Börn og menning - 01.04.2004, Blaðsíða 9
Samspil mynda og texta
7
fyrir það sem koma skal. Textinn fellur að
myndbyggingu hverrar opnu fyrir sig og
stendur vel út úr mislitum grunnum.
Næsta opna er gott dæmi um það
hvernig texti og myndir geta fléttast saman
(sjá mynd 2). Eggið veltur út á götu,
rétt í þann mund sem bleikmálaður og
sármóðgaður strætisvagn kemur akandi.
Það drynur í vagninum að hann sé bíll en
ekki auglýsingaskilti. Er víð skoðum myndina
nánar sjáum við að á hlið strætisvagnsins
eru myndir af hænu, kjúklingi og brotnu
eggi (það sýnir okkur hvað gæti komið fyrir
aðalpersónu sögunnar, eggið). Síðan er
auglýsingatexti eins og „Bezt bleik egg",
„Bezt bragðlaus og bleikur kjúlli". Framan
á vagninum stendur svo leið 3 Eggholt -
Hreiðurás.
Eggið veltur eftir gangbraut, framan við
fúllyndan strætisvagninn, út af síðunni hægra
megin. Svona rúllar það svo áfram í gegnum
bókina og á hverri opnu er einhver leikur
með eggið. Það fellur inn í myndirnar og við
þurfum að leita að því vegna þess að það
líkist einhverju öðru. Á einni opnunni kastar
götuleikari því á loft og það svífur í boga með
mislitum boltum. Á annarri opnu er verið að
matreiða egg á mismunandi vegu og síðan
líkist eggið sápulöðri, skallanum á skáldi,
golfbolta og gorkúlum svo eitthvað sé nefnt.
En svo lendir eggið í miklum háska er stór
svartur hrafn kemur fljúgandi inn á opnu frá
hægri. Undankomuleið eggsins lokast og við
skynjum hættuna. Hrafninn grípur eggið og
ætlar að gefa ungum sínum gómsætan bita.
Hann flýgur með eggið í átt að kirkjuturni.
Á næstu opnu sjáum við þrjá gráðuga unga,
kirkjuklukkur, rautt kirkjuþakið og þrjá krossa
( bakgrunni. Þessi opna er mjög táknræn,
við erum að komast að leiðarlokum,
feigðin kallar og staðan er tvísýn. En eggíð
er útsjónarsamt, segir eggjabrandara og
hrafninn hlær og missir eggið. Á næstu
opnu skoppar það niður stiga (sjá mynd 3)
og er myndbyggingin á þeirri opnu dæmi
um það hversu vel höfundurinn þekkir miðil
sinn. Fyrir neðan stigann til hægri bíður
kötturinn með gapandi ginið. Rauð tunga
hans kallast á við rautt kirkjuþakið. Undir
kettinum er appelsínugulur stígur sem liggur
út af opnunni ofarlega til hægri en kötturinn
lokar leiðinni. Eggið er á hreyfingu niður
tröppurnar, niður í svart kok villikattarins sem
er innrammað með beittum tönnum hans.
Textinn á vinstri síðu situr á nýmáluðum
hvítum grunni og málningarfatan og stiginn
segja okkur þá sögu.
Á næstu opnu fáum við svo að sjá hvað
gerist. Eggið brotnar í tvennt og unginn
þenur út vængina. Hann flýgur yfir höfuð
kattarins yst til hægri út úr opnunni og inn
á heiðan himininn á næstu opnu. Bókin
byrjar á drungalegri senu og lýkur á bjartri
opnu sem nær inn á bakspjald bókarinnar og
unginn syngur „Láttu þig bara dreyma".
Textinn á bakkápu bókarinnar „Eggið er
óskabók allra unnenda góðra myndabóka"
á vel við. Bókin er sterk heild og fallega
hönnuð. Myndir og texti vinna vel saman
að því að miðla ferðasögu eggsins á
eftirminnilegan hátt.