Árbók Landsbókasafns Íslands - Nýr flokkur - 01.01.1982, Page 6

6
SKRÁ UM DOKTORSRITGERÐIR ÍSLENDINGA
bera doktorsnafnbót fyrir magistersritgerð sína. Rétt þótti að láta
Þorleiffljóta með, þar eð hann var enn á lífi, þegar Grími var veitt þetta
leyfi.
I öðru lagi er einn doktor enn kunnur fiestum Islendingum, sem
þekkja nokkuð persónusögu 19. aldar, og mundi þeim finnast undar-
legt, ef hann væri eigi hér í röð. Er það Olafur Stefánsson Gunnlaugs-
son (1831-1894), ritstjóri í París ogfrændi Gröndals. En þótt leitt séfrá
að segja, reyndist ómögulegt að hafa upp á ritgerðartitli hans. Gerði
ritari háskólans í Louvain leit í bókum háskólans og fann það að vísu,
að Ólafur hafði varið ritgerðina og verið veitt nafnbótin, en hvergi tókst
að finna titil. Verður því að nægja að vitna í Gröndal, þar sem hann
segir í Dægradvöl (Benedikt Gröndal [Sveinbjarnarson], Ritsafn. 4. b.
Rv. 1953,457. bls.): „ÓlafurdispúteraðifyrirdoktorsnafnbótíLöwen,
og var ætlazt til, að ég gerði það líka, en ég nennti því aldrei, ég var
ekkert gefinn fyrir þess konar. Prófið, sem Ólafur tók var eitthvert hið
lélegasta, sem hugsazt gat, einhver þýðing úr Herodot, og hitt þar
eftir.“
Viðbótin 1964—1980 er öll verk Ó. F. H.
Alls eru á skrá 408, sem hljóta doktorsnafnbót við 124 háskóla í 15
löndum. Skipting eftir löndum er eins og hér segir: Bandaríkjunum 81,
Þýzkalandi 74, íslandi 53, Englandi 49, Danmörku 45, Svíþjóð 39,
Skotlandi 27, Noregi 16, Frakklandi 9, Kanada 5, Sviss 4, Austurríki 2,
Belgíu 2, Spáni 1 og Chile 1.
Aðalskránni er raðað í stafrófsröð eftir höfúndum. A eftir titli er skýrt
frá vörn eða viðurkenningu og síðan greint frá nafni háskóla. I efnis-
skrá er ritgerðunum skipað í 50 flokka, sem raðað er í stafrófsröð eftir
heitum þeirra. Aftan við titil er tilgreint, hvaða ár ritgerð var varin eða
viðurkennd. Síðast er greint frá aldursröð doktora.
Það er vitanlega ekki með vilja gert að fella neinn undan. Einkum er
erfitt að afla upplýsinga um óprentaðar doktorsritgerðir. Það væri
þakksamlega þegið að fá fregnir af doktorum frá þessu tímabili,
1964—1980, ef lesendur sakna einhvers eða einhverra, sem ættu að vera
í skránni. Einungis er kunnugt um eitt nafn, Björn Leví Björnsson, sem
vantaði í skrána 1666-1963.
Að lokum skal þeim mörgu þakkað, sem fúslega hafa gefið greið svör
við fyrirspurnum og jafnframt gefið fróðlegar upplýsingar um starfs-
bræður sína. Þökk sé þeim, sem hafa sent Landsbókasafni doktorsrit-
gerðir sínar að gjöf.