Morgunblaðið - 26.05.1998, Blaðsíða 12

12 B ÞRIÐJUDAGUR 26. MAÍ 1998
MORGUNBLAÐIÐ
Hið nýja sveitarfélag er nafn-
laust sem stendur en Austurríki
hlaut flestar tilnefningar í
skoðanakönnun meðal íbúa. Næst
á eftir völdu þeir nafnið Firðir.
„Það er ekki á hreinu hvaða lög
eiga að gilda um þessa nafngift.
Gömlu lögin banna heiti eins og
Austurríki og Firði. Hins vegar er
gert ráð fyrir því í sveitarstjórna-
lagafrumvarpi sem nú er til um-
ræðu að meira frelsi muni ríkja í
nafngift sveitarfélaga. Þar er gert
ráð fyrir þvi að sérstök nefnd fjalli
um hugmyndir að nöfnum og ég
geri mér ekki grein fyrir því hvor
muni gilda í okkar tilfelli, gömlu
lögin eða þau nýju verði frum-
varpið samþykkt," segir hann.
Smári segir að nafngiftin Aust-
urríki hafi upphaflega verið
græskulaust gaman. „Menn vildu
láta vita af sér með því að velja
þetta nafn. Við erum hér austast á
landinu og teljum að hér sé mjög
öflugt svæði,“ segir Smári Geirs-
son að endingu.
Magni Kristjánsson
D-lista
Hefur
, mikil áhrif
á nefnda-
störf
„VIÐ stefndum á að fá þrjá menn
inn en fengum tvo. Með því móti
misstum við afar hæfa konu úr
bæjarstjórn. Einnig hefur niður-
staðan mikil áhrif á nefndastarf,"
segir Magni Kristjánsson, oddviti
sjálfstæðismanna á Neskaupstað.
Jóhanna Hallgrímsdóttir var þriðji
maður á lista flokksins.
F-listinn hlaut 52,7% fylgi og
fékk sjö menn kjöma. „Nefnda-
kerfi bæjarins hefur verið ein-
faldað til muna og nú verða fimm
fimm manna aðalnefndir starfandi í
stað 40-45 nefnda. Nú erum við
bara fjögur í stjómarandstöðu á
móti sjö og því sé ég ekki betur en
að F-listinn fái fjóra af hverjum
fimm nefndarmönnum. Ef D-list-
inn hefði fengið þrjá fulltrúa
kjöma hefðum við náð einum
manni inn í hverja nefnd. Nú þarf
að skipta þessum sætum milli okk-
ar og framsóknarmanna. Þessi nið-
urstaða skiptir því mjög miklu máli
hvað varðar stjómsýslu á næstu
árum,“ segir hann.
Magni segir að ekki hafi verið
mikill ágreiningur milli listanna.
„Hins vegar er óravegur frá því að
um sameinað sveitarfélag sé að
ræða. Reyðarfjörður er mjög fjar-
lægur Neskaupstað, Eskifjörður
kannski aðeins nær. En þótt kosið
hafi verið um sameiningu er öll
vinnan eftir. Það á algerlega eftir
að reyna á hvemig tekst til. Maður
varð mjög var við það í þessari
kosningabaráttunni að um er að
ræða þrjá aðskilda staði,“ segir
Magni Kristjánsson loks.
Hornafjörður
Gísli Sverrir Árnason
H-lista
Stefndum
á fjóra og
tókst það
„ÉG GET ekki verið annað en
mjög ánægður. Við stefndum að
því að fá fjóra menn kjöma, sem
tókst,“ segir Gísli Sverrir Ámason,
oddviti Kríunnar, eða H-lista, í
Homafirði.
„Framsóknarflokkurinn stefndi
á fimm en fékk fjóra og Sjálf-
stæðisflokkur stefndi að fjómm
4 fulltrúum en fékk þrjá. Þannig að
BÆJAR- OG SVEITARSTJÓRNARKOSNINGAR 1998
við emm ánægð með okkar hlut,“
segir hann. Gísli bendir á að Krían
sé að ákveðnu leyti sigurvegari
kosninganna. „Við bættum mest
við okkur, förum úr 29% í 31% og
úr 333 atkvæðum í 414 og erum
því að auka mest við okkur, bæði
hvað varðar hlutfall og at-
kvæðatölu."
Gísli þakkar árangur listans
sterkum einstaklingum í átta efstu
sætunum sem athyglinni hafi helst
verið beint að. „Hins vegar lögðum
við fram mjög skýra og afdráttar-
lausa stefnuskrá án alls skrums.
Ég held að þetta hafi skilað okkur
því sem til var ætlast,“ segir hann
að endingu.
Hermann
Hansson B-lista
Mjög
viðunandi
niðurstaða
„NIÐURSTAÐA kosninganna er
mjög viðunandi fyrir framsóknar-
menn,“ segir Hermann Hansson,
efsti maður á lista Framsóknar-
flokksins í nýja sveitarfélaginu
Homafirði.
„Við bætum við okkur atkvæðum
og aukum fylgið í prósentum talið
og erum nokkuð ánægðir með það.
Atkvæðahlutfall okkar hér er
hærra en hjá Framsóknarflokkn-
um víða annars staðar og við get-
um því ekki annað en verið sáttir,"
segir hann.
Framsóknarflokkurinn hlaut
fjóra fulltrúa kjöma að þessu sinni
en þrjá í síðustu kosningum. „Við
hlutum 36,4% atkvæða í síðustu
kosningum og fáum 37,4% nú og er-
um því áfram stærsti flokkurinn,
þótt við hefðum keppt að því að fá
fimm fulltrúa kjörna. Flokkur okk-
ar er með mesta atkvæðamagnið á
bakvið sig og því tel ég að við eigum
að hafa frumkvæði í viðræðum,"
segir Hermann.
Fulltrúum í sveitarstjóm var
fjölgað úr níu í ellefu þegar Nesja-
hreppur, Höfn og Mýrarhreppur
sameinuðust í eitt sveitarfélag,
Homafjörð, fyrir fjórum árum og
að þessu sinni var kosið í sameinuðu
sveitarfélagi Homafjarðar-, Borg-
arhafnar-, Bæjar- og Hofshreppa.
Kosið var um nafn hins sam-
einaða sveitarfélags og vom flestir,
eða 81,23%, fylgjandi nafninu
Homafjörður.
Ragnar Jónsson
D-lista
11 at-
kvæðum
frá fjórða
manni
„ÉG HEFÐI gjarnað viljað ná inn
fjórða manninum, það munaði bara
11 atkvæðum,“ segir Ragnar Jóns-
son, 2. maður á lista Sjálfstæðis-
flokksins í Homafirði. Sjálfstæðis-
flokkurinn náði þremur fulltrúum
af 11 í sveitarstjórn hins sameinaða
sveitarfélags en var með þrjá af
níu eftir síðustu kosningar.
„Ut af fyrir sig er ég ekki
óánægður með atkvæðatöluna.
Fylgi okkar er gott og traust en við
hefðum viljað fá örlítið meira,“ seg-
ir hann. Sjálfstæðisflokkurinn fékk
30,9% atkvæða að þessu sinni og
segir Ragnar að fylgi flokksins hafi
verið um 33% í Homafirði í síðustu
sveitarstjómarkosningum.
H-listinn og D-listinn mynduðu
meirihluta eftir síðustu kosningar
og segist Ragnar telja að fylgi
Sjálfstæðisflokksins sé ekki jafn
mikið í minni hreppum hins nýja
sveitarfélags.
Vestmannaeyjar
Guðjón Hjörleifsson
D-lista
Mesti
atkvæða
„VIÐ eram mjög ánægðir með
okkar hlut því þetta er mesti at-
kvæðafjöldi sem við höfum fengið
og það þrátt fyrir að fækkað hafí
um 170 á kjörskrá," segir Guðjón
Hjörleifsson bæjarstjóri sem var í
fjórða sæti á lista Sjálfstæðis-
flokksins í Vestmannaeyjum.
„Þetta er líka í fyrsta skipti í
sögu flokksins sem við eram með
meirihluta þrjú kjörtímabil í röð.
Við eram að leggja verk okkar fyr-
ir kjósendur eftir átta ára stjómar-
setu og eram jafnframt með fram-
bærilegan og góðan lista,“ sagði
Guðjón.
Hann sagði menn hafa unnið vel
og vildi þakka stuðningsmönnum
vel unnin störf. „Við eram mjög
sáttir við þessa niðurstöðu og það
var óraunhæft að búast við að fá
fimmta manninn enda má heldur
ekki vera algjört einræði í þessu og
ágætt að fá aðhald frá hinum list-
anum.“
Þorgerður Jóhanns-
dóttir V- lista
Ánægð að
fá þriðja
manninn
„VIÐ erum mjög ánægð hjá Vest-
mannaeyjalistanum að fá þriðja
manninn inn, hefðum auðvitað
viljað ná fjóram en við tökum það
bara næst,“ sagði Þorgerður
Jóhannsdóttir, efsti maður listans.
„Við fengum mann frá klofn-
ingsframboði sjálfstæðismanna
sem var síðast og erum mjög
ánægð með það, höfum aukið fylgi
okkar um 10% og fjölgað bæjar-
fulltráum um 50%. Við unnum á
mjög heiðarlegan og málefnalegan
hátt. Vestmannaeyjalistinn var á
undan Sjálfstæðisflokknum með
stefnuskrá sína og við leiddum í
raun og vera stefnuvinnuna því
þeir fóru mikið inn á sömu þætti,“
sagði Þorgerður ennfremur.
Hún sagði málefnaágreining
listanna ekki mikinn, hann hefði
helst varðað það atriði að auglýsa
stöðu bæjarstjóra og fjármál at-
vinnulífsins. „Hér hlýtur að koma
blómleg byggð, íþróttahús og sam-
komuhús og annað sem lofað var,“
sagði Þorgerður einnig og kvað
fulltráa V-listans mundu vinna
markvisst í stjómarandstöðu
næstu fjögur árin.
Árborg
Sigríður Ólafsdóttir
Á-lista
Höldum
þriðja
manni
„MÉR líkaði þetta mjög vel. Þrátt
fyrir að það séu komin fram fjögur
framboð þá höldum við okkar
þriðja manni, sem ekki leit út fyrir
í skqðanakönnunum," sagði Sigríð-
ur Olafsdóttir, oddviti Árborgar-
listans, sem hlaut 27,6% atkvæða í
nýju sameinuðu sveitarfélagi og
þrjá bæjarfulltráa kjöma.
Aðstandendur Árborgarlistans
og sjálfstæðismenn hafa verið í
meirihlutasamstarfi og hélt meiri-
hlutinn velli. Aðspurð um framhald
samstarfsins sagði Sigríður að
þreifingar væra í gangi en ekkert
væri ákveðið. „Núverandi meiri-
hluti er ekki fallinn, við eram
áfram með sex fulltráa,“ sagði hún
og kvaðst ekki hafa séð nein teikn
um annað en að framhald yrði á
meirihlutasamstarfinu.
Ingunn Guðmunds-
dóttir D-lista
Sátt við að
tapa ekki
manni
„ÉG er sátt við að halda þremur
bæjarfulltráum vegna þess að
þama kom fram nýtt framboð, sem
enginn vissi svo sem fyrirfram
hvar mundi taka fylgi,“ sagði Ing-
unn Guðmundsdóttir, oddviti sjálf-
stæðismanna í Árborg. „Þannig að
ég varð mjög fegin að við skyldum
sleppa við að tapa manni, það var
ljóst að einhver mundi tapa
manni.“
Ingunn upplýsti í samtali við
Morgunblaðið á sunnudag að sjálf-
stæðismenn, sem hafa starfað með
félagshyggjuflokkunum í meiri-
hluta í bæjarstjórn Selfoss, hefðu
ákveðið að ganga til meirihluta-
viðræðna við framsóknarmenn í
sveitarstjóm hins sameinaða sveit-
arfélags. „Það era miklar breyting-
ar hér á listum og landslagið er allt
annað eftir að sveitarfélagið er
sameinað. Við þurfum að horfa yfir
allt svæðið, við Selfossbúar ráðum
því ekki ein. Það er erfitt að segja
að við séum að slíta meirihlutasam-
starfi því við verðum að h'ta til þess
að við sjálfstæðismenn höfum verið
í minnihluta á Stokkseyri og Eyr-
arbakka. Við megum ekki leyfa
okkur að horfa bara á eitt sveit-
arfélaganna í þessu samhengi."
Kristján Einarsson
B-lista
Missum
reyndan
mann
„ÉG VAR ekki ánægður að missa
reyndan mann úr bæjarstjóm. Við
voram með mann sem hefiir unnið
mikið og gott starf í veitumálum og
byggingamefnd á Selfossi og þetta
Z-framboð gerði að verkum að við
misstum manninn," sagði Kristján
Einarsson, oddviti framsóknar-
manna í Árborg.
Kristján sagðist hins vegar sátt-
ur við atkvæðahlutfallið því mjótt
var á munum, aðeins 26 atkvæði
skildu að lista framsóknarmanna
og Árborgarhstann sem hlaut 3
menn í bæjarstjóm.
„Það kemur mér veralega á
óvart að það var aðeins 81% kjör-
sókn; það era rámlega 700 manns
sem ekki koma á kjörstað,“ sagði
Kristján, sem sagði að vanalega
væri um og yfir 90% kjörsókn á
svæðinu.
Ólafur Grétar Ragn-
arsson Z-lista
Fólk
þreytt á
gömlu
flokkunum
ÓLAFUR Grétar Ragnarsson,
bæjarfulltrái Dizkólistans í Ár-
borg, er meðal yngstu bæjarfull-
tráa landsins eftir kosningamar,
19 ára gamall. Dizkóhstinn hlaut
17,3% greiddra atkvæða í sveit-
arfélaginu.
„Við bjuggumst við að ná einum
manni inn, þó að við fengjum 2 í
skoðanakönnuninni fannst okkur
það fullmikil bjartsýni fyrir nýtt
framboð en það er gleðiefni að ná
manni inn,“ sagði Olafur Grétar í
samtah við Morgunblaðið.
Hvaða skýringar hefur Ólafur
Grétar á þeim hljómgranni sem
Dizkólistinn fékk í sveitarfélaginu?
„Ætli fólk hafi ekki verið orðið
svohtið þreytt á gömlu flokkunum
og hafi viljað fá nýtt, ungt fólk inn.
Við eram með skýra og góða
stefnuskrá."
Hann sagði að Dizkólistinn
mundi halda uppi starfi á kjörtíma-
bilinu. „Við stefnum að því að
stofna félag í kringum þetta og
halda þessu gangandi," sagði hann.
Hveragerði
Gísli Páll Pálsson
L-lista
Óvænt
hve niður-
staðan var
afgerandi
„ÉG HAFÐI skynjað þetta að
vissu marki, en hversu afgerandi
niðurstaðan var kom mér á óvart,“
sagði Gísli Páll Pálsson, oddviti
hsta Bæjarmálafélags Hveragerð-
is, sem hlaut 50,5% greiddra at-
kvæða og hreinan meirihluta í
bæjarstjóm Hveragerðis.
Lista Bæjarmálafélagsins skipa
m.a. fyrrverandi bæjarfulltrúar
Sjálfstæðisflokksins í Hveragerði
sem reknir vora úr sjálfstæðis-
félagi bæjarins.
Gísli Páll sagðist aðspurður telja
að skýringin á niðurstöðunni segði
sig sjálf; „bæjarbúar treysta þessu
fólki, sem er í framboði fyrir
bæjarmálafélagið," sagði hann.
Einar Hákonarson
D-lista
Náttúru-
lega von-
brigði
„SVONA er lýðræðið, þetta era
náttúralega vonbrigði en þetta er
niðurstaðan og menn verða að
sætta sig við hana,“ sagði Einar Há-
konarson, oddviti D-lista Sjálf-
stæðisflokksins í Hveragerði, sem
hlaut 17% atkvæða og einn mann
kjörinn.
Miklar deilur hafa verið meðal
sjálfstæðismanna í Hveragerði og
klofningshsti sjálfstæðismanna í
bænum, L-hsti Bæjarmálafélags
Hveragerðis, hlaut 4 menn kjöma
og hreinan meirihluta í bæjarstjóm.
Aðspurður um skýringar á út-
komu Sjálfstæðisflokksins sagði
Einar Hákonarson að Sjálfstæðis-
flokkurinn hefði alltaf haft mikið
fylgi í Hveragerði en L-listinn
hefði tekið 1-2 menn af H-lista
vinstri manna í bænum. „Þannig að
allt lausafylgi í Hveragerði hefur
sópast til þeirra.“
Hann sagði í sjálfu sér ekki und-
arlegt að fylgi sjálfstæðisflokkslist-
ans í Hveragerði væri minna en
fylgi flokksins nokkurs staðar ann-
ars staðar í þéttbýh á landinu. „Það
er ekkert undarlegt vegna þess að
þarna er um klofningsframboð að
ræða frá Sjálfstæðisflokknum.
Þarna hafa átt sér stað miklar deil-
ur, sem ég hef ekki komið að en get
ekki séð betur en séu milli persóna
frekar en að þær snúist um
málefni," sagði Einar.