Morgunblaðið - 29.05.1990, Blaðsíða 9

MORGUNBLAÐIÐ, ÞRIÐJUDAGUR 29. MAI 1990
C 9
Sigurður Jónsson, oddviti
sjálfstæðismanna í Vest-
mannaeyjum:
Þurfum að ná
niður skuld-
um bæjarins
SIGURÐUR Jonsson, efsti maður
á lista Sjálfstæðisflokksins í Vest-
mannaeyjum við bæjarstjórnar-
kosningarnar, segir að á
kjörtímabilinu verði lögð áhersla
á að ná niður skuldum bæjarins.
Beðið hafi verið um milliuppgjör
vegna stöðu bæjarsjóðs og niður-
stöður þess kunni að kalla á end-
urskoðun á rekstri bæjarins og
framkvæmdum á vegum hans.
Sjálfstæðismenn fengu hreinan
meirihluta í bæjarstjórn Vest-
mannaeyjum í kosningunum.
Flokkurinn fékk 53,77% atkvæða
og sex bæjarfulltrúa og bætti þar
með við sig tveimur fulltrúum. Sig-
urður Jónsson segir að þakka megi
þessi úrslit góðum undirbúningi
sjálfstæðismanna og málefnalegri
gagnrýni þeirra á stjórn vinstri
manna í bænum á undanförnu
kjörtímabili.
Ýmsir aðrir þættir hafi haft
áhrif; til dæmis hefðu vinstri menn
gert þau mistök í kosningabarátt-
unni að draga í efa, að sjómaður í
baráttusæti sjálfstæðismanna ætti
erindi í bæjarstjórn. Jafnframt
hefðu alþýðubandalagsmenn ekki
staðið undir þeim væntingum, sem
til þeirra voru gerðar á síðasta
kjörtímabili vegna félagsmála og
skólamála. Þá hefðu kjósendur
greinilega tekið meira mark á mál-
flutningi sjálfstæðismanna en tals-
manna fráfarandi meirihluta varð-
andi fjárhagsstöðu bæjarins.
Sigurður segir, að sjálfstæðis-
menn hafi nú beðið um milliuppgjör
vegna ijármála bæjarins en hugsan-
lega þurfi að endurskoða ýmislegt
í rekstri og framkvæmdum bæjar-
ins. Meðal annars að auka eftirlit
með framkvæmdum og hafa betra
skipulag á röð framkvæmda, auk
þess sem ástæða væri til að fjölga
útboðum vegna framkvæmda á
vegum bæjarins.
Sigríður Stefánsdóttir, odd-
viti Alþýðubandalagsins:
Ánægð með
að halda
fulltrúum
okkar
„Okkur tókst að halda tveimur
bæjarfulltrúum inni, eins og við
höfðum áður og eruin auðvitað
ánægð með það. Miðað við þá
stöðu sem uppi var í bænum þá
var spurningi sú hvort við héld-
um okkur fulltrúum inni og það
tókst, en hins vegar vilja menn
alltaf meira, “ sagði Sigríður Stef-
ánsdóttir, í efsta sæti Alþýðu-
bandalagsins.
„Aður en fyrstu tölur korpu var
spenningurinn mestur varðandi það
hvað nýju framboðin fengju, hvort
Kvennalisti og eða Þjóðarflokkur
kæmu að manni og þá hvort það
hefði í för með sér að við misstum
annan fulltrúa okkar. Ég varð frek-
ar undrandi á því hvað Kvennalist-
inn fékk fá atkvæði, mér finnst það
merkilegt hvað þær ná litlum ár-
angri og finnst ekki fráleitt að þær
endurmeti að einhveiju leyti sínar
baráttuaðferðir í kvenfrelsisbarát-
tunni og hvaða aðferðir eru bestar
til að fá konur meira inn í stjórnmál-
in. Þetta leiðir hugann að því hvaða
aðferðir eru bestar til að tryggja
að konur taki þátt í stjórnmálum
og hafi áhrif. Annað sem einnig
vakti athygli mína er að sú sjálf-
stæðisbylgja sem búið var að spá á
landsvísu kom ekki hingað," sagði
Sigríður Stefánsdóttir.
Sigurður J. Sigurðsson,
efsti maður á lista
Sjálfstæðisflokksins:
Gerðum okk-
ur vonir um
fimm menn
„Við höfðum gert okkur vonir
um að ná iimmta manni inn í
bæjarstjórn, en úrslitin reyndust
önnur, við fengum fjói'a menn
kjörna,“ sagði Sigurður J. Sig-
urðsson efsti maður á lista Sjálf-
stæðisfokksins til bæjarstjórnar-
kosninganna á Akureyri.
„Það, sem alvarlegast er í þessu,
er að Alþýðuflokkurinn fékk ein-
ungis einn mann en hafði þtjá, sem
gerir það að verkum að áframhald-
andi meirihlutasamstarf er ekki
lengur mögulegt. Það verður því
að leita nýrra leiða til að mynda
meirihluta á Akureyri, en það starf
er ekki hafið.“
Sigurður sagði einnig athyglis-
vert hversu dræm kjörsóknin hefði
verið og slæmt að fólk nýtti ekki
þennan dýrmæta rétt sinn, ýmist
til að hafa áhrif til breytinga eða
til að staðfesta það sem fyrir er.
Gísli Bragi Hjartarson,
oddviti alþýðuflokksmanna
á Akureyri:
Sigruðum
síðast, töp-
um núna
„Það er ekki hægt að segja að
við séum beinlínis ánægð, en
þetta gengur svona, við sigruðum
síðast og töpum núna,“ sagði
Gísli Bragi Hjartarson, efsti mað-
ur á lista Alþýðuflokks á Akur-
eyri, en flokkurinn fékk einn
mann kjörinn — hafði þrjá síðast.
„Þegar maður lítur yfir sviðið f
heild, sýnist mér að hvarvetna þar
sem atvinnumál voru sett á oddinn
hafi meirihlutinn fallið, sama hveij-
ir skipuðu hann. Einnig virðist mér
sem efnahagsumhverfíð í landinu
og það atvinnuleysi sem verið hefur
hafi komið niður á okkur. Þá get
ég líka nefnt að meirihlutanum var
kennt um það sem hefur verið að
gerast hjá Alafossi og Sambandinu,
en á þeim vettvangi gerðum við
allt sem á okkai' færi var.“
Gísli Bragi sagðist óska sigur-
vegurunum til hamingju, en kratar
myndu ekki láta deigan síga, heldur
blása til nýrrar sóknar. „Ég tel
okkur hafa sannað það með veru
okkar í síðustu bæjarstjórn, að við
vorum gott afl og ég vona að næsti
meirihluti, hver sem hann vei'ður,
muni áfram vinna að þeim mála-
flokkum sem við unnum að, bygg-
ingu félagslegra íbúða, álmálinu,
íþróttamálum og öldrunarmálum
svo eitthvað sér nefnt.“
Úlfhildur Rögnvaldsdóttir,
oddviti Framsóknarflokks-
ins á Akureyri:
Okkurer
treyst fyrir
forystu í
bæjarmálum
„VIÐ erum ákaflega glöð yfír
úrslitunum," sagði Ulfhildur
Rögnvaldsdóttir, sem skipaði
efsta sætið á lista Framsóknar-
flokksins. Flokkurinn fékk fjóra
fúlltrúa kjörna í bæjarstjórn, en
hafði tvo síðast.
„Það er greinilegt að fólk treyst-
ir okkur til að hafa forystu í bæjar-
málum og fyrir það erum við afar
þakklát, við erum þakklát fyrir
þann mikla stuðning sem við hlutum
í þessum kosningum. Hópurinn sem
stóð að B-listanum vann mjög vel
saman og við fundum mikinn með-
byr, en úrslitin fóru samt fram úr
okkar björtustu vonum. Við bæjar-
stjórnarkosningarnar 1986 töpuð-
um við einum fulltrúa og við stefnd-
um að og vonuðumst til að vinna
hann aftur, en það að fá fjóra bæj-
arfulltrúa fór fram úr okkar björt-
ustu vonum,“ sagði Úlfhildur.
Valdimar Pétursson, oddviti
á lista Þjóðarflokksins:
Hefði kosið
önnur úrslit
„Ég liefði kosið að úrslitin hefðu
orðið önnur, en hins vegar erum
við tiltölulega ánægð með okkar
gengi. Við vorum þarna að etja
kappi við gamla og gróna flokki,
sem sumir hverjir virtust hafa
ótakmarkaða fjármuni til að
kosta baráttuna, en það höfðum
við ekki,“ sagði Valdimar Péturs-
son efsti maður á lista Þjóðar-
flokksins.
„Úrslitin komu mér í sjálfu sér
ekki á óvart, ég var ekki sérlega
bjartsýnn á að við næðum inn
manni. Það sem kom mér hins veg-
ar á óvart var það að um 30% kjós-
enda sátu heima á kjördag og einn-
'ig skil ég engan veginn þetta góða
gengi Framsóknarflokksins, það er
alveg lokuð bók fyrir mér.“
Valdimar sagði að það fólk sem
tekið hefði þátt í störfum Þjóðar-
flokksins myndi hittast á næstu
vikum og ræða framhaldið og á
hvern hátt haga ætti baráttunni
fyrir næstu kosningar. Kosninga-
baráttuna nú kvað hann hafa verið
heldur leiðinlega, að sínu mati,
gömlu flokkarnir hefðu ekki haft
neitt nýtt fram að færa, en stagl-
ast á sömu gömlu lummunum. Þjóð-
arflokkurinn hefði verið málefna-
legur og þá hefðu menn hrópað:
úlfur. úlfur.
Morgunblaðið/Sigurgeir
Nýi sjálfstædismeirihlutinn í Vestmannaeyjum kom saman til fundar á sunnudag til að fara yfir stöð-
una, þeir eru f.v.: Ólafur Lárusson, Georg Þór Kristjánsson, Sigurður Jónsson, Bragi I. Ólafsson, Sigurð-
ur Einarsson og Sveinn Valgeirsson.
„Við erum ekki óánægð með úrslit-
in, síður en svo og mig langar til
að færa öllu því fólki þakkir sem
studdi okkur og vann fyrir okkur
fyrir þessar kosningar," sagði Sig-
urður J. Sigurðsson.
Valgerður Magnúsdóttir,
oddviti á Kvennalistanum:
Áttum von á
betra gengi
„Við urðum óneitanlega fyrir
vonbrigðum, við áttum von á
betra gengi en raun varð á og
það hafa margir haft á orði að
þeir séu hissa á að við skyldum
ekki fá meira og það segir mér
að töluvert af okkar fylgi hafi
ekki skilað sér á kjörstað,“ sagði
Valgerður Magnúsdóttir sem
skipaði efsta sæti á Kvennalistan-
um.
„Ég er enn trúuð á að við eigum
meira fylgi en sem þessu nemur.
Við munum taka mið af þessum
úrslitum i okkar vinnu á næstunni.
Við vorum reiðubúnar til að axla
þá ábyrgð að vinna innan stjórn-
kerfis bæjarins, en í ljósi úrslitanna
munum við vinna sem virkir borgai'-
ar og vonumst til að sjá sem flesta
þá sem kusu okkur í því starfi.“
Valgerður sagði að mikill hugur
væri í konum, fyrir lægi undirbún-
ingu fyrir alþingiskosningar, auk
hátíðarhalda 19. júní vegna 75 ára
afmælis kosningaréttar kvenna.
„Við ætlum okkur alls ekki að
leggja upp laupana, við erum
reynslunni ríkari eftir þessar kosn-
ingar og það sem við erum auðvitað
mjög ánægðar með, er að hafa tek-
ið þátt í þessari baráttu og verið
með,“ sagði Valgerður Magnúsdótt-
ir.
Minna fylgi sameiginlegra
framboða en flokkanna áður
NY SAMEIGINLEG franiboð í kaupstöðum fengu í flestum tilvikum
minna fylgi í kosningunum á laugardag, en flokkarnir sem að þeim
standa fengu i kosningunum 1986, þegar þeir buðu fram hver í sínu
lagi. í tíu kaupstöðum, þar sem sameiginleg framboð komu fram,
töpuðust bæjarfulltrúar í fimm, fúlltrúatala var óbreytt í Qórum og
í einum vannst fulltrúi. Fylgistap sameiginlegu framboðanna var í
flestum tilvikum svipað í prósentum talið og fylgisaukning Sjálfstæð-
isflokksins á hverjum stað.
í Reykjavík stóðu Alþýðuflokkur
og hluti Alþýðubandalags að Nýj-
um vettvangi ásamt fleirum. Nýr
vettvangur og G-listi fengu 7,5%
minna fylgi og einum borgarfull-
trúa færra en A- og G-Iisti saman-
lagt í kosningunum 1986. Fylgis-
aukning Sjálfstæðisflokksins nam
7,8% sem dugði til að vinna einn
fulltrúa.
Á Seltjarnarnesi stóðu vinstri
menn að N-lista Bæjarmálafélags-
ins. Sá listi fékk einum bæjarfull-
trúa færra en listar Framsóknar-
flokks og Alþýðubandalags saman-
lagt fyrir íjórum árum. Fylgisaukn-
ing Sjálfstæðisflokks nam 3,9% og
dugði til að vinna einn fulltrúa.
I Garðabæ stóðu Alþýðubanda-
lag og Framsóknarflokkur að E-
lista ásamt fleirum. Sá listi fékk
7,7% minna fylgi nú, en B- og
G-listi fengu 1986 og einum bæjar-
fulltrúa færra. Fylgisaukning Sjálf-
stæðisflok^s nam 14,3% og dugði
til að vinna einn fulltrúa.
í Mosfellsbæ var E-listi borinn
fram af Alþýðuflokki, Framsóknar-
flokki og Álþýðubandalagi. Sá listi
fékk 9,8% minna fylgi nú en A-,
B- og G-listar fengu samanlagt
1986. Fjöldi bæjarfulltrúa er
óbreyttur. Fylgisaukning Sjálf-
stæðisflokks nam 10%.
I Stykkishólmi var borinn fram
einn listi gegn Sjálfstæðisflokki,
H-listinn. Hann fékk 24,1% minna
fylgi nú, en Alþýðuflokkur, Alþýðu-
bandalag, Félagshyggjumenn og
Kvennalisti fengu samanlagt við
síðustu kosningar og einum bæjar-
fulltrúa færra. Fylgisaukning Sjálf-
stæðisflokks nam 16,1% og dugði
til að vinna einn fulltrúa.
í Bolungarvík fékk F-listinn nú
19,7% minna fylgi en Framsóknar-
flokkur, Alþýðubandalag og Óháðir
fengu samanlagt 1986. Fulltrúa-
tala er óbreytt. Fylgisaukning
Sjájfstæðisflokks nam 11,6%.
Á Siglufirði kom nú fram F-listi
Óháðra og fékk 5,1% meira fylgi
en Alþýðubandalagið 1986, en
G-listi var ekki borinn fram nú.
F-listi fékk einum fulltrúa fleira
en G-listinn hafði. Sjálfstæðisflokk-
ur tapaði 1,1% fylgi.
Á Dalvík komu fram þijú ný
framboð, H-listi framsóknar-
manna, N-listi Jafnaðarmanna og
F-listi Fijálslyndra. Samanlagt
fylgi H- og N-lista nú var 11,5%
minna en sameiginlegt fylgi Al-
þýðubandalags og Framsóknar-
flokks 1986 og einum bæjarfulltrúa
færra. F-listinn fékk nú 13,5% og
einn mann. Sjálfstæðisflokkur tap-
aði fylgi sem nam 2%.
Á Seyðisfirði buðu Alþýðubanda-
lagsmenn fram tvo lista 1986, G
og S, og Alþýðuflokkur bauð fram
A-lista. Enginn þessara var boðinn
fram nú, en nýr listi, T-listi Tinda
fékk 6,5% minna fylgi nú, en hinir
þrír 1986. Tala bæjarfulltrúa þeirra
er óbreytt. Fylgisaukning Sjálf-
stæðisflokks nam 1,5%.
Á Selfossi sameinuðust Alþýðu-
flokkur, Alþýðubandalag og
Kvennalisti um K-listann nú. Hann
fékk 11,5% minna fylgi en A-, G-
og V-listar fengu samanlagt 1986.
Tala bæjarfulltrúa þeirra er
óbreytt. Þá kom fram F-listi
Óháðra og fékk 8,5%, engan mann
kjörinn. Fylgisaukning Sjálfstæðis-
flokksins nam 10,5%.
í nokkrum kaupstöðum voru
áfram boðnir fram sameiginlegir
listar sem einnig voru í kjöti 1986.
Þar á meðal H- og K-listar á
Blönduósi, samanlagt fylgi þeirra
varð nánast það sama nú og fyrir
fjórum arum og fulltrúatala
óbreytt. Á Ólafsfirði tapaði H-listi
lítillega fylgi, fulltrúatala er
óbreytt. Á Egilsstöðum tapaði H-
listi 3,1% og hefur áfram einn
mann. Á Höfn í Hornafirði jók
H-listi Kríunnar við fylgi sitt um
tæp 2% og hefur áfram 3 bæjarfull-
trúa. í Hveragerði jók H-listinn við
fylgi sitt um 11,1%, sem nægði til
að vinna mann og fella meirihluta
Sjálfstæðisflokksins, sem tapaði
þessu'hlutfalli nú.
í Ólafsvík var borinn fram L-
listi óháðra, auk lista stóru flokk-
anna. L-listinn bætti við sig 7,3%
og hefur áfram einn mann. A Sauð-
árkróki er K-listi Óháðra auk stóru
flokkanna. K-listinn tapaði tæpu
prósenti í fylgi og lieldur sínum
fulltrúa.