Lesbók Morgunblaðsins - 03.06.1989, Blaðsíða 16
B M 1 L A R
BMW 316i kostar liðlega 1.100 þúsund
krónur.
M 'y á
1 > 3$SSjjít 5 -H>'
BMW 316i
Uppfyllir vonir hinna kröfuhörðu
BMW-bílar hafa átt nokkuð sveiflukenndum vin-
sældum að fagna á íslandi á liðnum árum og
hefur verðþróunin Sennilega ráðið þar mestu.
Stundum hafa þeir náð góðri samkeppnisstöðu
við hliðstæða bíla en stundum hafa þeir orðið
að víkja. Vissulega hljóta tíska og sókn inn-
flytjenda á íslenskan markað að ráða hér
nokkru líka. Bílaumboðið hf. heitir núver-
andi innflytjandi BMW og hafa forráðamenn
þess alið með sér góðar vonir um aukna
markaðshlutdeild BMW. Með 316i sem við
skoðum hér í dag ætti það að vera raun-
hæfur möguleiki. Þama er um að ræða ijög-
urra strokka, rúmlega 100 hestafla bíl með
vökvastýri og fimm gíra sem kostar stað-
greiddur 1.130 þúsund krónur auk ryðvam-
ar og skráningar. Með öðrum orðum hér
býðst innihaldsríkur vagn sem stendur fýrir
sínu í flokki meðalstórra bíla. Vilji menn
stærri bfla er auðvelt að fikra sig upp eftir
BMW-línunni og stökkva á 500- eða 700-
bíiana en þá emm við farin að tala um verð
á bilinu 1,7 til 6,6 milljónir króna.
BMW 316i státar sig einkum af nýrri 1,6
lítra fjögurra strokka vél sem veitir 102
hestöfl og er með beinni innspýtingu. Hún
er tæknilega skyld 12 strokka vélinni sem
finna má í dýmstu útgáfum BMW (750i
sjálfskiptum) og er stjórnað af svokölluðu
Digital Motor Electronics. Skynjarar veita
upplýsingar um hita, um vélina og átak og
stjórna innspýtingunni og neistafluginu. Þá
er vélin hljóðlát og eyðslan sögð vera kring-
um 10 lítra á hundraðið í borgammferð en
fara allt niður undir 6 lítra á jöfnum 90 km
hraða.
Mælaborð sver sig í ættina.
Sportlegur
Segja má að engar stórbreytingar séu á
ferðinni hjá BMW hvað varðar ytra og innra
útlit bílsins. Framendi sem afturendi hafa
sömu einkenni og fyrr, mælaborðið kemur
kunnuglega fyrir sjónir en allt er samt orð-
ið með sportlegra yfirbragði en var. Línur
em mjúkar hið innra sem ytra og bíllinn er
í senn glæsilegur og látlaus.
Varla þarf að fjölyrða mjög um sætin og
þægindin hið innra. Ökumaður sem far-
þegar geta haft það gott og ekki er erfitt
í tvennra dyra bílnum að skjótast í aftursæt-
ið. Framstólamir renna auðveldlega það
langt fram með einu handtaki að menn eiga
auðvelt með að ganga um en vissulega
ættu menn þó að hugsa um að bæta við
þeim tæpu 50 þúsund krónum sem þarf til
að fá femra dyra bíl. Miðstöðin eða loft-
ræstikerfið er gott, hægt er að fá blásturinn
út á sjö stöðum og er miðstöðin fljót að
hita upp bílinn og trúlega jafn öflug við
kælingu þótt lítið hafi reynt á það í þessum
akstri.
Framleiðendur BMW hafa látið öryggis-
mál mikið til sín taka á liðnum ámm við
alla hönnun bíla sinna. Þannig staðhæfa
þeir nú að framendi 300-línunnar sé hannað-
ur þannig að við árekstur á allt að 50 km
hraða sé farþegarýmið óskemmt. Einnig er
bent á að fram- og afturstuðarar þoli hnjask
og færist í samt lag eftir högg á allt að
fjögurra km hraða. Það er kannski ágætt
að vita það þegar menn þurfa að ryðja sér
pláss í stæði!
Mjúkur akstur
Annars þarf ekki að hafa áhyggjur af
því að menn þurfi að ryðjast mikið í stæð-
in. Gott útsýni, hliðarspeglar og vökvastýrið
gera það að leik einum að leggja bílnum.
Það er raunar leikur einn að aka þessum
bíl hvar sem er og er óhætt að segja að það
á við flest svið akstursins. Hér er á ferðinni
kraftmikill bíll sem líður yfir holt og hæðir
á vegum úti um land í fjórða gír ef aðstæð-
ur leyfa ökumanni að halda ferðahraða (og
jafnvel fimmta ef verkast vill). Auðvitað
þýðir ekki að aka hugsunarlaust gegnum
þvottabretti í beygju á fullri ferð og ætlast
til að allt sé í lagi — hér þarf eins og í öll-
um bílum að sýna aðgát. En holóttur og
grófur vegur er annars ekki vandamál.
Hávaði frá vél, hjólbörðum og vegi er
ekki teljandi og ásamt mýktinni má segja
að BMW 316i sé einkar hentugur ferðabíll.
Farangursrými er allgott og ekki þarf að
endurtaka það sem áður sagði um góð sæti
og gott útsýni sem skiptir sköpum ætli
menn sér að aka langar dagleiðir. Hámarks-
hraðinn er gefinn upp 180 km sem dugar
vel við íslenskar aðstæður eins og við höfum
minnst á hér áður. Vélin gefur gott við-
bragð enda 102 hestöfl og bíllinn vegur lið-
lega eitt tonn. Þá má einnig hæla gírskipt-
ingunni og var eftirtektarvert hversu stöng-
in var vel staðsett — það var eins og hönd-
in væri alltaf komin á stöngina um leið og
eftir henni var leitað.
Sem fyrr segir kostar BMW 316i kr. 1.130
þúsund krónur miðað við staðgreiðslu. Sjálf-
skipti bíllinn kostar 1.238 þúsund krónur
staðgreiddur og hér er um tvennra dyra
bíla að ræða. Vilji menn taka þá femra
dyra þarf að greiða 47.500 kr. í viðbót og
er uppgefið verð fyrir utan ryðvörn og
skráningu.
Niðurstaða
BMW 316i má hiklaust telja góðan val-
kost sem meðal stóran fjölskyldubíl á þessu
verði. Hann fullnægir öllum venjulegum
kröfum til þægilegs aksturs í borg og bæ
sem úti á vegum og hann stendur líka fyrir
sínu fyrir þá sem gera annað og meira en
venjulegar kröfur. Ökumaður sannfærist
fljótt um að gripurinn sé vandaður og ljóst
er að kostimir yfirgnæfa gallana og spurn-
ing hvort gallarnir eru í raun og vem fyrir
hendl- JÓHANNES TÓMASSON
BMW 316i — nokkrar tölur: lengd
4,325 m, breidd 1,645 m, lengd milli
hj'óla 2,57 m, breidd milli framhjóla
l, 407 m, breidd milli afturhjóla 1,415
m, þyngd 1.065 kg, burðargeta 460
kg, burðargeta á toppi 75 kg, há-
markshraði 182 km/klst, strokkar
4, hestöfl 102, rúmtak 1596.