Lesbók Morgunblaðsins - 04.01.1997, Blaðsíða 2

Á leió i lausamennsku
tónleikanna, sem eru bæði „dæmigerð tenóra-
lög“ og „önnur hugljúfari lög“, eru upprunn-
in þar um slóðir.
Gunnar segir alltaf spennandi að syngja á
ljóðatónleikum enda „er viss kúnst að syngja
Ijóðið". „Því miður fá söngvarar sem eru að
hasla sér völl í heimi óperunnar hins vegar
allt of fá tækifæri til að syngja ljóðatónlist
— menn hafa hreinlega hvorki tíma né efni
á því fyrr en þeir eru orðnir háttskrifaðir."
Gunnar talar hins vegar um ljóðið sem
eitt af sínum helstu hugðarefnum og vonast
því til að geta einbeitt sér meira að því sviði
söngsins í framtíðinni. Og jákvæð teikn eru
á lofti. „í seinni tíð hef ég haft meira svig-
rúm til að sinna hugðarefnum mínum utan
óperunnar," segir söngvarinn sem er um
þessar mundir fastráðinn við óperuna í Lyon
í Frakklandi, „en þegar ég var á samningi í
Wiesbaden í Þýskalandi vann ég svo mikið
að ég hafði mjög sjaldan tíma til að gera
eitthvað annað en syngja í óperusýningum."
Morgunblaóið/Árni Sæberg
JÓNAS Ingimundarson og Gunnar Guðbjörnsson bjóða upp á efni úr ýmsum áttum í Gerðubergi á morgun.
Gunnar Guóbjörnsson á Ljóóatónleikum Geróubergs
VISS KÚNST
AÐ SYNGJA LJÓÐIÐ
„ÞAÐ ÆTTU allir að fínna eitthvað við sitt
hæfi á þessum tónleikum sem samanstanda
af sígildri ljóðatónlist 19. og 20. aldar og
hefðbundnum ítölskum tenóralögum," segir
Gunnar Guðbjörnsson tenórsöngvari sem
verður í sviðsljósinu ásamt Jónasi Ingimund-
arsyni píanóleikara á Ljóðatóneikum Gerðu-
bergs á morgun, sunnudag, kl. 17.00.
Tónleikamir hefjast á nokkrum ljóðum
eftir Beethoven, „svona til að taka úr okkur
skrekkinn", svo sem Gunnar orðar það, en
því næst tekur við ljóðaflokkurinn Dichter-
liebe, eða Ástir skáldsins, eftir Schumann,
sem söngvarinn kallar eitt af hans bestu
verkum — eins konar „tregablandna ijóða-
samsuðu".
Að loknu hléi kemur röðin að fjórum lögum
eftir franska 20. aldar tónskáldið Lili Bou-
langer úr fiokknum Clairieres dans le ciel.
Boulanger þessi lést langt um aldur fram en
skildi þó eftir sig nokkuð af tónsmíðum, þar
á meðal fyrrnefndan ljóðaflokk sem Gunnar
segir að svipi nokkuð til Ásta skáldsins, þó
um nútímalegri tónsmíð sé að ræða. Annars
segir söngvarinn að margir minnist tón-
skáldsins einkum sem yngri systur Nadiu
Boulanger sem náði háum aldri og var læri-
móðir margra af þekktustu tónskáldum
heims. Ferð Gunnars og Jónasar um evrópsk-
ar sönglendur lýkur síðan á Ítalíu en lokalög
Samningur Gunnars við óperuna í Lyon
rennur út í sumar og verður hann ekki end-
urnýjaður. „Það eru miklar sviptingar í
franska óperuheiminum um þessar mundir og
sem sakir stendur hef eg ekki áhuga á að
fara á fastan samning. Ég er með næg verk-
efni fram á næsta leikár, meðal annars í Par-
ís og Lille, auk þess sem ýmislegt er í farvatn-
inu. Ég kvíði því ekki lausamennskunni.“
Gunnar hefur þó í mörg horn að líta áður
en hann segir skilið við Lyon, mun meðal
annars hljóta eldskírn sína í hlutverki Rodol-
fos í La Boheme Puccinis í maí, þar sem hin
nafnkunna söngkona Barbara Hendricks
verður jafnframt í áhöfn. „Þetta er tvímæla-
laust stærsta óperuhlutverk sem ég hef tek-
ist á hendur til þessa, þannig að þetta verð-
ur mikil eldraun. Það er líka umtalsverður
heiður að fá að syngja með söngkonu á borð
við Barböru Hendricks enda fær maður ekki
slíkt tækifæri nema maður sé talinn geta
staðið undir því.“
Af öðrum verkefnum sem Gunnar á í
vændum má nefna hlutverk í Töfraflautu
Mozarts í Toulouse í lok þessa mánaðar, þar
sem „valinn maður verður í hveiju rúmi“, tvö
lítil hlutverk í Don Carlos eftir Verdi í Lyon
og lítið en „krefjandi" hlutverk í Electru eft-
ir Strauss sem sýnd verður í fornum róm-
verskum rústum í hlíðunum fyrir ofan Lyon
á sumri komanda.
En hvenær verður söngvarinn næst á
heimaslóð? „Ég kem að líkindum heim í sum-
arfrí í ágúst og reikna með að syngja eitt-
hvað þá. Síðan hef ég hug á að syngja Vetr-
arferðina eftir Schubert hér heima næsta
vetur og vonandi getur það orðið fyrir ára-
mót, þar sem tvö hundruð ár eru liðin frá
fæðingu tónskáldsins á þessu ári.“
Snorri Sigfús Birgisson frumflytur píanókonsert sinn
VITAMINSPRAUTA
AÐ VERA BEÐINN UM
AÐ SEMJA SVONA VERK
SNORRI Sigfús Birgisson tónskáld og
píanóleikari verður í stóru hlutverki á nýárs-
tónleikum Sinfóníuhljómsveitar Norður-
lands í Glerárkirkju á morgun, sunnudag,
kl. 17.00 en hann mun þá frumflytja glænýj-
an píanókonsert sem hann samdi að beiðni
hljómsveitarinnar. Er verkið tileinkað aðal-
stjórnanda hennar, Guðmundi Óla Gunnars-
syni.
Sinfóníuhljómsveit Norðurlands kostar
kapps um að panta tónverk eftir íslenskt
tónskáld einu sinni á ári. Hafa Haukur Tóm-
asson, Atli Ingólfsson og Hróðmar Sigur-
björnsson fengið að spreyta sig til þessa en
nú er röðin sem sé komin að Snorra.
„Á þessum örfáu árum sem Sinfóníu-
hljómsveit Norðurlands hefur starfað hefur
hún verið hvati að samningu fjögurra tón-
verka sem er ómetanlegt framlag til ís-
lensks tónlistarlífs," segir Snorri og bætir
við að hann eigi vart orð til að lýsa hrifn-
ingu sinni af framtakinu sem sýni mikinn
skilning á menningarlífinu. „Það er alls
ekki sjálfgefið að svona mikill metnaður,
velvilji og bjartsýni sé til staðar í ekki stærra
byggðarlagi en Akureyri."
„Það er algjör vítamínsprauta að vera
beðinn um að semja svona stórt tónverk
og ég var því í góðu skapi allt síðasta ár,“
heidur Snorri áfram en hann hripaði fyrstu
nóturnar á blað í byijun ársins og lauk
raddskriftum endanlega á öðrum degi jóla.
„Það er alltaf gaman að fást við gefandi
verkefni ekki síst þegar maður er að vinna
fyrir aðiia sem lítur listina jafn jákvæðum
augum og Sinfóníuhljómsveit Norðurlands.
Það hlýtur að vera ómetanlegt fyrir Norð-
lendinga að eiga slíka hljómsveit. Þá kann
ég Eimskipafélagi íslands jafnframt bestu
þakkir en það styrkti verkefnið að hluta.“
Á tónleikunum skipa hljómsveitina um
fimmtíu hljóðfæraleikarar undir stjórn Guð-
mundar Ola Gunnarssonar en flestir eru
þeir nemendur, kennarar og fyrrverandi
nemendur við Tónlistarskólann á Akureyri.
Píanókonsertinn mun Snorri leika á nýjan
Steinway-konsertflygil „af stærstu og bestu
gerð“, svo sem hann kemst að orði, en
hann var nýverið keyptur í bæinn. „Það er
mikill heiður að fá að spila á þennan flygil,
sem mér skilst að Akureyringar hafi allir
Iagst á eitt til að kaupa, en hann mun gjör-
breyta allri aðstöðu til tónleikahalds í bæn-
um.“ Formleg vígsla hljóðfærisins fer fram
síðar.
Þess má að auki geta að skammt er stórra
högga á milli hjá Snorra því hann mun flytja
konsertinn á nýjan leik þann 30. þessa
Morgunbloðió/Kristinn
„ÞAÐ er alls ekki sjálfgefið að svona mikill metnaður, velvilji og bjartsýni sé tii staðar
í ekki stærra byggðarlagi en Akureyri," segir Snorri Sigfús Birgisson.
mánaðar á tónleikum Sinfóníuhljómsveitar
íslands í Háskólabíói.
Á tónleikunum í Glerárkirkju á morgun
verða jafnframt flutt Áttunda sinfónía
Ludwigs van Beethovens og tvær svítur
eftir Igor Stravinskí.
2 LESBÓK MORGUNBLAÐSINS ~ MENNING/LISTIR 4. JANÚAR 1997