Lesbók Morgunblaðsins - 13.09.1953, Qupperneq 3
LESBÓK MORGUNBLAÐSINS
505
fræðslu samkomum, sem enginn,
er sótti, var ósnortinn af. Hann
beitti þingfylgi sínu og lagni til
þess að afla félaginu styrkja til
tilraunastarfsins, og hann mun haf a
átt manna mestan þátt í því að
Ræktunarfélagið var gert að bún-
aðarsambandi. Hann var sívökull
um hag félagsins og hugsjónir. —
Hann lagði því ást sína á íslenzk-
um byggðum, þekkingu sína á ís-
lenzkri náttúru og umbótavilja
hins óhvikula framfaramanns, sem
í senn sér, hvað gera þarf og veit
ráðin til framkvæmdanna.
tjp
Yngstur þeirra þrímenninganna
var Sigurður Sigurðsson, skóla-
stjóri. Svo má kalla, að hið athafna-
mikla lífsstarf hans í þágu ís-
lenzkra búnaðarmála, sé að hefjast
með stofnun Ræktunarfélags Norð-
urlands. Svo vildi til, að báðir
hinir eldri frumherjarnir höfðu að
nokkru greitt götu hans til undir-
búnings störfum hans. Hann hafði
dvalizt með Stefáni á Möðruvöll-
um um skeið og numið af honum
náttúruvísindi, einkum grasafræði,
en ekki þætti mér ósennilegt, að
Möðruvalladvölin hefði eigi síður
orðið Sigurði drjúgur skóli í þá átt
að skerpa sýn hans á þörfum ís-
lenzks landbúnaðar, og því hversu
nátengd landbúnaðurinn og vísind-
in væru. Síðar fékk Páll Briem
augastað á Sigurði, er hann tók að
svipast um eftir manni, sem treyst-
andi væri til að taka stjórntauma
hins endurbætta og' breytta Hóla-
skóla. Honum var það fyllilega
ljóst, að til þess að skólinn fengi
náð tilgangi sínum og takmarki,
var það ekki eitt nóg að forystu-
maður hans væri lærður búfræð-
ingur, heldur þyrfti hann einnig að
vera gæddur eldmóði áhugamanns-
ins, og hafa hæfileika til að hrífa
og vekja ekki síður en til að fræða.
En slíkur maður var Sigurður Sig-
urðsson.
Enginn vafi er á því, að hug-
myndin um stofnun Ræktunarfé-
lagsins varð til í höfði Sigurðar
Sigurðssonar, hvort sem hann kann
að hafa ráðgazt við hina eldri
stuðningsmenn sína eða ekki áður
en hann gerði hugmynd sína heyr-
in kunna. Það varð hans hlutverk
að leggja grundvöllinn að megin-
starfi félagsins, tilraunastöðinni, og
vinna þar fullkomið brautryðj-
andastarf, þar sem tilraunastarf-
semi mátti heita óþekkt hér á landi,
og þreifa varð sig fram fet fyrir
fet, og reisa allt frá grunni. Hér
er ekki tóm til að reka þá tilrauna-
starfsemi nánar, enda sýna merkin
hér umhverfis oss það betur en
nokkur orð.
Störf Sigurðar Sigurðssonar í
Ræktunarfélagi Norðurlands urðu
að nokkru leyti eldvígsla hans til
þeirra margháttuðu starfa, sem
hann átti eftir að vinna fyrir ís-
lenzkan landbúnað. Menntun hans
var undirbúningur að þeim störf-
um, og starfsemin í Tilraunastöð
Ræktunarfélagsins varð sá bak-
hjarl, er hann hafði við að styðj-
ast, er störf hans færðust yfir á
víðari vettvang en í Ræktunar-
félaginu og Hólaskóla. Ég þarf ekki
að rekja hér öll hin margháttuðu
Störf Sigurðar Sigurðssonar, en um
gifturíkan árangur þeirra olli áreið-
anlega mestu sá eldhugi, er hann
hafði hlotið í vöggugöf, og sú
dirfska að leggja ótrauður á nýjar
brautir, sú festa, að hvika aldrei
frá því máli né starfi, er hann áleit
réttast ásamt óbilandi starfsþreki
og starfsvilja.
^ ^*
Ef vér skyggnumst hér í kring-
um oss, ber fyrir sjónir fagurlaufg-
uð tré, blómskrýdda garða og gróin
tún. Allt eru þetta sýnilegir ávextir
af því brautryðjendastarfi, er þeir
þrímenningarnir hófu hér fyrir 50
árum. Þar er oss sýnt í verki hversu
unnt er:
Gróandann hæna inn á haga
og harðvöll en lyngflétta brún,
og handleiða björk upp í börðin
en barrvið í holdýjaskörðin,
eins og skáldið segir. En hitt fáum
vér ekki séð né á þreifað, hverju
starfsemi þeirra hefur orkað á hug-
ina. Hve marga þeir hafa vakið og
hvatt til dáða, hve mörgum þeír
hafa aukið bjartsýni og þrótt til
framkvæmda með störfum sínum
og stuðningi. Hversu þeir hafa
ræktað hugi samtíðarinnar. En því
trúi ég fastlega að þar hafi sprottið
eígi óveglegri gróður en sá, er vér
lítum hér umhverfis oss.
Ég leyfi mér fyrir hönd Ræktun-
arfélags Norðurlands og þjóðarinn-
ar allrar, að þakka þessum braut-
ryðjendum störf þeirra. Og jafn-
framt óska, að andi þeirra og hug-
sjónir megi lifa og dafna með þjóð
vorri. Þá mun henni val farnast.
Blessuð sé minning þeirra.
Steindór Steindórsson
frá Hlöðum.
z:
★ CHURCHILL ★
★ TEKINN í GUÐATÖLU ★
AUSTUR í Indokína er trúflokkur, og
nefna þeir sig Caodaista. Er trúflokkur
þessi 30 ára gamall og er stofnaður af
lögreglumanni frá Vietnam, sem hafði
fengið alls konar vitranir. Trúarbrögð-
in eru sambland af andatrú, kaþólsku
og Búddisma. Hafa þeir kosið sér þrjá
dýrlinga, eða öllu heldur tekið þrjá
menn i guðatölu, og eru það þeir Victor
Hugo, franska skáldið, Sun Yat Sen
stofnandi kínverska lýðveldisins og
Nguyen Binh Kniem skáld frá Indo-
kína. Og nú eru þeir að taka fjórða
manninn í guðatölu og er það Winston
Churchill, enda þótt hann sé enn á
lífi.
★★★★★★