Árbók Landsbókasafns Íslands - Nýr flokkur - 01.01.1982, Síða 104

104
LANDSBÓKASAFNIÐ 1981
LAGNING Ákveðið var fyrr á árinu að lillögu bygg-
HORNSTEINS ingarnefndar Þjóðarbókhlöðu að leggja
ÞJÓÐARBÓKHLÖÐU hornstein bókhlöðunnar 23. september, á
740. ártíðardegi Snorra Sturlusonar, en þann sama dag fyrir 75 árum
lagði Hannes Hafstein hornstein að Safnahúsinu við Hverfisgötu.
Nú skal lýst stuttlega athöfninni miðvikudaginn 23. september 1981.
Hún hófst kl. 2 e. h. með því, að hljómlistarmennirnir Lárus Sveins-
son og Jón Sigurðsson blésu upphafsstef úr „Island farsælda frón“.
Að svo búnu flutti Finnbogi Guðmundsson, formaður bygging-
arnefndar, ávarp, bauð gesti velkomna og þakkaði öllum þeim, er
komið heíðu bókhlöðumálinu og byggingunni sjálfri á þann rekspöl, er
raun bæri vitni.
Þá flutti Ingvar Gíslason menntamálaráðherra ræðu, rakti gang
mála frá upphafi, harmaði fyrri tafir, en kvaðst nú vona, að unnt yrði
að halda byggingarframkvæmdum hiklaust áfram úr þessu.
Að máli ráðherra loknu gekk Vigdís Finnbogadóttir, forseti Islands,
fram, tók við blýhólki úr hendi formanns byggingarnefndar og kom
fyrir í vegg þeim, er fyrir verður á vinstri liönd, þegar komið er inn í
safnið á annarri hæð, inngönguhæð þess. Forseti árnaði með nokkrum
orðum bókhlöðunni og þeim, er þar ættu hlut að máli, allra heilla.
Formaður byggingarnefndar afhenti forseta nú að gjöf og til minja
áletraða silfurmúrskeið, smíðaða af Bárði Jóhannessyni gullsmið.
Þessu næst var afhjúpuð marmaraplata sú, er síðar verður komið
fyrir á fyrrnefndum vegg, og er birt mynd af henni á kápu þessarar
Arbókar. Um texta plötunnar er það að segja, að Hafsteinn Guð-
mundsson valdi letur og skipaði textanum á leturflötinn, en leturgröft
annaðist Steinsmiðja Sigurðar Helgasonar í Kópavogi.
í blýhólkinum er skýrsla Finnboga Guðmundssonar lands-
bókavarðar og Einars Sigurðssonar háskólabókavarðar um Þjóðar-
bókhlöðu, viðbúnað og byggingarframkvæmdir frá upphaft til
haustsins 1981, en skýrsla þessi er birt í Árbók þessari. Ennfremur
voru að venju sett í blýhólkinn sýnishorn frímerkja og myntar, sem í
gildi eru, og loks hluti teikninga bókhlöðunnar, en arkitektar hennar
eru Manfreð Vilhjálmsson og Þorvaldur S. Þorvaldsson og ráðunautur
Hcnry Faulkner-Brown arkitekt frá Newcastle.
Að athöfninni lokinni voru bornar fram á staðnum veitingar í boði
menntamálaráðherra.
Landsbókasafni, 23. september 1982,
Finnbogi Guðmundsson.