Lesbók Morgunblaðsins - 25.06.1967, Blaðsíða 14
RÓBERT ARNFINNSSON
Framhald af bls. 11
mikið og ógnin og óhugnaðurinn, sem
þetta fólk er fulltrúar fyrir, misstu
marks einmitt þess vegna. Þetta
hlaut að verða meiri og minni graut-
ur. >að erfiðasta við þetta hlutverk
var kannski það að hafa aldrei næði
til að koma boðskap höfundar til
skila, að þurfa sífellt að brjótast
gegnum múr af truflunum.
— Það var haft eftir nokkrum er-
lendu þátttakendanna á nýloknu
leikstjóranámskeiði, að þeim þætti
meiri leikhúsandi ríkjandi í Iðnó en
Þjóðleikhúsinu. Hvert er álit þitt
á þessum ummælum?
I
þessu sambandi vil ég að-
eins taka fram, að milli leikara þess-
ara stofnana innbyrðis hefur alltaf
ríkt gagnkvæmur skilningur. En því
miður ber nokkuð á því, að fóik al-
mennt taki afstöðu með eða móti
annarri hvorri stofnuninni, leggi
ákveðið listrænt mat á hvort leik-
húsið fyrir sig og gagnrýnendur hafa
að vissu leyti kynt undir þessa
þróun. Bæði leikhúsin vinna að því
sama — að kynna fólki þær leikbók-
menntír sem hvor aðili fyrir sig tel-
ur þess virði, að fólk fái notið. Það er
óheilbrigt, að togstreita sé milli
þeirra, enda eins og ég sagði, varla
til meðal leikaranna sjálfra. Slíkt
væri líka mjög óskynsamlegt.
sv.j.
SMÁSACAN
Framhald af bls. 4
meðan ég get staðið á fótunum. Við
hljótum bros og þakklæti að launum og
það er góð borgun“.
En nú var Sölvi gamli staðinn
á fætur. Hann gaut hornauga út undan
sér. Þessi náungi hélt sig víst vera
eitthvert ungmenni, sem sló stelpum
gullhamra. Hann kunni ekki við svona
lagað. Þetta var tæplega kurteisi, fannst
honum, og honum var nóg boðið.
Ojæja, það er líklega eitthvað fleira
en bláa vestið og gullfestin, sem er eft-
irtektarvert, hugsaði hann.
Hann leit með fjarrænum svip yfir
grænt lauf trjánna eins og það mundi
staðfesta grun hans að einhverju leyti,
en svo tók hann stafprikið sitt, sem
hékk á enda bekkjarins, og haltraði í
burtu.
„Halló, Sölvi“, kallaði unga stúlkan.
„Svei mér, ef þú ert ekki alveg hættur
að líta á mann“. Hún var brosandi og
létt í rómnum. „Það verður gaman fyrir
þig að koma inn. Ég lét bréf upp á
herbergið þitt. Það var að koma núna.“
„Þú veittir honum fögnuð", mælti
Tómas lágt. „Tókstu eftir því, hvað
hann varð glaður og hvernig svipur
hans breyttist. Hann hefur setið hér
heillengi og ekkert sagt, og ég held að
honum líði illa.“
„Já, hann er ætíð svona, ég held að
hann- sé þunglyndur. Hann tekur svo
lítinn þátt í lífinu í kringum sig. Við
vitum það öll, sem erum hér“, mælti
Heiða.
„Það var einmitt það, sem ég þóttist
sjá. En það getur enginn hætt að taka
þátt í lífinu, ekki á meðan við lifum
því. Ég þakka hvert augnablik, sem
veitir mér gleði, hvort sem ég er tal-
inn fær um að taka á móti henni eða
ekki. Fyrir mig er hún hvíld og
gleymska, því að sólfagra ævintýrið um
lífið heldur áfram að vera til og verður
að lokum draumur gamals manns.“
Eftirfarandi spil vakti mikla athygli
í nýafstaðinni heimsmeistarakeppni.
Spilið er frá leik milli Venezuela og
N.-Ameríku.
Norður
A K-10-9
y 9-8-3-2
♦ 10-3
* D-10-8-4
Austur
A Á-G
V Á-K-5-4
♦ K-D-4
* Á-K-G-2
Suður
A D-5-4-3-2
y G-10-6
♦ 8-6-2
•*. 7 3
Við annað borðið sátu spilararnir frá
Venezuela A—V og sögðu 6 grönd og
unnu. Við hitt borðið, þar sem spilar-
arnir frá N.-Ameríku sátu A—V, gengu
sagnir þannig:
Vestur
A 8-7-6
y D-7
♦ Á-G-9-7-5
4* 9-6-5
Suður Vestur Norður Austur
pass pass pass 2 lauf
pass 2 tiglar pass 2 grönd
pass 3 tiglar pass 4 grönd
pass 5 tiglar pass 5 grönd
pass 6 lauf pass 7 tiglar
7 spaðar dobl. Allir pass
Fjögur grönd hjá austri er ásaspurn-
ing en 5 grönd eru ekki spurning um
kónga eins og venjulega er notað. Þessi
sögn þýðir, að félagi á að segja frá
einhverju háspili eða háspilum, sem
hann hefur ekki þegar sagt frá. Sam-
kvæmt þessu átti vestur að segja 6
hjörtu, en ekki 6 lauf. Vera má að
hann hafi gleymt þessari spurningar-
sögn, en austur áleit með þessu að lauf-
ið væri gott og því væri óhættT að segja
alslemmu. Hægt er að vinna alslemm-
una en á það reyndi ekki, því suður
sagði 7 spaða, sem er ágæt fórnarsögn,
ef reiknað er með að alslemman vinn-
ist.
A—V fengu 1700 á þessu borði og þar
sem aðeins var spiluð hálfslemma á hinu
borðinu græddi N.-Ameríkusveitin 6
stig á spilinu .
Framkv.stj.: Sigfús Jónsson.
Ritstjórar: Sigurður Bjarnason frá Vigur.
Matthías Johannessen.
Eyjólfur KonráO Jónsson.
Ritstj. fltr.: Gísli Sigurðsson.
Auglýsingar: Árni Garðar Kristinsson.
Ritstjórn: Aðalstræti 6. Sími 22480.
Útgefandi: H.f. Árvakur, Reykjavík
14 LESBÓK MORGUNBLAÐSINS
25. júní 1967