Búnaðarsamband Austurlands - 01.09.1906, Side 19

19
Brekkugerði í Fljótsdal, Skeggjastöðum í Fellum og Merki á
Jökuldal. l.jótastar kýr komu á sýninguna í Jökulsárhlíð.
Graðfolar komu að eins 3 á sýningarnar og var sá
fallegastur er á FJjótsdals sýninguna kom (frá Arnheiðar-
stöðum). Folinn er 3 vetur, stór og vel vaxinn, heflr
góðan gang og er af ágætu reiðhestakyni.
Hryssur voru fallegastar á Völlum, Fljótsdal og
Hjaltastaðaþinghá. Fallegastar þeirra voru rauð hryssa,
11 vetra, frá Melum í Fljótsdal, og grá hryssa, 11 vetra,
frá Kóreksstaðagerði í Hjaltastaðaþinghá, sem báðar fengu
I. verðlaun á héraðssýningu 1905.
Hrútar voru fallegastir í Jökulsárhlíð, Völlum og
Fljótsdal. Hrútarnir af Völlunum — frá Egilsstöðum
og Ketilsstöðum — voru keyptir norðan úr Þingeyjar-
sýslu s. 1. haust. Annars var sauðfé lang-falJegast á
Jökuldal og Jökulsárhlíð — og ef til vill má féð á sýn-
ingunni í Eiðaþinghá í haust, teljast hér með, einkum
veturgömlu ærnar, sem margar voru fallegar—, en erfitt
er að gera samanburð á því og fé, sem kom á sýningar
í vor, eftir alla hrakningana þá. Þótt Jökuldalsféð bæri
af öðru fé, fékk engin kind þar I. verðlaun, og var það
vegna þess, að Jökuldælingar gjöra hærri kröfur til fjár-
ins en aðrir, og einnig af því, að þeir vissu, að til var,
hjá þeim, fallegra fé en það, sem sýnt var.
Sára fáir vissu um nythæð kúa sinna, nema hvað
þær mjólkuðu „eftir burð“ — en á því er ekkert hægt
að byggja — og eru þó komin á fót eftirlitsfélög í 3—4
hreppum á Héraði. Litlu fróðari voru menn um ætt-
erni gripa sinna. Alstaðar þar, sem eftirlitsfélög eru,
ætti að heimta, að fóður- og mjólkurskýrslur fylgdu með
kúnum, sem sýndar eru.
Hæð verðlaunanna og skifting fjárins milli gripa-
tegundanna hefir oftast verið ákveðin á sýningunni sjálfri,
ýmist með hliðsjón af verði gripanna innbyrðis eða arði
þeirra í hlutfalli við verðið.
Gleggra yfirlit yfir sýningarnar gefur taflan.