Morgunblaðið - 01.04.2004, Blaðsíða 4

4 C FIMMTUDAGUR 1. APRÍL 2004 MORGUNBLAÐIÐ










































































































NVIÐSKIPTI Pappírstætarar
margar stærðir og gerðir.
Plasthúðunarvélar
fjölbreytt úrval.
Járngorma
innbindivélar
margar stærðir og gerðir.
ÞEKKING • GÆÐI • ÞJÓNUSTA
Úrval gólfþvottavéla
Vatnagarðar 14 - 104 Reykjavík
Sími: 544 2130 Fax: 544 2132
Allar stærðir af
gólþvottavélum frá
COMAC
Úrval gólþvottavéla,
iðnaðarryksuga og
bónslípivéla frá Nilfi sk
Mikið úrval ræstingavéla,
ásamt bóni og hreinsiefnum
frá Pioneer
1 4 4 4
w w w. g u l a l i n a n . i s
B
ill Grimsey stýrir Big
Food Group, einni
stærstu smásölu- og
heildsölukeðju í Bret-
landi, en Baugur Gro-
up á 22% hlut í fyrirtækinu. Big
Food Group var sett saman árið
2000 úr matvörukeðjunni Iceland
og heildsölunni Booker, sem selur
mest til minni verslana og veit-
ingastaða. Verslanir Iceland-keðj-
unnar eru 760 og viðskiptavinir
hennar eru 3,5 milljónir á viku. Í
Booker-keðjunni eru 180 verslanir
og hún er með 400.000 smærri
verslanir og veitingastaði í viðskipt-
um. Velta Big Food Group er um 5
milljarðar punda, um 660 milljarðar
króna, og skiptist þannig að velta
Booker er um 3,5 milljarðar punda
og velta Iceland um 1,5 milljarðar
punda.
Að sögn Grimsey er breski mat-
vælamarkaðurinn í heild um 110
milljarðar punda, nær 15.000 millj-
arðar króna. Keðjan Tesco sé lang-
stærst á markaðnum með 27% hlut-
deild. Næstar komi Asta, Morrison
og Sainsbury, en sú stærsta þeirra
sé með innan við 20% hlutdeild á
markaðnum. Í fimmta sæti, en tölu-
vert fyrir neðan þessar fjórar, sé
Big Food Group.
Stærstir í kókdósum
„Árið 2001, þegar ég kom að
rekstrinum, voru skuldir fyrirtæk-
isins 600 milljónir punda og
reksturinn stóð ekki undir því.
Bankarnir voru þess vegna í raun
við stjórnvölinn. Við endurfjár-
mögnuðum fyrirtækið árið 2002
og skuldir þess eru nú um 270
milljónir punda. Við skiptum um
stjórnendur og hófum að fjár-
festa í rekstrinum til að auka
framleiðnina,“ segir Grimsey.
Hann segir að Baugur hafi á
þessum tíma verið byrjaður að
fjárfesta í Bretlandi og hafi hagn-
ast vel á fjárfestingu í Arcadia.
Baugur hafi áttað sig á því að
stofnanafjárfestar í Bretlandi
hafi vanmetið Big Food Group
þannig að Baugur hafi keypt um
22% í fyrirtækinu á mjög góðu
verði. Meðalverðið hafi verið um
42 pens, en nú sé verðið um 135
pens.
Grimsey segir að Iceland sé í
öðru sæti í sölu á frosnum mat-
vælum í Bretlandi með 17%
markaðshlutdeild og sé leiðandi í
mörgum vöruflokkum. Fyrirtæk-
ið hafi því mikinn styrk í inn-
kaupum. Hann segir verslanir
fyrirtækisins vel staðsettar og að
helstu viðskiptavinirnir séu mæð-
ur með tvö börn sem séu að leita
að hagstæðum matarinnkaupum.
Hann segir Booker vera
stærsta kaupanda að kóki í dós-
um í Bretlandi og fyrirtækið sé
annar eða þriðji stærsti við-
skiptavinur margra stórra þekktra
framleiðenda. Hann segir Booker
veita litla kaupmanninum á horninu
þjónustu og sú tegund verslunar
fari vaxandi í Bretlandi. Á níunda
og tíunda áratug síðustu aldar hafi
risaverslanir fyrir utan bæina verið
mjög vinsælar og séu reyndar enn.
Smekkur fólks hafi hins vegar
breyst og nú sé tíminn mikilvægur
fyrir ungu mæðurnar með börnin
tvö. Flestir vinni lengur en áður og
þess vegna sé að verða vinsælla að
kaupa tilbúna rétti á leiðinni heim
úr vinnu í stað þess að fara í stóra
innkaupaleiðangra í risavaxnar
verslanir. Grimsey segir Iceland
vera framarlega í að uppfylla þess-
ar nýju þarfir.
Tesco langstærst
Tesco er að sögn Grimsey lang-
stærsta fyrirtækið á breska mat-
vörumarkaðnum. Það sé einnig út-
breitt erlendis og vaxi til dæmis
hratt í Austur-Evrópu og Austur-
löndum fjær. Tesco stefni hraðbyri
í að verða alþjóðlegt fyrirtæki sem
geti tekist á við Wal Mart á alþjóð-
legum markaði.
Tækifæri Tesco til að vaxa í
Bretlandi með fleiri stórmörkuðum
eru að sögn Grimsey ekki mikil nú-
orðið. Fyrirtækið sé því að leita
leiða til að vaxa með smærri versl-
unum. Það kaupi litlar keðjur minni
verslana og setji merki sitt á þær
og kalli þær Tesco-express. „Við
gerum allt sem við getum með vís-
an til reglugerða og laga til að
stöðva þessa þróun. Ástæðan er sú
að Tesco hefur 27% hlutdeild á
heildarmarkaðnum og í Bretlandi
rannsaka samkeppnisyfirvöld alla
sem vaxa yfir 25% af markaðnum,
því sú stærð sé ekki endilega neyt-
endum til hagsbóta til lengri tíma
litið,“ segir Grimsey. Hann bætir
því við að árið 2000 hafi starfs-
aðferðir stórmarkaða í Bretlandi
verið rannsakaðar og niðurstaðan
verið sú að starfsaðferðirnar hafi
verið eðlilegar. Um leið var nið-
urstaðan sú að markaðurinn væri
tvískiptur, annars vegar verslun í
stórmörkuðum og hins vegar í
smærri verslunum.
Gæta hagsmuna einyrkja
„Tesco er núna að vaxa inn á
smærri markaðinn með þeim rök-
um að þeir hafi aðeins 5% hlutdeild
á þeim markaði. En þeir nýta sér
mikinn styrk sinn í innkaupum á
þessum markaði. Við leggjum mikið
á okkur til að reyna að breyta
þessu. Þetta er okkur mikilvægt því
að Booker byggir afkomu sína að
miklu leyti á sölu til smærri versl-
ana,“ segir Grimsey. Hann segir
um 1.300 sjálfstæða verslunareig-
endur reka verslanir undir nafninu
Premier í samstarfi við Big Food
Group og fyrirtækið vinni að því í
samstarfi við stjórnvöld að gæta
hagsmuna þessara einyrkja.
Grimsey segir verðsamkeppnina
á breska matvörumarkaðnum fara
mjög harðnandi. Morrison hafi
lækkað verð hjá sér og hinir, þar á
meðal Tesco, þurfi að fylgja á eftir.
Fyrirtækið Verdict, sem stundi
rannsóknir, hafi nýlega gefið út
skýrslu þar sem fram komi að verð
á breska matvælamarkaðnum muni
lækka um 1% á þessu ári. Þetta
verði fyrirtækjunum erfitt. Fólki,
þar með viðskiptavinum, fjölgi ekki,
og kostnaðurinn vaxi um 3% á ári,
en hann skiptist milli launa og hús-
næðis. Til að bregðast við þessu
þurfi fyrirtækin að ná til sín fleiri
viðskiptavinum, auka álagningu eða
auka hagkvæmni í rekstri með
betri nýtingu á tækni og fjárfest-
ingu. Nú sé til dæmis unnið að því
að auka upplýsingaflæði milli fram-
leiðenda og Big Food Group, til að
framleiðendurnir geti fylgst með
birgðunum, og þannig sé unnt að
auka hagkvæmni á þessu sviði.
Metur framlag Baugs
Um samskiptin við Baug segir Bill
Grimsey að þau séu mjög jákvæð.
Hann ræði viðskiptin við Baug á
formlegum fundum tvisvar á ári
eftir birtingu afkomutalna og þar
fyrir utan sé hann nokkuð oft í
sambandi við stjórnendur Baugs.
Utan hinna formlegu funda megi
þeir ekki ræða í smáatriðum um
reksturinn þar sem Baugur sé ekki
innherji og eigi ekki mann í stjórn,
en þeir ræði stöðuna á markaðnum
vítt og breitt. Grimsey segir Baug
hafa góðar hugmyndir fram að færa
um reksturinn, hann meti framlag
Baugs æ meira og tengslin við
Baug vaxi jafnt og þétt.
Hann segir menn hafa orðið hissa
á því þegar fór að sjást til Baugs á
breska markaðnum vegna kaup-
anna og sölunnar á Arcadia, sem
hafi verið vel tímasett. Nú séu þeir
sem fjalli um viðskipti og starfi við
smásölu hins vegar búnir að átta
sig á því að Baugur hafi mikla
þekkingu á smásölumarkaðnum og
séu farnir að bera virðingu fyrir
fyrirtækinu. Grimsey segist telja
Baug hafa staðið sig mjög vel í fjár-
festingum og stórir breskir stofn-
anafjárfestar gætu lært af Baugi.
Baugur hafi hrist upp í markaði
sem hafi verið orðinn of þunglama-
legur.
Reyna að hindra vöxt
risans á markaðnum
Morgunblaðið/Eggert
Breskar verslanir Bill Grimsey, forstjóri Big Food Group, segir að Baugur
hafi hrist upp í breska smásölumarkaðnum.
Big Food Group, sem Baugur á 22% hlut í, vinnur að því að gæta hagsmuna einyrkjans á breska
matvælamarkaðnum og verjast ásókn smásölurisans Tesco sem nýtir styrk sinn í innkaupum
Bill Grimsey er forstjóri Big Food Group og
undir stjórn hans á síðustu árum hefur fyr-
irtækið margfaldast í verði. Haraldur Johann-
essen ræddi við hann um fyrirtækið, breska
smásölumarkaðinn og samskiptin við Baug.
haraldurj@mbl.is