Lesbók Morgunblaðsins - 18.08.1990, Page 12

Farangvrsrýmið er þokkalega gott en kannski tæplega
nógu djúpt.
Ford Sierra hefur ekki tekið miklum breytingum en stærri vél og vökvastýri breyta miklu.
*»
Kraftmeiri
ogléttari
FORD
SIERRA
Ford Sierra 2,0 GLXi.
Sierra frá Ford hefur ekki tekið stór-
kostlegum breytingijm frá því hann kom
fyrst á markað fyrir allmörgum árum.
Sierra er afturdrifínn fólksbíll af rúm-
lega meðalstærð, rúmgóður fímm
manna bíll. En þó breytingamar hafi
kannski ekki verið miklar em þær þó
þýðingarmiklar því hann er nú kominn
með kraftmeiri vél og fáanlegur með
vökvastýri sem er mikil framför. Við
skoðum í dag Sierra GLXi með tveggja
lítra vél en í stuttu máli má segja að
þetta sé röskur og skemmtilegur bíll í
alla staði.
ord Sierra hefur næsta
hefðbundið eða íhalds-
samt útlit enda má segja
að honum sé ætlað að
sinna ákveðnum markaði
bflakaupenda, þeim sem
ekki þurfa og vilja ekki
sportlegt útlit eða neina
framúrstefnu. Öll horn eru ávöl og mjúkar
línur einkenna bílinn allan hringinn. Aðal-
ljósin að framan eru stór og lítið rými er
því eftir fyrir grillið. Ná ljósin út á horn
og aðeins aftur með og það sama er að
segja um stuðara að framan sem aftan.
Neðarlega á hliðum er listi sem skilur að
aðallit bílsins frá grárri klæðningu.
Góðar stillingar
Að innan er bíllinn rúmgóður og þægi-
legur. Sætin eru allgóð og auk þess að
hafa allar venjulegar stillingar er hægt að
hækka og lækka sæti ökumanns. Er það
tvímælalaust góður kostur og ætti í raun
að vera svo á öllum bílum því ökumenn
eru misjafnlega háir í sæti. En þótt allir
Mælaborð er vel búið.
þessir kostir séu fyrir hendi verður sjálf-
sagt aldrei of brýnt fyrir ökumönnum að
koma sér almennilega fyrir undir stýri,
stilla allt sem hægt er að stilla eins og
þeim hæfir best því aðeins þannig geta
þeir látið sér líða vel við aksturinn. Stýrið
er einnig stillanlegt og það er lítið og fer
vel í höndum ökumanns. Útispegla má
stilla með armi að innan.
Frágangur á öllu innan stokks er vand-
aður. Menn fá það einhvern veginn á til-
fínninguna að allt sé traust og öruggt.
Hólf eru innan á framhurðum, vasar á
baki framsætanna, hanskahólf á sínum
stað og lítil skál í stokknum milli fram-
sæta. Mælaborð hefur að geyma þessa
venjulegu mæla og til hliðar eru miðstöðv-
arstillingar og rými fyrir útvarp og veit
sá hluti mælaborðsins aðeins að öku-
manni. Gírstöng er á stokknum milli fram-
sæta og mætti hún alveg vera nær öku-
manni eða haerri.
Margar útgáfur
Ford Sierra er fáanlegur í mörgum útg-
áfum með 1600, 1800 eða 2000 rúmsenti-
metra vélum frá 80 til 125 hestafla. Bíllinn
verður vitaskuld skemmtilegastur í akstri
með stærstu vélinni, þar eru bæði viðbragð
og vinnsla með besta móti. Þá er hann
fáanlegur tvennra, fernra eða fimm dyra
eða sem stationbíll. Staðgreiðsluverð án
ryðvarnar og skráningar er frá um 1.100
þúsund krónum upp í 1.520 þúsund en það
er verðið á GLXi með tveggja lítra vél-
inni. Hann er einnig búinn rafstýrðum
læsingum og rafdrifnum rúðum í framhurð-
um.
Sierra er 4,47 m langur, 1,69 m á breidd
og 1,40 m hár. Hann vegur 1.095 kg og
ber 455 kg til viðbótar, er með 60 lítra
bensíntank og á 14 þumlunga felgum.
Hámarksraðinn er sagður 195 km á
klukkustund og eyðslan frá 6 til rúmlega
9 lítrar á hundraðið eftir aðstæðum.
Sem fyrr segir er Sierra GLXi með
tveggja lítra vél kraftmikill og viðbragðss-
nöggur bíll. Þessi rúmlega meðalstóri
fólksbíll virkar fremur stór og mikill í
akstri og er á þann hátt traustvekjandi.
Ökumanni finnst hann vera með verklegt
tæki í höndum. Þrátt fyrir það er hann lip-
ur og auðveldur í meðförum. Útsýni er
gott og svo vel fer um ökumann að það
er nánast ekkert sem angrar hann og eng-
ir smágallar sem trufla að minnsta kosti
við stutta viðkynningu. Kraftmikil vélin er
hljóðlát og viðbragð hennar gott og vinnsla
einnig. Bíllinn er fimm gíra og vinnslan
það góð að ekki þarf að hræra alltof mikið
í skiptingunni þegar ekið er úti á vegum.
Fjöðrun er mjúk og bfllinn er rásfastur
jafnvel á malai-vegum og stýrið nákvæmt
og því ekki þörf á miklum hreyfingum við
stjórn bílsins.
Niðurstaðan er sú að Ford Sierra er
vandaður bíll og hentar þeim sem ekki eru
að hlaupa eftir tískufyrirbrigðum heldur
vilja traustan bíl og venjulegan bíl sem
getur þjónað daglegri notkun. Sierra er
lipur í borgarumferð og hann er þægilegur
í þjóðvegaakstri og rúmgóður til ferðalaga.
jt