Dagblaðið Vísir - DV - 05.11.1994, Blaðsíða 18
18
LAUGARDAGUR 5. NÓVEMBER 1994
Dagur í lífi Jónasar Ingimundarsonar píanóleikara:
Undirbúningur fyrir
átakið Tónlist fyrir alla
Eg vaknaði að venju um klukkan
7 og að loknum hefðbundnum morg-
unverkum bjó ég mig undir daginn.
Fyrst á dagskrá þessa dags var fund-
ur klukkan 8.30 með Kjartani Má,
skólastjóra Tónlistarskólans í Kefla-
vík. Það hafði snjóað og varaö var
við hálku á Reykjanesbrautinni svo
ég bjó mig í snatri til brottferðar. Ég
var svo heppinn að hafa látið yfirfara
bílinn, búa hann undir veturinn -
stilling, vetrarhjólbarðar o.fl. - svo
ég dreif mig í jakkann og út í bíl.
Þar komst ég að því að vindlaust
var á einu hjóh og sá mig knúinn til
átaka við óvænt ástand. Ég er nú
ekki maður mikilla afreka í verkleg-
um framkvæmdum en skipti um
dekk að því er mér fannst á mettíma
og mætti í Keflavík réttstundis.
Fundað með
Suðurnesjamönnum
Við Kjartan áttum gagnlegt spjail
og fórum í kjölfar þess í heimsókn í
alla skóla Keflavíkur og Njarövíkur
svo og íþróttahús til að kanna að-
stæður vegna áhuga Suðumesja-
manna á þátttöku í tónlistarkynning-
arátaki því sem gengur undir sam-
heitinu Tónlist fyrir alla. Að loknum
góðum móttökum á hverjum staö
hélt ég til baka, kom við í Gerðu-
bergi, átti þar stutt erindi og tjá-
skipti við fólk. Kom við heima í
Kópavogi í hádeginu.
Klukkan rúmlega 13 var stuttur
fundur í Háskólabíói hjá Sinfóníu-
hljómsveit íslands vegna þátttöku
hennar í Tónlist fyrir alla í Kópa-
vogi, á Selfossi, Akranesi og nú hugs-
anlega einnig í Grindavík, Keflavík
og Njarðvík.
Tónleikaferð til
útlanda undirbúin
Ég kom heim um klukkan 14 og
hitaði mér kafTi og leit í Morgunblað-
ið. Settist um 15 mínútum síðar við
hljóðfærið þar sem ég sit löngum
stundum. Æfði mig til klukkan 17.40.
Ég er að undirbúa hluti sem vonandi
líta dagsins ljós í Kópavogi eftir ára-
mótin og þarf mjög að halda á spöð-
unum. Otímabært er að'tjá sig um
þaö frekar að sinni, sinni bara vinnu
minni. Á döfinni er einnig tónleika-
ferð í lok nóvember til Sviss og Spán-
ar.
Um klukkan 18 átti ég von á söng-
konu á æfmgu en það breyttist svo
að ég gat nýtt mér tímann milli sex
og sjö til að lesa yfir ný sönglög sem
mér hafa borist nú síðustu daga.
Þessi lög stendur til að flytja í Gerðu-
bergi innan tíðar.
Púslað með
sonardóttur
Sonardóttir mín kom í heimsókn
og fékk ég það skemmtilega verkefni
að gæta hennar frá klukkan 19 til
20.30. Heimasætan á kóræfmgu og
konan á tölvunámskeiöi stutta stund.
Við snæddum kvöldverð, gáfum okk-
ur tíma fyrir uppbyggilegt spjall (hún
er fimm ára) og púslleiki, gjóuðum
þó augunum af og til á fréttir í sjón-
varpi. Við gleymdum okkur.
Síðan fóru fram vaktaskipti og ég
dreif mig á söngtónleika í Listasafni
Kópavogs, Gerðarsafni, sem höfðu
vakið athygli mína. Kom heim að
þeim loknum tuttugu mínútur yfir
tíu. Það sem eftir lifði kvölds sátum
við hjónin í ró og friðsæld með dóttur
okkar ungri og sonardóttur sofandi
en hún haföi búið sig undir gistingu.
DV-mynd GVA
Það er í mörgu að snúast hjá Jónasi Ingimundarsyni vegna átaksins Tóniist fyrir alla.
Finnur þú fimm breytingar? 282
Hvort ég geti talað? Ég spyr nú bara á móti hvort þú getir flogið!
Nafn:
Heimili:.
Vinningshafar fyrir tvö hundruð og áttugustu get-
raun reyndust vera:
1. Sigursteinn Unnar 2. Ingibjörg Jóhannsdóttir,
Sigursteinsson, Túngötu 33,
Rimasíðu 2, 820 Eyrarbakka.
603 Akureyri.
Myndirnar tvær virðast við fyrstu sýn
eins en þegar betur er að gáð kemur í ljós
að á myndinni til hægri hefur fimm atrið-
um verið breytt. Finnir þú þessi fimm at-
riði skaltu merkja við þau með krossi á
myndínni til hægri og senda okkur hana
ásamt nafni þínu og heimilisfangi. Að
tveimur vikum liðnum birtum við nöfn
sigurvegaranna.
1. verðlaun:
Grundig útvarpsklukka að verömæti 4.860
krónur frá Sjónvarpsmiðstöðinni hf.
2. verðlaun:
Fimm Urvalsbækur. Bækurnar, sem eru
í verðlaun, heita: _M ert spæjarinn, Sím-
inn, Á ystu nöf, í helgreipum haturs og
Lygi þagnarinnar. Bækumar eru gefnar
út af Frjálsri fjölmiðlun.
Merkið umslagið með lausninni:
Finnur þú funm breytingar? 282
c/o DV, pósthólf 5380
125 Reykjavík