Lesbók Morgunblaðsins - 24.12.1955, Blaðsíða 18
710
LESBÓK MORGUNBLAÐSINS
5. Fiskverkun
6. Krókodílaveiðar
bera börnin á örmum sér við brjóst
sittM, segir hann, „en Indíánakon-
urnar bera þau á bakinu, halda
annari hendi í hönd þeirra yfir öxl-
ina, en hafa fót þeirra i hinum
handarkrika sínum“.
Næsta mynd er eftir Le Movne.
Hann skvrir frá því að langar leið-
ir frá Karólínavígi sé fjallgarður,
er Indíánar nefni Apalatcv (þau
eru nú kölluð Appalachian). í þess-
um fjöllum segir hann að finnist
mikið af málmum í einum graut,
gulli, silfri og kopar. Indíánar taki
sandinn, sem árnar þama beri
fram, nái málmunum úr honum,
og flytji þá svo niður til strandar
og selji þá Spánverjum.
Þriðia mvndin er eftir White.
Hún sýnir Indíána vera að fella tré
og smíða bát. Þeir höfðu þá að-
ferð við að fella stór tré, að þeir
kveiktu bál við rætur þeirra og
linntu ekki fyr en trén voru svo
brunnin, að þau fellu um koll. Bát-
ar þeirra voru eintrjáningar, og
þar sem þeir höfðu .engin áhöld
úr járni, til þess að hola buðlung-
ana innan, brenndu þeir smám
saman dæld í þá og skófu brunann
burt með verkfaerum úr skeljum.
Segir White að þessir bátar sé
ágaattr og mjög hentugir til að ferð-
ast á þeim eftir ánum, og fiska á
þeim.
Fjórða myndin er eftir Le Mo-
yne. Indíánar hafa verið í stríði og
margir menn hafa fallið. Ekkjur
þeirra hnappast saman hágrátandi,
en höfðinginn huggar þær með því
að þær megi bráðum giftast aftur.
Hann ber af öðrum mönnum að
vallarsvn og útliti, því að hann er
hörundsflúraður frá hvirfli til ilja,
með alls konar skraut og fjaðra-
skúf á höfði. í baksýn má sjá
nokkra Indíána með boga og örvar,
og nýlendumenn með byssur þeirra
tíma.
Fimmta myndin er eftir White
og sýnir fiskverkun Indíána. Þeir
hafa gert sér hiall og kveikt bál
undir. Ofan á hjallinum eru rimlar
og á þeim liggja fiskar, sem þeir
eru að steikja og ætla að snæða
þegar. Utan á hjallinum hanga aðr-
ir fiskar og þá er verið að reykja
svo að þeir geti geymzt, Maður er
að koma að hjallinum með fulla
körfu af fiski. Það var ekki venju-
leg+ meðal Indíána að þeir kynnu
að geyma fisk, en þeir í Florida
höfðu komizt upp á lag með að
reykja hann og gátu því safnað
fiskbirgðum til seinni tíma.
Sjötta og seinasta myndin er
eftir Le Moyne og sýnir hvernig
Indíánar í Florida fóru að því að
veiða krókódíla. Veiðiaðferðin
sýnir glöggt hugvitsemi þeirra.
Úti í horni á myndinni sést á ofur-
lítinn kofa. Þar var varðmaður
hafður að staðaldri og gaf hann
merki um það þegar krókódílar
skriðu á land. Þustu þá margir
menn þar að með langa ása og
ráku þá í gapandi gin krókódíls og
fylgdu svo vel á eftir að ásinn gekk
niður í maga. Var þá auðvelt að
velta krókódílnum á bakið, en þá
getur hann enga björg sér veitt,
og þá er einnig auðvelt að vinna á
honum, því að enginn skrápur er á
kviðnum. Menn segja að myndin
sé nokkuð ýkt hjá listamanninum,
því að svo stórir krókódílar, sem
þar eru sýndir, hafi aldrei verið til
í Florida.