Morgunblaðið - 01.04.2004, Blaðsíða 10
10 C FIMMTUDAGUR 1. APRÍL 2004 MORGUNBLAÐIÐ
NFYRIRTÆKI
!! #
!!!!
$%
&""
'
"
(
"
))!*
+
%' "
" ,-
.
!!
/!+
)"
.!
"
)
"
- 0(% 1%!!(
!
" -
23 !3 !!
-
2 !
'
"
& $% "
Í
upphafi framleiddi Sæplast
aðallega ker og bretti úr
plasti fyrir sjávarútveginn
hér á landi og voru starfs-
menn í byrjun fimm að tölu.
Starfsmennirnir eru nú um 250 tals-
ins í níu löndum. Fyrirtækið rekur
verksmiðjur og söluskrifstofur í sex
löndum og er þar að auki með sölu-
skrifstofur í öðrum þremur löndum.
Geir A. Gunnlaugsson segir að
það sé vilji þeirra sem standa að Sæ-
plasti að efla félagið enn frekar.
Markmiðið sé að gera það öflugra og
arðbærara, þannig að það verði
áhugaverður kostur fyrir fjárfesta.
„Sæplast er með minni fyrirtækj-
unum á markaði, með veltu upp á
rúman tvo og hálfan milljarð króna,“
segir Geir. „Markmiðið er að tvö- til
þrefalda umsvif fyrirtækisins á
næstu fimm árum eða svo. Fyrir-
tækið er leiðandi á mörgum sviðum
og við sjáum mjög marga möguleika
til enn frekari sóknar.“
Útrás hófst 1998
Stofnendur Sæplasts voru samtals
16, flestir búsettir á Dalvík. Mark-
mið þeirra var að renna styrkari
stoðum undir atvinnulífið á staðn-
um. Matthías Jakobsson, einn stofn-
endanna, var fyrsti stjórnarformað-
ur fyrirtækisins, en fyrsti
framkvæmdastjóri var Pétur Reim-
arsson efnafræðingur.
Framleiðsla Sæplasts er í grund-
vallaratriðum tvíþætt, annars vegar
fyrir matvælaiðnaðinn, aðallega
fiskiðnað, og hins vegar fyrir út-
gerðir fiski- og skemmtibáta.
Einangruð ker til notkunar í mat-
vælaiðnaði hafa alla tíð verið helstu
framleiðsluvörur Sæplasts. Á und-
anförnum árum hefur áhersla hins
vegar verið lögð á meira vöruúrval
og framleiðir fyrirtækið fleiri hundr-
uð vörunúmer. Helstu framleiðslu-
vörur aðrar en ker eru belgir, bauj-
ur, nótaflot, trollkúlur, vörubretti,
vatnstankar, brunnar og rotþrær og
er öll framleiðslan úr plasti.
Útrás Sæplasts erlendis hófst árið
1998. Þá tók til starfa dótturfélag
Sæplasts á Indlandi, verksmiðja
sem fyrirtækið byggði frá grunni.
Árið eftir keypti Sæplast verk-
smiðju í Kanada og í Noregi. Árið
2000 stofnaði Sæplast söluskrifstofu
í Hollandi og síðar aðra söluskrif-
stofu í Hong Kong. Á árinu 2002
keypti Sæplast verksmiðju á Spáni
og í byrjun síðasta árs keypti fyr-
irtækið verksmiðju í Hollandi. Í
fyrra voru einnig stofnaðar sölu-
skrifstofur á Bretlandi og í Víetnam.
Verksmiðja Sæplasts í Hollandi
er frábrugðin hinum verksmiðjum
fyrirtækisins, því þar er öll fram-
leiðslan fyrir aðra, ekki undir eigin
merkjum. Segir Geir að framleiðsl-
an í verksmiðjunni í Hollandi sé
mjög fjölbreytt, allt frá stórum
tönkum niður í litla hluti, til að
mynda í iðnaðarryksugur.
Verksmiðjur Sæplasts eru svo-
nefndar hverfisteypuverksmiðjur.
Hverfisteypa fer þannig fram að
plastduft er sett í mót, sem velt er
undir hita um tvo ása. Þannig er efn-
inu dreift jafnt um mótið og síðan
látið bakast.
Sæplast var skráð í Kauphöll Ís-
lands á árinu 1993.
Rekjanleg ker með minni
Að sögn Geirs er matvælamarkaður-
inn meginmarkaður Sæplasts. Hann
segir að vissulega sé farið að gæta
nokkurrar mettunar á kervæðingu á
ákveðnum markaðssvæðum, svo
sem hér á landi og í Færeyjum, en
stór svæði séu eftir í heiminum þar
sem möguleikar á sölu kera séu enn
miklir í fiskveiðum og -vinnslu. Það
sama eigi og við um ýmsan annan
matvælaiðnað en fiskiðnað, þar sem
í dag séu notuð öðruvísi ker.
„Okkar ker hafa ýmsa kosti sem
önnur ker hafa ekki. Og við teljum
einnig að kerið eigi eftir að þróast. Í
dag er þetta einangraður kassi sem í
er settur fiskur eða önnur matvæli
og ís. Kröfur um rekjanleika eru
stöðugt að aukast. Vel er hægt að
sjá fyrir að innan nokkurra ára verði
ker með minni, þannig að hægt verði
að fletta upp í því, t.d. til að finna út
hvaða hitastig hafi verið í því þann
tíma sem vara hefur verið í því. Nú
þegar hafa tölvuflögur verið settar í
ker, sem gerir mögulegt að sjá
hvaða dag það var fyllt. Svo er ekki
úr vegi að ætla að í framtíðinni verði
til að mynda staðsetningartæki í
kerum. Þróunin mun því eflaust
halda áfram og það býður upp á
mörg tækifæri.
Það sama á og við um hinn meg-
inmarkaðinn fyrir framleiðsluvörur
Sæplasts. Þannig fer t.d. notkun á
fríholtum og öðrum varnarbúnaði
fyrir báta stöðugt vaxandi, því
skemmtibátum fjölgar ört. Það gef-
ur Sæplasti tækifæri til frekari vaxt-
ar.“
Árangur af útrás ekki
kominn fram
Að sögn Geirs hefur afkoma Sæ-
plasts á undanförnum árum ekki
verið eins og væntingar hafa staðið
til. „Það verður að viðurkennast að
árangurinn af útrás fyrirtækisins
hefur látið á sér standa. Ýmislegt í
ytra umhverfinu hefur reynst erfitt.
Það á bæði við um fyrirtækin í Kan-
ada og Noregi, en þessar tvær verk-
smiðjur standa fyrir um helmingn-
um af veltu Sæplasts. Þegar
Sæplast keypti þessi fyrirtæki hafði
rekstur þeirra ekki gengið vel og
það hefur tekið lengri tíma en til
stóð að ná tökum á því. Ég tel að
kaupin á þessum fyrirtækjum séu
reyndar ágætt dæmi um það að
heppilegra er að horfa frekar til fyr-
irtækja sem eru í góðum rekstri en
að kaupa fyrirtæki sem standa illa,
þegar farið er í útrás.“
Geir segir að á síðasta ári hafi
verið ákveðið að horfast í augu við
ákveðin vandamál og hreinsa til í
efnahagsreikningi Sæplasts. Pen-
ingaleg staða fyrirtækisins sé sterk
og það hafi öfluga bakhjarla. Kjöl-
festufjárfestirinn í fyrirtækinu,
Atorka, sé til að mynda mjög öflugt
fyrirtæki.
„Við erum að einbeita okkur að
því að snúa rekstrinum í Kanada og
Noregi við. Rekstur allra hinna fyr-
irtækjanna gekk hins vegar mjög
vel í fyrra. Fyrirtækið á Dalvík hef-
ur aldrei gengið betur og fyrirtækin
á Spáni, Indlandi og í Hollandi
gengu einnig mjög vel. En helming-
urinn af rekstrinum er í Kanada og
Noregi og því einbeitum við okkur
að því að snúa þeim rekstri við. Það
gerist ekki á einni nóttu en við telj-
um að við séum að stíga skref sem á
eftir að skila árangri,“ segir Geir A.
Gunnlaugsson að lokum.
Markmiðið að tvö-
til þrefalda umsvifin
!
"# #
$%
&'
$
( !' )!
*'
&! &% &
+ Forstjóri Sæplasts segir að möguleikarnir til frekari sóknar fyrirtæk-
isins á alþjóðlegum markaði séu mjög margir
gretar@mbl.is
Starfsemi Sæplasts
hefur mikið breyst á
þeim tuttugu árum
sem liðin eru frá því
fyrirtækið var stofnað
á Dalvík. Það er nú
með starfsemi í níu
löndum og er í far-
arbroddi á sínu sviði í
heiminum. Grétar Júní-
us Guðmundsson ræddi
við Geir A. Gunn-
laugsson, forstjóra
Sæplasts.
Morgunblaðið/Jim Smart
Lærdómsríkt Geir Gunnlaugsson segir að við útrás hefði verið heppilegra
að horfa til fyrirtækja í góðum rekstri en að kaupa fyrirtæki sem stóðu illa.
FRAMLEIÐSLA