Tölvumál - 01.10.2004, Síða 42

RSS vafri — hvað er það?
RSS vafri - hvað er það?
Einar H. Reynis
Líklega hafa margir tekið eftir litlum
appelsínugulum merkjum sem er
að ftnna neðst á mörgum síðum á
Netinu merkt með stöfunum XML. Þegar
nánar er gáð er þetta fyrirbæri að fínna um
allar jarðir og á ólíklegustu síðum og
raunar er fjöldi vefsetra sem bjóða upp á
XML, öðru nafni RSS, með ólíkindum
mörg. Táknin eru lykillinn að gagnlegri
þjónustu og segir lesandanum að hún sé til
reiðu og þá er bara að smella á. RSS er
flott tækni fyrir fréttaþyrsta, sem vilja
skanna í hvelli allt það nýjasta.
Skammstöfunin RSS
Þjónustan er betur þekkt undir skamm-
stöfuninni RSS sem þýðir Real Sirnple
Syndication og er
hugsuð til að auð-
velda mjög að
fylgjast með efni á
Netinu og nota
þannig það sem
kallað er „push“
tækni, það er að
efnið er sent til
notandans frekar
en að hann leiti
það uppi. Með
RSS-vafra er leikur einn að gera þetta og
fylgjast með mörgum miðlurum og blogg-
um í einu á sama stað í stað þess að verja
miklum tíma í að hoppa á milli staða og
skanna í sífellu allskonar afkima. Þar sem
það eru bara fyrirsagnir og knappasti texti
sem fer til notandans má fara vítt og breitt
á augabragði.
Það telst líka til tekna að RSS-vafrar sjá
sjálfir um að sækja nýtt efni og eyða út því
sem er úrelt og haldast þannig ferskir. Það
sem blasir við notendum er að fyrirsagnir
eru flokkaðar eftir áskriftum og ef smellt
er á fyrirsögn sést annaðhvort aðeins meiri
texti eða viðkomandi síða sem við á.
RSS-vafrarnir
Vafrarnir eru afskaplega margir og ólíkir
en greinahöfundur brunaði í gegnum
nokkra til að prófa. Eftir að hafa farið einn
hring var ég sáttastur við SharpReader en
hann er uppbyggður eins og póstforrit þar
sem áskriftir og fjöldi ólesinna fyrirsagna
eru til vinstri, og ef smellt er á eina til-
tekna áskrift koma viðkomandi fyrirsagnir
í glugga þar fyrir ofan og svo allur textinn
fyrir viðkomandi fyrirsögn þar undir.
SharpReader er á síðunni
http://www.sharpreader.net/ en hann er
enn sem komið er ókeypis en til að nota
hann, og það gildir um fleiri, þarf svokall-
að .Net Framework en nota má uppfærslu
í Windows til að sækja það. Það þarf því
að byrja á Windows uppfærslu og eftir það
bæta inn SharpReader.
í notkun hefur SharpReader líka þann
eiginleika að birta lítinn glugga sem skýst
augnablik á skjáinn ef nýtt efni kemur,
ekki ólíkt því þegar einhver á vinalistan-
um í MSN er að tengjast.
Fyrir Mac OS X má benda á Net-
NewsWire en útlitslega er vafrinn afar
svipaður SharpReader.
Heimasíðan fyrir þetta forrit er hér:
http://ranchero.com/netnewswire/ en nota
má vafrann í um það bil mánuð án gjalds
en eftir það þarf að borga.
Að finna síður og skró
Ofantalin forrit innihalda fjöldan allan af
stöðum en til að bæta inn áskriftum þarf
að smella á XML-táknin og líma svo við-
komandi slóða í Subscribe-glugga. Annars
eru leiðirnar ntismunandi eftir vöfrum en
þetta er enn sem komið er svolítil handa-
vinna, að bæta inn áskrift.
Fyrir þá sem eru sérstaklega áhugasam-
ir um að fylgjast með íslensku efni er al-
veg kjörið að skoða RSS mola.
http://rss.molar.is/veitur.shtml og ein
heimasíða Stjórnarráðsins hefur að geyma
slóðir. http://efnisvaki.stjr.is/efnisvaki/rss
Erlendis eru úrvalið alveg botnlaust.
Allir helstu fréttamiðlar í UT hafa RSS-
slóðir og bara leita uppi appelsínugulu
XML-táknin. Reuters fréttir skera sig síð-
an úr með því að hafa RSS inn á sjón-
varpsefni.
Einar H. Reynis, ritstjóri Tölvumála
42
Tölvumál