Lesbók Morgunblaðsins - 21.05.1988, Blaðsíða 13

F A T A H
N N U N
Hverju á að klæðast
á meðgöngunni?
Skyldu barneignir vera að komast aftur í tísku?
er spurt í sunnudagsblaði Mbls. ekki alls fyrir
löngu og er þá átt við fjölgun fæðinga hér á
landi undanfarin misseri. Hvað veldur er líka
spurning, en ekki er ætlunin hér að velta vöng-
um yfir því. Heldur skulum við huga að
annarri tísku, nefnilega fatnaði fyrir verð-
andi mæður.
AUKIN FYRIRFERÐ
Þungun fylgir aukin fyrirferð sem skapar
alveg ný vandamál við val á fatnaði, konan
finnur að kröfur hennar í fatavali stjómast
nú af þeirri löngun og nauðsyn að láta sér
líða vel. Mikilvægt er að fatnaðurinn sé létt-
ur og þægilegur, haldi hvergi að og hindri
ekki hreyfíngar. Á meðgöngunni svitna kon-
ur meira vegna aukinna efnaskipta, bómull-
arefni og önnur náttúruleg efni sem „anda“
eru því ákjósanlegri en gerviefni.
Sé það rétt að bameignir séu að komast
aftur í tísku þá er óskandi að það falli úr
tísku að tala um fatnað sem „feli“. Óléttu-
klæðnaður hefur oft á tíðum ekki verið
mjög smekklegur og sjaldnast fallið að
tískunni. Konur hafa leitast við að „fela“
óléttuna sem lengst á meðgöngunni, sprett
út saumum á buxum og farið í stórar peys-
ur eða mussur utan yfír, þangað til að ekki
varð umflúið að fá sér eionn hólkvíðan kjól
sem gerði ekkert fyrir útlitið hvað þá heldur
lundarfarið. Margar konur hugsa sjálfsagt
líka til þess að meðgangan sé nú ekki svo
langur tími að það sé þess virði að eyða
miklum tíma eða tilkostnaði í fatnað. Þegar
hugarfar er vonandi á undanhaldi núna
enda úrval tískufatnaðar það mikið að auð-
velt er að fínna fatnað við hæfí í tískuversl-
unum þó svo að hann heiti ekki hinu óspenn-
andi nafni óiéttuklæðnaður.
Það er nefnilega svo að sérverslanir með
óléttufatnað hafa aldrei gengið vel hér á
landi, ein ástæðan er sögð sú að vanfærar
konur séu svo erfíðar viðfangs, duttlunga-
fullar og viti ekkert hvemig fatnað þær
vilji. Þeim sé því svo erfitt að gear til hæf-
is. Þetta kann að eiga við um margar en
skyldi ekki gamla kredduhugsunin eiga ein-
hvem hlut að máli, þetta með að „fela“ ólétt-
una. „Hvað þykist þú vera að fela, komin
svona stutt á leið?“ var ein vinkona mín
spurð að snemma á meðgöngunni. En hún
vogaði sér að mæta í kjól sem var í víðara
lagi, sú sem spurði hefur líklega verið hald-
in þeirri kreddu að þröngan fatnað ætti að
eftir ÁSDÍSI
LOFTSDÓTTUR
nota svo lengi sem hægt væri að hneppa
honum að. En þetta eru einmitt mistök, sem
margar óléttar konur og feitt fólk líka, ger-
ir þegar það velur sér fatnað.
Hvað hefur staðið til boða
Ef við lítum aðeins á þann fatnað sem
mætti kalla „hefðbundin óléttufatnað", er
ljóst að ekki hentar hann stíl eða smekk
margra. Konan sem ætíð hefur klætt sig í
stílhreinan, sígildan fatnað eða sportlegan,
á nú allt í einu að fara að vera rómantísk
og ganga í rykktum kjólum og mussum sem
oft á tíðum minna frekar á jólakjóla smá-
stelpna en á flíkur fyrir nútímakonur. Jogg-
inggallar hafa notið vinsælda undanfarin
ár og er ósköp þægilegur fatnaður að vera
í, en ekki gera þeir mikið fyrir útlitið og
henta betur sem frítímafatnaður en hvers-
dags klæðnaður óléttar konu. Smekkbuxur
hafa einnig verið vinsælar, þær þykja þægi-
legar og geta hentað hvar sem er, svo fram-
arlega sem gallaefni á við. Skokkar og
mussur eu nokkuð sem óléttum konum er
ætlað að eiga, en flest það sem ég man
eftir að hafa séð vægast sagt verið hallæris-
legt.
Hvert er úrvalið nú
En við skulum nú ekki velta okkur leng-
ur upúr neikvæðu hliðunum heldur líta á
möguleikana og þeir eru margir.
Eg gerði nokkrar teikningar af hugsan-
legum óléttufatnaði, bæði fatnaði sem fæst
hér í tískuverslunum og fatnaði sem auð-
velt ætti að vera að sauma með litlum til-
kostnaði. En eitt skulið þið óléttu konur
hafa í huga og það er að kona sem gengur
með bam vekur ávallt athygli. Það þýðir
ekkert að læðast með veggjum, þetta er
tími sem flestar konur fara vel með sig og
eru aldrei eins meðvitaðar um eigin líkama.
Auðvitað fylgja meðgöngunni ýmis óþæg-
indi, en sannið til að léttur, þægilegur og
fallegur fatnaður eykur á vellíðan og gerir
þessa örfáu mánuði að skemmtilegri reynslu
og góðum tíma, sem hann líka er.
Njótið þess endilega að vera í sviðsljósinu
fram að fæðingunni, því þá fellur móðirin
oft í skuggann af hvítvoðungnum. Fátt er
nefnilega fallegra en vel hirt og snyrtilega
klædd kona sem á von á sér.
Hér fylgja í lokin nokkrir punktar til að
hafa bak við eyrað þegar hugað er að fatn-
aði á verðandi móður.
Efni eins og baðmull eru góð þar sem
þau „anda“, eru auðveld í þvotti og fást í
miklu úrvali.
Joggingefnin svokölluðu eða jersey henta
líka vel þar sem þau gefa eftir, vaxa með.
— Hvemig væri að fjárfesta í góðum jakka,
þeir eru mikið í tísku núna og þessir sem
ná niður fyrir mjaðmir og eru beinsniðnir
eru tilvaldir fyrir óléttar konur.
— Mikið úrval er núna í tískubúðum af stór-
um baðmullarbolum fyrir sumarið, þá má
nota utanyfír buxur og pils.
— Hafíð teygju í strengnum á buxum og
pilsum, þannig nýtast þau lengur.
— Kjólar sem eru fyrirferðamiklir um axlir
og falla síðan beint niður eru tilvaldir.
— Ef þú ert ekki hávaxin veldu þér þá fatn-
að sem er heill, þ.e. ekki tvískiptan og litur-
inn ætti að vera sá sami í efri og neðri hluta.
— Skófatnaður er einstaklega mikilvægur,
gleymdu háu hælunum og hafðu skóna
mjúka, það borgar sig þegar þú ferð að
þrútna á fótunum við lok meðgöngunnar.
— Láttu hálsmálið vera áherslupunkt, slæð-
ur, nælur og hálsfestar koma að góðum
notum.
— Síð vesti eða þunnir jakkar eru tilvaldir
yfír kjóla eða buxur.
— Vertu vel snyrt og hugsaðu vel um hár-
ið, núna er vinsælt að binda alls kyns klúta
um höfuðið, hvemig væri að prófa?
— Samfestingar sem notaðir eru á með-
göngunni er hægt að nota áfram þú reyrir
þá bara síðar saman í mittið með breiðu
leðurbelti.
Svona væri hægt að halda lengi áfram
en ég vona að brúnin lyftist á einhverri
óléttri konunni við lesturinn og svo er bara
að prófa sig áfram.
Höfundur er fatahönnuöur
LESBÓK MORGUNBLAÐSINS 21. MAÍ 1988 13