Lesbók Morgunblaðsins - 28.09.1991, Blaðsíða 9

28. SEPTEMBER 1991
Frá fjallaslóðum Himalaya í Nepal.
Filipus með Tamang-fólki í Himalaya-
fjöllum.
Tveir karlar af Tamang-þjóðflokki í
Nepal.
Himalaya, Sahara
og Fiallabaksleið
Hvað gefur jóla-
og nýársferð til
búddatrúar-
lands?
k
Sjayambunat, tíbönsk stúpa.
Philippe Patay hét maðurinn
áður og er franskur að upp-
runa. Nú er hann íslenski ríkis-
borgarinn Filipus Pétursson
sem á og rekur ferðaskrifstof-
una „Islenskar fjallaferðir“ og
auglýsir Himalayalönd og
Fjallabaksleið í sömu setningu.
— Hvernig tengir Filipus ísland
við Himalayalöndin?
„Þegar ég fékk íslenskan ríkis-
borgararétt fór ég með íslenska
fánann upp á tindinn „Island
Peak“ á landamærum Tíbets og
Nepals, við Himalayafjöll og kom
honum þar fyrir. Eg vildi tengja
þessi sérstæðu fjallalönd saman
með ferðalögum.
Á „verksmiðju“ og „togara“
Hér heima á íslandi stofnaði
ég ferðaskrifstofuna íslenskar
fjallaferðir árið 1985. Og þegar
ég varð leiður á að bíða eftir
frönskum ferðamönnum til ís-
lands, stofnaði ég Comptoir d’Is-
lande úti í Frakklandi. Islenskar
fjallaferðir er „verksmiðjan" okk-
ar hér, en Comptoir d’Islande
„togarinn" okkar úti sem á að
„vejða“ ferðamenn til íslands.
Eg er búinn að skipuleggja um
40 ferðir til Kenýa, Tíbet, Ind-
lands, Sahara og Nepals. Áður
var ég í þessum ferðum um 5
mánuði yfir veturinn. En núna á
ég íslenska fjölskyldu og get ekki
verið eins mikið fjarverandi. Ég
vil samt ekki festast í skammdeg-
inu hérna og fer því í gamla starf-
ið mitt að hluta aftur. Mig langar
mikið til að kynna þessi lönd fyr-
ir Islendingum alveg eins og
Fjallabaksleið.
Jóla- og nýársferð til Nepal
— Hvers vegna jólaferð til
Búddatrúarlands?
„Á íslandi er auðvelt líf og
margir eru á viliigötum," segir
Filipus. „Og við erum alltaf að
fjarlægast náttúruna eins og aðr-
ar Vesturlandaþjóðir. Því hættir
okkur til að gleyma hvað plánetan
er stór og lífsbaráttan hörð í
mörgum þjóðlöndum.
Það er gott fyrir íslendinga að
komast í tengsl við ein'lægt og
stolt fólk sem er ennþá í nánum
tengslum við náttúruna, eins og
Nepalbúar sem afneita vestrænni
menningu. I raun miklu auðveld-
ara fyrir Islendinga að kynnast
fólki þar heldur en t.d. Frökkum.
Þessir fjallabúar eru mikið í
heimspekilegum hugleiðingum
sem fellur vel að hugsunarhætti
margra Islendinga sem vilja
gjarnan kynnast Búddisma nánar.
En til þess gefst tækifæri í þess-
ari ferð.
Þjóðlíf i Nepal er eins og á
miðöldum. Alls staðar má sjá fólk
með holdsveiki. Spegilmynd af
íslensku þjóðfélagi fyrr á öldum.
íslendingar eru dálítið hræddir við
skítinn. Auðvitað er skítugt, en á
móti kemur geysilega litríkt og
áhugavert mannlíf.
— Hvað er mikilvægast?
Á Vesturlöndum er allt sótt-
hreinsað og pakkað inn í plastum-
búðir. Við borðum sjaldan beinar
náttúruafurðir eins og fólkið
þarna. Við eigum allt, en samt
vantar okkur eitthvað í mannleg-
um samskiptum sem við getum
fundið hjá þessu fátæka fólks.
Auðvitað eru Nepalbúar bláskín-
andi fátækir og það er auðvelt
að deyja þarna. En óvíða er betra
samband milli manna. Ef þú eign-
ast vin í Nepal gleymir hann þér
Gurung-krakkar í fjallaþorpi í Nepal.
Kona breiðir úr hrísgrjónum á götu í
Kathmandu.
aldrei, en bíður eftir að
þú komir aftur — allt
sitt líf. Kveðjan Nam-
asti, „vertu velkomin",
hljómar alsstaðar á móti
þér í Nepal.
Hugsunarháttur ís-
lendinga er að breytast
í sambandi við ferðalög.
Áður stefndu allir að-
eins á sólarferðir. Nú
vilja fleiri og fleiri kom-
ast á mjög framandi
slóðir, eins og til Nep-
als. I fyrra fór ég með
íslendingahóp á úlföldum yfir
Sahara-eyðimörk og þeir voru
mjög ánægðir.
Islendingar eru tilbúnir í allt á
ferðalögum. Þeir vilja hjálpa til
og skemmta sér saman. Ekki eins
og margar þjóðir sem hugsa fyrst
og fremst um að fá góða þjónustu.
Ég vil ráðleggja öllum sem
hyggja á ferðir til þessara fram-
andi landa að vera vandlátir í
ferðavali. Ferðaúrvalið er mikið
og það finnast ferðaskrifstofur
sem flytja ferðamenn í alltof stór-
um hópum á þessar slóðir.
Umgangist villtu dýrin með
varúð
í Kenýa eru a.m.k. 30 ferða-
menn drepnir árlega, vegna þess
að þeir hætta sér of nálægt dýrun-
um og eftirlit er ekki nægilega
gott. Um þetta er lítið talað.
Kannski sjáið þið ósköp sætt ljón
sofandi sem ykkur langar til að
læðast að og mynda. En þetta
sakleysislega dýr er stórhættu-
legt, getur stokkið skyndilega upp
og drepið þig. Eins eru vísundar
mjög varasámir. Margir saman í
hóp eru ekki hættulegir, en einir
saman eru þeir lúmskir og með
mikið drápseðli og hætta yfirleitt
ekki fyrr en þeir ná feng sínum.“
Jólaferðin er frá 13. desember
til 5. janúar. Hámark þátttak-
enda 10-12. Verð kr. 180.000.
Oddný Sv. Björgvins.