Morgunblaðið - 01.04.2004, Page 9
MORGUNBLAÐIÐ FIMMTUDAGUR 1. APRÍL 2004 C 9
NVIÐSKIPTI Fjármálaréttarstofnun Háskólans í
Reykjavík verður opnuð með formleg-
um hætti í dag. Jóhannes Sigurðsson
hrl. hefur verið ráðinn forstöðumaður
stofnunarinnar. Hann hefur starfað
hjá HR frá áramótum en var áður m.a.
sérfræðingur á sviði fjármálaþjónustu
hjá Eftirlitsstofnun EFTA í Brussel.
Jóhannes segir að stofnunin sé hugs-
uð til þess að mæta ríkri þörf á að
skýra reglur á sviði fjármálaréttar og
upplýsa þátttakendur á fjármála-
markaðnum, fjármálafyrirtæki, fjár-
festa og eftirlitsaðila, um lagaum-
hverfið.
„Mikil þróun á sviði fjármálaréttar-
ins hefur átt sér stað alveg frá því á
seinni hluta áttunda áratugarins og nú
erum við fyrst komin með heildstæða
og nútímalega löggjöf á þessu sviði,“
segir Jóhannes. „Það vantar hins veg-
ar að skýra þessa löggjöf betur. Það
liggur til dæmis fyrir að Fjármálaeft-
irlitið er nýlega komið með ríflegri
heimildir til að fá menn til að fara eftir
reglunum, m.a. heimild til að sekta. Þá
er auðvitað alveg nauðsynlegt að þeir
aðilar, sem eru á markaðnum, viti
hvernig þeir mega hegða sér; hvað
reglurnar leyfa og hvað er bannað.“
Merki um að FME hyggist
beita sér meira
Jóhannes bendir á nýleg álitaefni
vegna innherjaviðskipta m.a. í Skelj-
ungi og Eimskip. „Það eru mjög
margir óvissuþættir í þeim efnum,
hvenær menn mega kaupa og hvenær
ekki. Þarna eru merki um að Fjár-
málaeftirlitið hyggist fylgja reglum
um innherjaviðskipti fastar eftir. Það
er eðlileg þróun, sem við höfum séð á
öðrum réttarsviðum, t.d. í samkeppn-
isrétti. Þar voru eftirlitsyfirvöld fram-
an af fremur aðgerðalítil, þangað til
ákveðin breyting varð í lagaramman-
um og byrjað var að beita sektum, t.d.
í grænmetismálinu og Skífumálinu.
Það má búast við svipaðri þróun í fjár-
málageiranum; að þegar eftirlitsaðil-
inn fer að beita sér fara menn að átta
sig á því að það þarf að hafa skýra
túlkun á þeim reglum sem gilda og
átta sig á því hvað má og hvað ekki.“
Aukin þátttaka banka
í atvinnurekstri
Jóhannes segir að þátttaka fjármála-
fyrirtækja í atvinnustarfsemi hafi
aukizt mjög á undanförnum árum,
bæði vegna eignarhalds þeirra á öðr-
um fyrirtækjum, lánveitinga og ráð-
gjafar um endurskipulagningu fyrir-
tækja, samruna og kaup.
Fjármálafyrirtækin og það breytta
umhverfi, sem þau starfi í, sé því að
sumu leyti drifkraftur þeirra miklu
breytinga, sem átt hafi sér stað í ís-
lenzku atvinnulífi. „Krafan um hagnað
í rekstri fyrirtækja hefur leitt til mik-
illar hagræðingar en líka hættu á að
menn tefli á tæpasta vað til að ná
markmiðum um hagnað. Þá er eins
gott að menn viti skýrlega hvaða regl-
ur gilda og eins að stjórnvöld og eft-
irlitsaðilar séu með það alveg á hreinu
hvar línan liggur,“ segir hann.
Gagnabanki um fjármálarétt
Jóhannes segir að Fjármálaréttar-
stofnunin muni ná markmiðum sínum
með ýmsum hætti, fyrst og fremst
með grunnrannsóknum. Áformuð sé
útgáfa rits um verðbréfamarkaðsrétt
á þessu ári. Jafnframt séu hafnar
rannsóknir á heildarregluverki EES-
samningsins um fjármálaþjónustu. Þá
verði haldnar ráðstefnur og námskeið
fyrir fyrirtæki og stofnanir, sniðin að
þeirra þörfum. Á heimasíðu stofnun-
arinnar sé ætlunin að hafa aðgengi-
legt yfirlit um réttarheimildir í fjár-
málarétti og í fyllingu tímans verði
tekið saman yfirlit um dóma og
fræðiskrif á þessu sviði, þannig að til
verði heildstæður gagnabanki.
Aðspurður hvernig stofnunin verði
fjármögnuð segir Jóhannes að fengn-
ir verði kostunaraðilar að verkefnum,
sem þeim þyki áhugaverð, einnig
muni stofnunin taka að sér einstaka
þjónusturannsóknir fyrir stofnanir
og fyrirtæki, sem tengist þeim verk-
efnum sem hún starfi að.
Í stjórn Fjármálaréttarstofnunar-
innar eru Aðalsteinn Jónasson hrl. og
lektor við HR, formaður, Ólafur B.
Thors, fyrrverandi framkvæmda-
stjóri Sjóvár-Almennra, og Þórður S.
Gunnarsson, forseti lagadeildar HR.
Auk Jóhannesar starfar Þórólfur
Jónsson hrl. sem sérfræðingur við
stofnunina.
Þörf á að skýra reglur
um fjármálamarkaðinn
Fyrsta íslenzka rannsóknastofnunin í fjármálarétti stofnsett
Morgunblaðið/Ásdís
Strangara eftirlit Heimildir FME til að beita viðurlögum eru orðnar ríflegri
og þá þurfa menn að vita hvað má og hvað ekki, segir Jóhannes Sigurðsson.
ATVINNA mbl.is
Frá hugmynd
að fullunnu verki
Katlaþjónusta
H
ön
nu
n:
G
ís
li
B
.
markmiðmitt
er aðnábetri árangri
Hjá Eignastýringu Íslandsbanka
vinna peningarnir fyrir þig
Til að góður árangur náist í fjárfestingum í hlutabréfum
og skuldabréfum er nauðsynlegt að fylgjast vel með.
Sífellt fleiri kjósa að nýta sér þekkingu fagfólks við að
ávaxta peninga. Eignastýring Íslandsbanka býður vandaða
þjónustu við að ávaxta og byggja upp verðbréfaeign þína.
Hver sem þín fjárhagslegu markmið eru þá hjálpum við
þér að ná þeim.Fít
o
n
/
S
Í
A