Árbók Landsbókasafns Íslands - Nýr flokkur - 01.01.1982, Side 82

82
ÞJÓÐ ARBÓK H LAÐ A
í framhaldi af tillögum bókasafnsnefndarinnar v'ar að forgöngu
menntamálaráðherra samþykkt á alþingi 29. maí 1957 svohljóðandi
þingsályktunartillaga.
Alþingi ályktar:
1. að sameina beri Háskólabókasafn Landsbókasafni eins fljótt og
unnt er á næstu árum, þannig að Landsbókasafn verði aðalsafn, en í
Háskólabókasafni sé sá þáttur starfseminnar, sem miðast váð hand-
bóka- og námsþarfir stúdenta og kennsluundirbúning og rann-
sóknir kennara;
2. að fela ríkisstjórninni að gera nauðsynlegar ráðstafanir í þessa átt;
3. að nú þegar verði svo náið samstarfupp tekið milli Landsbókasafns
og Háskólabókasafns sem við verður komið að áliti forráðamanna
þeirra og hliðsjón höíð af væntanlegri sameining safnanna.
I júní 1966 skipaði Gylfi f*. Gíslason menntamálaráðherra enn nefnd
„til að athuga, hversu málum vísindalegra bókasafna verði skipað hér
á landi til frambúðar, þ. á nt. um tengsl Háskólabókasafns og Lands-
bókasafns“. I nefndinni áttu sæti Björn Sigfússon háskólabókavörður,
Finnbogi Guðmundsson landsbókavörður og Birgir Thorlacius ráðu-
neytisstjóri, sem var formaður nefndarinnar. Nefndin skilaði áliti síðla
sumars 1966 og mælti eindregið með því, að þingsályktunartillögu um
sameining safnanna frá 1957 yrði framfylgt og bókasafnshús reist í
næsta nágrenni við Háskólann.
Hinn 24. sept. 1966 skipaði menntamálaráðherra svokallaða há-
skólanefnd „til þess að semja áætlun um þróun Háskóla Islands á
næstu tuttugu árum“. I skýrslu nefndarinnar, sem birt var í september
1969, segir m. a. svo um bókasafnsmál: „Háskólanefnd tekur eindregið
undir þær hugmyndir, sem fram hafa komið, um nauðsyn þess að
tengja saman eftir því sem auðið er Landsbókasafn og Háskólabóka-
safn. Verður afl þeirra safna sameinaðra ólíkt meira en tveggja lítilla
safna og vanmegnugra“ (73. bls.). - Er hér í rauninni lýst tilgangi
hinna nýju laga um Landsbókasafn Islands, er samþykkt voru vorið
1969, að því er tekur til þeirrar sameiningar kraftanna, sem stefnt er að.
Ymsir aðilar utan safnanna létu um þessar mundir málefni þeirra til
sín taka, svo sem Félag íslenzkra fræða, fulltrúaráð Bandalags há-
skólamanna o. fl. Umræður um þau á alþingi síðla árs 1967 leiddu til
þess, að stofnaður var Byggingarsjóður safnhúss með litlu byrjunar-
framlagi. Sjóður þessi var síðar kallaður Byggingarsjóður Þjóðar-
bókhlöðu.