Lesbók Morgunblaðsins - 08.11.1959, Blaðsíða 1
34. tbl.
Sunnudagur 8. nóvember 1959
XXXIV. árg.
Cuðmundur B. Einarsson
„Farðu bölvuð, tœfan þín!"
ÞAÐ mun hafa verið einhvern-
tíma um 1856—58, að fjórir ungir
og hraustir menn fóru á róðrarbáti
frá Seyðisfirði til hákarlaveiða.
Þetta var á útmánuðum. Þeir
gerðu ráð fyrir að koma aftur að
hálfum mánuði liðnum. Tíðarfar
var hið ákjósanlegasta þennan
hálfan mánuð, en þó fór svo að
aldrei spurðist til manna né báts
framar.
Ýmsar getgátur voru uppi um
það, eins og gerist og gengur, hver
orðið mundu hafa afdrif þeirra.
Töldu margir líklegt að þeir hefðu
ofhlaðið bátinn og sökkt undir sér.
En þeir, sem bjartsýnastir voru,
töldu að verið gæti að þeir hefði
komizt í útlent skip, svo sem
franska skútu, og mundu Frakkar
skila þeim í land bráðlega. Sú von
rættist ekki, en tveir atburðir, er
síðar gerðust, virtust benda til
þess, að mennirnir hefði komizt í
franska skútu, og skal nú frá því
sagt.
Einn mannanna á bátnum hét
Halldór. Hann var heitbundinn
hálfsystur föður síns, Steinunni
Pálsdóttur, og mun hún þó hafa
verið um 20 árum eldri en hann.
Þegar Halldór hvarf, var Steinunn
vanfær. Ó1 hún litlu síðar dreng,
sem látinn var heita Halldór, eftir
föður sínum. Hann ólst svo upp í
Firði hjá móður sinni.
Um það bil er Halldór litli var
fimm ára, leituðu mörg frönsk
fiskiskip hafnar í Seyðisfirði.
Gengu sjómennirnir á land, en það
var svo alvanalegt, að því var lítill
gaumur gefinn.
Nokkrir þeirra höfðu reikað
heim að Firði, en þegar þeir eru
farnir, er Dóra litla saknað. Þótt-
ust þá einhverjir hafa séð hann í
fylgd með Frökkum. Var nú þegar
brugðið við og þeim veitt eftirför.
Náðu menn þeim út við höfn og
var Dóri í fylgd með þeim og hinn
ánægðasti. Höfðu Frakkar gefið
honum kex og sýróp og smjattaði
hann á góðgætinu. Hann var þegar
hrifinn af þeim, og á einhverjum
málblendingi, sem þá var notaður,
voru Frakkar spurðir hvort þeim
væri alvara að stela drengnum. En
þeir sögðust hafa ætlað að færa
drenginn föður hans, sem væri í
Frakklandi, hann væri íslenzkur og
drengurinn lifandi eftirmynd hans.
Þetta atvik varð til þess að rifja
upp hvarf bátsins fyrir fimm árum
og getgáturnar um að mennirnir
StySiaíJörðar.