Morgunblaðið - 24.02.1987, Blaðsíða 60
STERKTKQRT
ÞRBÐJUDAGUR 24. FEBRÚAR 1987
VERÐ í LAUSASÖLU 50 KR.
Grindavík:
Hrungnir GK 50 kom til
Grindavíkur fimmtiu
mínútum eftir óhappið.
Hér er verið að bera Val
Guðmundsson frá borði
en hann var fluttur í
sjúkrahúsið í Keflavík
þar sem gert var að
meiðslum á hægra fæti
hans.
Morgunblaðið/Kr.Ben.
„Hugsunin um
konuna o g börn-
in jók mér þrek“
— sagði Valur Guðmundsson sem bjarg-
aðist eftir að hann tók út af netabát
Grindavík.
„ÉG VAR töluverðan tíma f kafi og fór djúpt bæði með fótinn og
vinstri höndina flækta í draslinu. Mest var ég hræddur við að lenda
í skrúfunni þegar ég barst aftur með bátnum enda fann ég þytinn
af henni,“ sagði Valur Guðmundsson háseti á netabátnum Hrungni
GK 50 frá Grindavík við fréttaritara Morgunblaðsins, en Val tók
út með baujufæri þegar verið var að leggja eina netatrossuna í gær
grunnt út af Krísuvíkurbergi.
Valur var fluttur í sjúkrahúsið í
Keflavík þar sem gert var að
meiðslum hans. Hann sagði svo frá
atburðinum:
„Við vorum að leggja trossuna
og stóð ég aftur við lúguna til að
henda út færahönkinni. Skyndilega
kippir í fótinn á mér og hentist ég
með færinu upp að netagatinu. Ég
hafði ekki tekið eftir því að bauju-
bandið hafði aulast utan um fótinn
á mér.
Ég reyndi að losa mig en þá tók
svo fast í að ég hélt að fóturinn
ætlaði að slitna af mér. Strákamir
urðu skelkaðir og náði einn í hníf
rétt hjá og ætlaði að skera á. Ég
þorði ekki að bíða því allt skeði
mjög snöggt og fleygði mér fyrir
borð í þeirri von að það yrði mér
til bjargar.
Ég var það lengi í kafí að þeirri
örvæntingarhugsun skaut að mér
að þetta væri mitt síðasta. Ég saup
sjó og fann þrekið íjara út er ég
gerði tilraunir til að losna úr drasl-
inu. Mér varð þá hugsað til
konunnar minnar og bamanna og
fannst mér þrekið aukast við það.
Mér tókst. að einbeita mér að ná
slaka sem ég losnaði síðan úr.
Ég kom upp nokkuð frá bátnum
og reyndi að synda en gallinn og
stígvélin drógu mig niður.
Ólafur skipstjóri henti til mín
lausum bjarghring sem alltaf liggur
klár í brúnni ef slíkt kemur fyrir.
Hringurinn fauk frá mér og missti
ég af honum enda máttlítill á sund-
inu. Skipsfélagar mínir hentu þá
öðrum í bandi sem mér tókst að
ná á sundi. Ég var dreginn að báts-
hliðinni mjög þrekaður og hægri
fóturinn alveg dauður.
Markúsametið var síðan látið
síga niður til mín og tókst mér að
krækja mér í það,“ sagði Valur og
bætti við að á þeim 19 ámm sem
hann hefði verið til sjós hefði þetta
verið í fyrsta skiptið sem hann
færi fyrir borð.
„Ég reikna með að fara strax á
sjóinn aftur þegar ég verð góður í
fætinum. Hann er mjög marinn og
eitthvað er slitið, en ég er óbrot-
inn,“ sagði Valur að lokum.'
— Kr.Ben.
Ný bankamálanefnd:
Endurbætur á skipulagí og
starfsháttum ríkisbanka
Úttekt á útibúa- og afgreiðslukerfi Landsbanka og Búnaðarbanka
Matthías Bjamason, ráðherra bankamála, hefur ákveðið að skipa
fimm manna nefnd til að gera tillögur um endurbætur í skipulagi og
starfsháttum ríkisbankanna tveggja, Landsbanka og Búnaðarbanka,
með það fyrir augum, að auka hagræðingu, bæta þjónustu þeirra við
viðskiptavini og treysta fjárhagslega uppbyggingu þeirra með hliðsjón
af þróun bankakerfisins í heild. Þetta kom m.a. fram í framsögu ráð-
herra fyrir stjómarfrumvarpi um stofnun hlutafélagsbanka um
Útvegsbanka íslands.
Jónas Haralz, bankastjóri í Lands-
bankanum og Jón Adólf Guðjónsson,
bankastjóri í Búnaðarbankanum,
sögðu báðir í samtali við Morgun-
blaðið í gærkvöldi, að þeir hefðu
ekkert á móti þessari nefndarskipan.
Talsverð samvinna hefði verið á
milli bankanna að undanfömu og
þeir væru því hlynntir að hún ykist.
Slík samvinna væri jákvæð og væri
*- gangi þrátt fyrir skipan nefndar-
innar. Bankamir myndu eiga aðild
að þessari nefnd og taka áfram þátt
í samstarfí og samræmingu.
Nefndin skal gera „rækilega at-
hugun á starfsháttum og uppbygg-
ingu ríkisbankanna tveggja með það
fyrir augum að koma fram er.durbót-
um í rekstri þeirra" og skal hún
m.a. fjalla um eftirfarandi atriði:
* Gera skal úttekt á útibúa- og
afgreiðslukerfí beggja bankanna í
því skyni að tryggja betri verkaskipt-
ingu og stuðla að því að útibú geti
með fækkun og sammna náð hag-
kvæmri stærð, án þess að dregið sé
úr eðlilegri þjónustu við einstök
byggðarlög. Stefnt verði að fækkun
afgreiðslustaða og betri nýtingu
mannafla og húsnæðis.
* Gerðar verði tillögur um hag-
kvæmni í rekstri, m.a. með því „að
bankamir tveir hafí samvinnu um
ýmiskonar sérhæfða þjónustu og
rekstur stoðdeilda, t.d. á sviði er--
lendra viðskipta.
* Kannaðar verði leiðir til að jafna
betur viðskipti milli bankanna
tveggja, bæði með tilliti til heildar-
útlánagetu og í því skyni að bæta
dreifingu útlána með tilliti til at-
vinnuvega og áhættu. í þessu skyni
séu bæði athugaðar leiðir til að flytja
viðskipti beint milli bankanna og
koma á samvinnu þeirra um útlán
og þjónustu við stóra viðskiptaaðila.
* Loks skal nefndin gera tillögur
um það, hveming megi koma föstu
skipulagi á samvinnu milli stjóma
bankanna tveggja, er stefni að fram-
angreindum markmiðum.
Nefndina skipi einn maður til-
nefndur af Seðlabanka, einn af
bankastjórn Landsbanka, einn af
bankastjóm Búnaðarbanka og tveir
tilnefndir af viðskiptaráðherra.
Sjá frásögn á þingsíðu bls. 33.
V esturlands veg-
ur í Norðurárdal:
Lægsta til-
boðið 5,5
milljónir
FJÓRTÁN verktakar gerðu til-
boð í lagningu versta slysakafl-
ans í Norðurárdal í Borgarfirði.
Um er að ræða 3 km veg, frá
Hvammsleiti að Sanddalsá og á
verkinu að Ijúka fyrir 10. júlí í
sumar.
Tilboðin voru opnuð í gær.
Lægsta tilboðið var frá Sigurði Vig-
fússyni á Tjamarfossi, 5.468.900
kr., sem er 93% af kostnaðaráætlun
Vegagerðarinnar sem hljóðaði upp
á 5.875 þúsund krónur. Fjögur til-
boð voru undir kostnaðaráætlun-
inni, en tíu yfir og var það hæsta
tæpar 8,5 milljónir kr.
Sjá frásögn á bls. 13
Framleiðslu-
rétturekki
minnkaður
- segir Jón Helgason
„ÉG hef lagt áherslu á að bænd-
ur fengju að jafnaði ekki minni
fullvirðisrétt en nú er,“ sagði Jón
Helgason landbúnaðarráðherra,
í ávarpi við setningu búnaðar-
þings í gær, er hann sagði frá
yfirstandandi búvörusamningum
ríkis og bænda.
Samninganefndir ríkis og bænda
hafa komið saman til fyrstu funda
vegna framlengingar samninga um
það magn kindakjöts og mjólkur
sem bændum er tryggt fullt verð
fyrir.
Sjá frásögn af setningu búnað-
arþings á blaðsíðu 32.
IBM-skákmótið:
Langþráð-
ur sigur
hjá Jóhanni
JÓHANN Hjartarson vann
Viktor Kortsnoj í 46 leikjum á
IBM-skákmótinu í gær. Hinum
íslensku skákmönnunum gekk
ekki eins vel og Nigel Short
fékk sinn 5. vinning í röð á
mótinu, nú gegn Helga Ólafs-
syni. Margeir Pétursson varð
að lúta' í lægra haldi fyrir
Timman en Jón L. Ámason
gerði stutt jafntefli við Port-
isch.
Nigel Short er efstur á mótinu
eftir 5 umferðir með 5 vinninga,
Timman er næstur með 4 vinn-
inga, næstir koma Kortsnoj,
Portisch, Polugaevski og Tal með
3 vinninga, Helgi og Jón L. með
2 vinninga, Agdestein, Ljubojevic
og Jóhann með 1,5 vinning og
Margeir með hálfan vinning.
í dag er frídagur á mótinu en
taflmennskan hefst aftur á mið-
vikudag klukkan 16.30 á Hótel
Loftleiðum.
Fréttir af IBM-mótinu og
skákskýringar em á bls. 58
og 59.