í Vestmannaeyjum ’84.
Sj óstangaveiði-
mót sumarið ’89
Sjóstangaveiði er alltaf að verða vinsælli og í sumar verða hald-
in flögur sjóstangaveiðimót yfir helgar, þar sem siglt út á miðin
og keppst við að draga í soðið - enda fínir verðlaunagripir í boði.
Fyrsta mótið var haldið í Vestmannaeyjum um siðustu helgi. Þar
voru 95 manns á sjó á 15 bátum. Það var 20. hvítasunnumót
Vestmannaeyinga.
Segja má að Flugfélag íslands
hafí verið frumkvöðull að sjó-
stangaveiði, þegar þeir komu með
útlendinga til Vestmannaeyja árið
’59 - en sjóstangaveiðimótin byij-
uðu ’69 og núna eru 4 sjóstanga-
veiðifélög á landinu - Sjóís á
ísafirði - Sjóve í Vestmannaeyjum
- Sjóak á Akureyri og nýtt félag
á Siglufirði, stofnað í febrúar.
Laxveiðimenn, sem stunda sjó-
stangaveiðimót, segja að þau séu
skemmtilegri en laxinn að því leyti
að þetta er keppni - meiri spenna.
Nokkur grömm geta ráðið úrslit-
um hvort þú færð verðlaunabikar,
gull eða silfurpening. Mótunum
lýkur með borðhaldi og verðlauna-
afhendingu og auðvitað er dansað
í lokin.
Það skemmtilega við veiði úr
sjó er að þú veist aldrei hvaða
físktegund leynist á færinu -
kannski ýsa, þorskur eða ufsa-
grey! Karlmenn sem draga stór-
lúðu eru taldir mjög kynþokkafull-
ir — samkvæmt þjóðtrúnni! Þó að
veiði í ám og vötnum sé talin
„fínni“, gefur hún „aðeins" silung
og lax. Annað sem er líka
skemmtilegt við sjóstangaveiðina
er — að þú ert næstum öruggur
með að fá einhveija veiði. Ágætt
uppbót fyrir þá sem hafa staðið
á árbakkanum heilu dagana án
þess að draga annað upp en slý
úr botninum!
i sjóstangaveiði er stýrt eftir
dýptarmælinum — sjónvarpsskjá,
sem allir fylgjast með af miklum
áhuga, ekki síður en með spenn-
andi sjónvarpsmynd! Rauði litur-
inn á skjánum sýnir botninn - en
þegar gulir bólstrar stíga upp, er
torfa undir. Þá keppast allir um
að koma færinu út - keipa færið
hægt og gæta þess að tömist
ekki, á meðan báturinn slúðrar
yfír torfunni. Já, sjómannamálið
er skemmtilegt og sjóstangaveiði
kallar veiðimanninn fram, sem
leynist í okkur öllum.
Sjóstangaveiðimót í sumar
verða sem hér segir: Helgina 6.-8.
júlí á ísafírði. Upplýsingar hjá
Kolbrúnu Halldórsdóttur í síma
94-3103. Helgina 5.- 7. ágúst á
Siglufirði. Upplýsingar hjá Viðari
Ottesen í síma 96-71514. Og 1,-
3. september á Akureyri. Upplýs-
ingar hjá Júlíusi Snorrasyni í síma
96-25900. Verð í allar ferðimar
er 8.000 krónur — nestispakki og
beita innifalin.
Að leigja sér bát
frá Grindavík
Grindvíkingar bjóða ferðafólki upp á þá nýjung að taka
bát á leigu með skipstjóra í 2ja, 5 eða 10 tíma ferðir út frá
Grindavík. Um er að ræða nýjan bát, sem er sérstaklega
hannaður fyrir slíkar ferðir. Olíkt öðrum sjóstangaveiðibát-
um, sem sigla með litla hópa,
þessum ferðum.
Tveggja tíma ferðimar em
meira hugsaðar fyrir sjó-
stangaveiði. Þá er dólað í
kringum Hófsnes — vestur
undir Reykjanes eða austur
undir Krísuvíkurbjarg. Áhuga-
vert að skoða ströndina —
fuglabyggðina í Krísuvík eða
sjá gömlu verstöðina í Selvogi.
Fullkomnar tölvurúllur og sjó-
stangir em um borð. í fimm
tíma ferðunum er hugsanlegt
að fara út að Eldey og skoða
stærstu súlnabyggð í heimi —
sjá hvemig súlan stingur sér
eftir ætinu, eins og omstuvél
í átt að skotmarki! Jafnvel er
möguleiki á að sigla til Surts-
eyjar í lengri ferðunum — ef
veður er gott.
„Ef veður leyfir" er oft haft
neðanmáls, þegar rætt er um
eru flórir farþegar hámark í
slíkar ferðir og að sjálfsögðu á
sama við hér. Skipstjóri er
Sveinn Siguijónsson, sem hef-
ur stundað sjóinn frá Grindavík
í 29 ár og þekkir sjávarslóðir
þar eins og stofugólfíð heima
hjá sér — að eigin sögn. Maí
fram í júní er hægviðrasamur
tími, segir Sveinn, en norðan-
gola gefur best á sjóinn sunn-
anlands. Hentugasti klæðnaður
í ferðirnar er góð peysa, vind-
þéttur jakki, lágstígvél og ull-
arsokkar og að sjálfsögðu góð-
ir vettlingar og höfuðfat. Kaffí
er alltaf á könnunni. Ö1 til sölu
um borð og kannski brauðsam-
lokur í lengri ferðum.
— Að síðustu ein sjóarasaga
um lúðuna — en hún getur
verið viðsjárverður fískur að
draga úr sjó — samkvæmt þjóð-
Jóhannes Gunnar GK í
Grindavíkurhöfn
trúnni! Formaður reri út frá
Grindavík svonefndum tíæring.
Við legufæri dregur formaður
eina stórlúðu og síðan aðra.
Hvatti formaður þá menn sína
til að róa lífróður í land. Nú
lægi mikið við, því kona hans
væri honum ótrú. Sagan segir
að hann hafi labbað sér beint
í land og allt staðist sem lúðu-
drátturinn sagði fyrir um!
Tveggja tíma ferð kostar
8.000 krónur — fimm tíma
ferðin 16.000. Betra að vera
fleiri saman til að skipta verð-
inu. Nánari upplýsingar hjá
Sveini Sigurjónssyni í síma
92-68268. Öruggast að hringja
á kvöldin.
o.sv.b.