Morgunblaðið - 11.03.1997, Qupperneq 2

2 ÞRIÐJUDAGUR 11. MARZ 1997
MORGUNBLAÐIÐ
FRÉTTIR
Dælingu
olíu úr
Vikartindi
frestað
EKKI tókst að hefja dælingu
olíu úr Vikartindi í gær eins
og til stóð en veður var mjög
slæmt á strandstað í gær og
töldu þeir sem fóru um borð
til að kanna aðstæður lífs-
hættulegt að heimila björgun-
armönnum að fara um borð
og fulltrúum útgerðar og
Siglingastofnunar að sækja
vélardagbækur skipsins.
Um hádegisbil í gær höfðu
starfsmenn hollenska
björgunarfélagsins, Wijsmull-
er Salvage, lokið við að log-
sjóða stiga upp í skipið en
þegar tveir lögreglumenn og
einn starfsmaður ríkistoll-
stjóra höfðu kannað aðstæður
um borð var ákveðið að fresta
því að dæla olíu upp úr skip-
inu þangað til í dag, en um
300 tonn af svartolíu og 50
tonn af dísilolíu eru í skipinu.
Töluvert af olíunni er komið
í lestar skipsins en ekki er
vitað hvert ástand farmsins
er.

Morgunblaðið/Júlíus
Leiguskip Eimskips við Færeyjar
Gámar færðust
til í lest skipsins
FRYSTIGÁMAR í lest þýsks leigu-
skips Eimskips, St. Pauli, skemmd-
ust í veltingi skipsins á svipuðum
slóðum og tíma og Dísarfellið fórst
aðfaranótt sunnudags. Hjörleifur
Jakobsson, framkvæmdastjóri
rekstrarsviðs Eimskips, segir að
engum skipveija hafí orðið meint
af. Skipið liggur nú í Þórshöfn í
Færeyjum og tefst för þess til
meginlands Evrópu um sólarhring,
á meðan skipt er um gáma.
St. Pauli hefur verið í hefð-
bundnum áætlunarsiglingum fyrir
Eimskip í fjórar til fimm vikur. í
þessari ferð var ýmis vara um
borð, þar á meðal fryst loðna í
gámum í lest.
„Þegar við fréttum af afdrifum
Dísarfellsins höfðum við samband
við öll skip í siglingum fyrir okk-
ur og könnuðum stöðuna. Það
reyndist allt í lagi, nema að hjá
St. Pauli hafði einhver hreyfing
komist á frystigáma í lest. Það
er ekki óeðlilegt að einhveijar
skemmdir verði í jafn bijáluðu
veðri og var á þessum slóðum,“
sagði Hjörleifur. „Þetta voru rúm-
lega 10 gámar og við eigum enn
eftir að kanna til fulls hve miklár
skemmdirnar eru. Sumir eru sjálf-
sagt ónýtir, en aðrir aðeins lask-
aðir. Það er þó ljóst að þetta
óhapp tefur för skipsins um sólar-
hring.“
Venus vélarvana
FRYSTITOGARINN Venus frá
Hafnarfírði fékk veiðarfæri í skrúf-
una á Boðagrunni um 40 sjómílur
frá Garðskaga um miðnætti í fyrri-
nótt. Frystitogarinn Rán tók skipið
í tog um kl. 9 í gærmorgun, en
þá var þokkalegt veður á svæðinu.
Veðrið versnaði hins vegar mikið
þegar skipin voru á leið í land og
um tíma gekk á með 9-10 vindstig-
um, að sögn Gests Breiðdals Sig-
urðssonar, skipstjóra á Rán.
Þrátt fyrir vont veður gekk skip-
unum ágætlega að komast í land.
Skipin komu til Reykjavíkur um
kl. 6 í gærdag. Óljóst er hvort
skemmdir hafa orðið á vél Venus-
ar.
Framkvæmdastj óri Vinnuveitendasambandsins um kjarasamninga
Lengr-a verður ekki hægt
að ganga í samningum
VINNUVEITENDUR telja að teflt sé á tæpasta
vað í launahækkunum í nýgerðum samningum
en áætlað er að launakostnaðarauki verði
13-15% á þriggja ára samningstíma, eða þriðj-
ungi meiri en í samkeppnislöndunum. Hins veg-
ar vegi öryggi og svigrúm til langtímaskipulagn-
ingar sem af samningum leiðir þar á móti, að
því er segir í ályktun sambandsstjórnar VSÍ sem
kom saman í gær.
„Við verðum líka að gera ráð fyrir einhveijum
frekari launahækkunum en þama er samið um
og því er efnahagskerfið að taka á sig miklar
hækkanir," segir Þórarinn V. Þórarinsson, fram-
kvæmdastjóri VSÍ. Hann segir að samningarnir
séu á ýmsan hátt mismunandi en eigi það sameig-
inlegt að hin skráðu lágmarkslaun hækki vem-
lega. „Athuganir okkar gefa til kynna að raun-
vemleg launahækkunaráhrif af því eigi að vera
takmörkuð eða frá núlli og upp í 2% í fyrirtækj-
um. Það er gengið frá afar nákvæmum reglum
um hvemig álags- og aukagreiðslur eiga að falla
niður. Við þykjumst líka sjá við Sleipnisdómnum
með 4. grein samningsins, sem kveður á um að
þeir sem ekki vilja sætta sig við að aukagreiðsl-
ur og yfirborganir lækki á móti hækkun kaup-
taxta, geti ákveðið að halda aukagreiðslunum."
Þórarinn segir augljóst að með þessum samn-
ingum sé mörkuð stefna í viðræðum við félög
sem enn er ósamið við. „Við teljum okkur hafa
farið það langt, að lengra sé með engu móti
hægt að ganga,“ segir hann.
Verðbólga gæti orðið 2'/2-3'/2%
„Við settum okkur það mark í október að
miða samningana við að verðbólga fari ekki
umfram 2% á ári. Það mun ekki halda. Hún
verður meiri. Verðbólgan verður þó innan þol-
marka, kannski 2’/2—3‘/2% á fyrsta árinu," segir
hann.
Vinnuveitendur áttu viðræður við önnur
landssambönd í gær. Þórarinn segir viðsemjend-
ur hafa viljað kynna sér nýju samningana og
að viðræður haldi áfram á næstu dögum.
Rugga skútunni talsvert
Jóngeir H. Hlinason, framkvæmdastjóri
Vinnumálasambandsins, segir ástæðu þess að
vinnuveitendur féllust á gerð samninga, sem
eru um margt ólíkir því tilboði sem vinnuveitend-
ur lögðu fram í seinustu viku, hafa verið þá,
að menn hafi viljað leggja kapp á að ná samn-
ingum við félögin.
Jóngeir segir að sú lína sem lögð er í kjara-
samningunum hafi verið mörkuð yfir helgina.
Aðspurður hvort atvinnulífið gæti staðið undir
þessum launabreytingum sagði hann að hér
væru ekki verðbólgusamningar á ferðinni en
þeir gætu þó ruggað skútunni talsvert. „Fyrir-
tækin verða að þola þetta en því er ekki að
neita að þetta er í þyngri kantinum," sagði hann.
Deila í mjölverk-
smiðjum í Eyjum
Samningar
undirritaðir
FORSVARSMENN Verka-
lýðsfélags Vestmannaeyja
(VFV) og viðsemjendur
þeirra undirrituðu nýjan
kjarasamning seinnipart
laugardags og nær hann til
40 verkamanna í báðum fiski-
mjölsverksmiðjunum í Vest-
mannaeyjum. Atkvæða-
greiðsla fór fram um samn-
inginn á sunnudag og var
hann samþykktur með öllum
greiddum atkvæðum nema
einu, en 32 mættu á kjörstað.
Að sögn Jóns Kjartansson-
ar formanns VFV er samn-
ingur þessi í anda þeirra
samninga sem gerðir hafa
verið við starfsmenn í öðrum
verksmiðjum landsins, með
ýmsum lagfæringum þó.
Töluvert bar í milli deiluaðila
í upphafi sáttafundar á laug-
ardag „en það var að nokkru
leyti jafnað með samningn-
um,“ sagði hann.
Þeir fórust með
Dísarfellinu
SKIPVERJARNIR
tveir sem fórust þegar
Dísarfell sökk síðastlið-
inn sunnudagsmorgun
hétu Páll Andrésson,
38 ára, og Óskar Guð-
jónsson, 59 ára.
Páll Andrésson var
1. stýrimaður á Dísar-
felli. Hann var fæddur
22. desember 1958 og
lætur eftir sig eigin-
konu og tvö börn.
Óskar Guðjónsson
var matsveinn á Dísar-
felli. Hann var fæddur
1. október 1937 0g læt-
ur eftir sig eiginkonu Óskar Páll
og tvö uppkomin börn. Guðjónsson Andrésson
Jeppaleið-
angur yfir
hálendið
FÉLAGSMENN í ferðaklúbbn-
um Fjórir sinnum fjórir lögðu
af stað í jeppaleiðangur síðast-
liðinn föstudag, þar sem ekið
var á 115 jeppum gömlu
Sprengisandsleiðina. Jeppa-
ferðin var farin frá Reykjavík
og þaðan ekið að Sigöldu og
siðan norður Sprengisand, nið-
ur í Bárðardal og komið tií
Akureyrar á laugardagskvöld,
þar sem haldin var sýning á
jeppunum á sunnudag. Ferðin
var farin í tilefni af því að ferð
þessi var fyrst reynd fyrir tíu
árum en þá urðu jeppamenn að
snúa við í Nýjadal.
Morgunblaðið/Ámi Sæberg
Aftakaveður var á hálendinu
á föstudagsnótt og eins og sjá
má á meðfylgjandi mynd þurftu
sumir jeppaeigendur að hreinsa
snjó úr vélarrúmi að morgni
laugardags. Þann dag var eilítið
bjartara yfir, færðin betri þar
sem rignt hafði og því auðveld-
ara að marka för í snjónum en
þó gekk á með éljum. Allir bíl-
arnir komust á leiðarenda þrátt
fyrir minni háttar óhöpp og voru
menn almennt ánægðir með
ferðina.