Heimili og skóli - 01.10.1983, Síða 22

22
Hans Jörgen Gjessing
Hagnýtar upplýsingar
um lestregu
Leiðbeiningar handa foreldrum I
Hvað eru lestrar- og skriftarörðugleikar
og hvernig þekkjast þeir?
Guðrún Sigurðardóttir
þýddi
I. Aðstoð frá foreldrum er mikilvæg
Samvinna
Nú til dags er lögð aukin áhersla á samvinnu
heimilis og skóla um nám barnsins. Sú
samvinna þarf þóað veraenn meiri þegarum
lestreg börn er að ræða. Þeirra vegna þarf
samvinnan að vera hagnýt og oft til fleiri ára.
Lestregir nemendur geta fengið góða
hjálp í skólanum bæði hjá bekkjarkennara og
sérkennurum sem hafa sérstaka þekkingu á
lestrar- og skriftarörðuleikum.
Bekkjarkennari hefur marga nemendur
sem hann þarf að taka tillit til og þess vegna
oft lítinn tíma til að veita hverjum og einum
alla þá hjálp sem hann þarfnast. Stuðnings-
kennari tekur því oft lestrega nemendur í
einn eða fleiri tíma á viku.
Reynslan sýnir að lestregirnemendurgeta
tekið miklum framförum ef þeim er veitt
sérstök aðstoð og nemandinn sjálfur finnur
að hann hefur gagn af henni (fær áhuga).
Rannsóknir og reynsla hafa aftur á móti sýnt
að mörgum lestregum nemendum fer aftur
þegar þessari hjálp lýkur.
Því miður er fjárveiting til stuðnings-
kennslu oft skorin við nögl og mörg börn
þyrftu miklu meiri hjálp en þau fá.
Fast skipulag samvinnu
Ef aðstoðin á að vera áhrifarík og varanleg
verður að koma á skipulagðri samvinnu milli
heimilis og skóla. Slíksamvinnagæti orðiðtil
þess að lestregir nemendur fái þann
mannlega og námslega stuðning sem þau
þurfa til að sigrast á erfiðleikum sínum.
Stuðningur og hjálp foreldra, í samvinnu við
starfslið skólans, getur þess vegna haft
afgerandi áhrif á jákvæða þróun mála.
Foreldrar hafa flestir sterka löngun til að
hjálpa börnum sínum. Það er mikilvægur og
góður grundvöllur. Þess verður þó að gæta
að leggja ekki of hart að barninu. Skammir
og nöldur hafa þveröfug áhrif við það sem
þeim er ætlað. Ekki má heldur búast við
skjótum og miklum árangri. Tíminn einn
getur hjálpað.
Það er hlutverk skólans að hjálpa börnum
með námsörðugleika en skólinn veldur ekkí
því hlutverki einn. Við verðum að hjálpast að.
Þess vegna ráðleggjum við foreldrum barna
með lestrar- og skriftarörðuleika að starfa
með skólanum eins mikið og mögulegt er til
að hjálpa börnum sínum. Með góðri aðstoð
og leiðbeiningum frá skólans hálfu geta allir
foreldrar tekið að sér þá hjálp sem heimilíð
getur veitt.