Lesbók Morgunblaðsins - 12.10.1958, Blaðsíða 16
520
LESBÓK MORGUNBLAÐSINS
BRIDGE
ÞETTA er spil úr heimsmeistarakeppn
og áttust við Bandaríkjamenn og ítali
A 10 7 5 4
V 10 6 4
♦ —
* G 10 7 5 4 2
A Á
V K D 3
♦ Á K D
4 3 2
* K 3
* KDG32
V G 2
* G 7 6 5
* Á 9
* 986
V Á 9 8 7 5
♦ 10 8
* D 8 6
Bandaríkjamenn voru A-V (hvorugii
í hættu) og sagnir þeirra voru þessar:
A s V N
2 1. pass 2 t. pass
3 t. pass 3 hj. pass
4 hj. pass 5 hj. pass
6 hj. pass pass pass
Sögnin var skynsamleg, en spilið er
tapað vegna þess að spaði kom út og S
hafði 4 tígla, en N engan.
Á hinu borðinu sögðu ítalir 3 grönd
og unnu auðvitað.
SVANUR Á HEIÐI. — Við fyrstu sýn mun sumum finnast sem mynd þessi sé
tekin af tjörninni í Reykjavík, en svo er ekki. Myndin er tekin inni á öræfum,
skammt frá Geldingaá, sem er innan við Gljúfurleit upp með Þjórsá. En inni í
óbyggðunum má víða heyra svanasöng á sumarkvöldum, því að þar eiga svanir
sér bústaði, frjálsir og óháðir. Ljósm. vig.
Eg veit hvar álft frá veiði fer, af víði köldum svifin,
og fjöður hálf þar engin er og ekki sauri drifin.
Á breiðum vængjum fer hún frjáls með fjallabeltum háum
og speglar mjallahvítan háls í heiðarvötnuin bláum.
, (Þorst. Erl.)
LITLI-GEVSIR
Hjá Reykjum í Ölfusi er mesti fjöldi
af hverum. Þar er Litli-Geysir fyrir of-
an túnið norðanvert. Hann hefir áður
gosið miklu meira en nú (1883). Fyrir
hér um bil 20 árum gaus hann hér um
bil 20 fet í loft upp, og við landskjálft-
ann 1829, er sagt að hann hafi gosið
engu minna en Geysir hjá Haukadal.
Sagt er að Litli-Geysir hafi áður verið
fyrir innan ána í Hveragerði, en hann
færði sig 1597 við Heklugos. í annál-
um Björns á Skarðsá segir: „Þá hvarf
stóri hverinn í Hveragerði fyrir sunn-
an Reyki, og kom upp annar fyrir ofan
túnið á Reykjum, sem er enn í dag, og
gýs mjög, þó eigi sem sá hinn stóri
hafði áður gosið, því um veginn hafði
ekki verið óhætt að ferðast, sem lá
mjög nærri honum, svo sem nú má
sjá vöxt og merki til, því þar er enn
eftir hverastæðið vítt með vellandi
vatni“. Líklega eru skálar þær, er
menn kalla Árnahveri, leifar af hinum
forna Litla-Geysi. (Þorv. Thoroddsen)
FRAFALL ÞORLÁKS BISKUPS
Sjöunda dag jóla 1656 (gamlársdag)
bar svo til á Hólum, að 2 menn gaml-
ir voru grafnir í einni gröf. Stóð yfir
grefti þeirra biskupinn herra Þorlákur
Skúlason og fleira fólk. Tók hann þá
að fá kulda og verk í fæturna; varð
varla vermdur, svo heitt yrði; tók þá
kuldinn að leggja fyrir lífið. Lagðist
þá og var þjónustaður áttadag, en
deyði 11. dag jóla, 4. janúar. Áður hann
deyði gaf hann Hólakirkju krossmark-
ið, sem þar er yfir kórdyrum og
prédikunarstólinn fyrir leg sitt, og
kvað það ekki skyldu reiknast henni
annan veg; hafði hann keypt kross-
markið fyrir '20 dali, en stólinn fyrir
30. — (Vallholtsann.).
GULLBRUÐKAUP
áttu þau Páll Melsted sagnfræðing-
ur og frú Þóra hinn 13. nóvember 1909.
Þennan sama dag átti brúðguminn 97
ára afmæli. Hann var þá orðinn stein-
blindur og karlægur. Þeim hjónum var
flutt ávarp frá fjölda bæarbúa og svar-
aði Páll því liggjandi í rúminu og
höfðu menn orð á hvað honum mælt-
ist vel.
EKKERT TJASL
Nökkvann ljóðs fyrir njóta stáls
negli eg saman með orðum.
Stuðlar hljóðs og stofninn máls
stendur samt í skorðum.
(Þórður á Strjúgi)