Morgunblaðið - 09.10.1997, Blaðsíða 25

MORGUNBLAÐIÐ
FIMMTUDAGUR 9. OKTÓBER 1997 25
LISTIR
Morgunblaðið/Kristinn
BRYNJA Benediktsdóttir og Tristan Gribbin eru á leið til írlands
til að vinna að leiksýningu um Guðríði Þorbjarnardóttur.
Ferðir Guðríðar
Þorbjarnardóttur
BRYNJU Benediktsdóttur leikstjóra
og Tristan Gribbin leikkonu hefur
verið boðið til nokkurra vikna dvalar
í Tyrone Guthrie listamiðstöðinni á
Irlandi. Þar munu þær ljúka við
fyrsta áfanga að leiksýningu sem
þær eru að vinna að um ferðir Guð-
ríðar Þorbjarnardóttur á elleftu öld.
Brynja byggir verkið á Græn-
lendinga sögu og Eiríks sögu rauða,
en spunnið verður inn í verkið sögu
leikkonunnar sem flytur það hveiju
sinni. Þó að verkið sé samið á ís-
lensku verður fyrsti flutningur
aðallega á ensku. Tristan nam leik-
list í Bandaríkjunum, er írsk að
uppruna og hefur nú sest að á ís-
landi.
Margrét Örnólfsdóttir tónlistar-
maður mun semja hljóðmynd og
myndlistarmaðurinn Rebekka
Samper býr til grímur og leik-
muni. Frumsýning er áætluð á
næsta ári en fyrsti áfangi verður
forsýndur í vinnustofum leikaranna
Brynju og Erlings í Skemmtihúsinu
að Laufásvegi 22 í lok desember.
í janúar verður verkið svo þróað
áfram með leikkonunni Ragnhildi
Rúriksdóttur í öllum hlutverkum
og leikmynda- og búningahönnuð-
um ef fjármagn fæst til glæsilegri
umbúnaðar og leiksviðs.
Leituðu fyrir sér á Irlandi
Brynja og Tristan leituðu fyrir
sér um ijármagn á írlandi til leik-
sýningarinnar og sendu gögn um
hana og fengu þá óvænt tilboð um
að vinna að sýningunni í Guthrie
listamiðstöðinni, en það þykir mik-
ill heiður.
Guðríður Þorbjarnardóttir var
víðförul. Hún ól son þeirra Þorfinns
karlsefnis, Snorra, á Vínlandi, en
þegar hún var búin að koma honum
á legg uppi á íslandi fór hún í
suðurgöngu til Róms, heimkomin
lét hún reisa kirkju í Skagafirði og
tók síðan nunnuvígslu.
Til eru margar ritgerðir og
nokkrar skáldsögur um Guðríði og
landafundina. Heyrst hefur að Jón-
as Kristjánsson sé með skáldsögu
í smíðum og væntanleg er bók
Páls Bergþórssonar veðurfræðings
um landafundina skoðaða frá nýju
sjónarhorni. „Beinagrindin að sýn-
ingu okkar er til en kjötinu ætlum
við að bæta við á Irlandi og von-
andi fer svo blóðið að streyma þeg-
ar við komum aftur heim,“ segir
Brynja.
Breskur frumkvöðull
Sir Tyrone Guthrie var frum-
kvöðull meðal leikhúsmanna á
Bretlandi hvað snerti nýja leik-
stjórnaraðferð við leikrit Shakespe-
ars. Hann fetaði í fótspor rússneska
leikstjórans Komisarjevsky sem
kom til Bretlands 1919 og umbylti
hefðbundnum leikmáta þar með
nýrri aðferð við uppsetningu sí-
gildra verka eða eins og Brynja
orðar það: „Að túlka öðruvísi en
áður, hvað sem það kostaði."
Sir Tyrone gaf landsetur sitt,
Annaghmakerrig í Monaghan-hér-
aði, írskum skáldum og listamönn-
um. Þar fá nú Brynja og Tristan
góða vinnuaðstöðu og næði þar sem
Guðríður Þorbjarnardóttir mun
leika aðalhlutverkið.
Norræna
Kvikmyndahátíðin
Fjórar
íslenskar
kvikmyndir
NORRÆNA kvikmyndahátíðin
verður nú haldin í ellefta skipti og
hefst hún í Þrándheimi í Noregi í
dag, fimmtudag. Hátíðin er sam-
starfsverkefni kvikmyndastofnana
á Norðurlöndum og hefur verið
haldin annað hvert ár, til skiptis í
löndunum fimm. Hún var haldin á
íslandi árið 1993 og var metaðsókn
á myndir hennar þá.
Á hátíðinni verða sýndar nýlegar
kvikmyndir frá Norðurlöndunum,
þijár frá hveiju landi í aðalhluta
hennar, auk ýmissa sérsýninga.
Fulltrúar íslands í aðalhluta hátíð-
arinnar eru Agnes, Blossi/810551
og Tár úr steini en einnig verður
sérstök sýning á Djöflaeyjunni und-
ir titlinum Besta mynd Norðurland-
anna 1997 en þann titil vann mynd-
in á kvikmyndahátíðinni í Hauga-
sun3i í Ágúst. Á hátíðinni verður
einnig sýnd íslenska stuttmyndin
Siggi Valli á mótórhjóli.
A Norrænu kvikmyndahátíðina
koma á þriðja hundrað manna úr
kvikmyndaheimi Norðurlandanna,
svo sem framleiðendur, leikstjórar,
leikarar, blaðamenn, dreifingar-
aðilar, kvikmyndahúsaeigendur,
fulltrúar kvikmyndastofnana og
fleiri.
SNYRTISTOFAN
GUERLAIN
IÓdingata 1 • 101 • Reykjavik I
Sími 562 3220 « Fax 552 2320|
©SHIMmialÚSB®)
KRINGLUKNI S: 588 99H
Cosí fan tutte
kynnt í Operu-
kjallaranum
ÞORSTEINN Gylfason, heimspek-
ingur og prófessor við Háskóla ís-
lands, og Margrét Bóasdóttir kynn-
ingarfulltrúi kynna óperuna Cosí fan
tutte eftir Mozart í Óperukjallaran-
um í dag, fimmtudag kl. 20.30. En
Islenska óperan frumsýnir óperuna
á morgun, föstudag. Það er Stofnun
Dante Alighieri á Islandi sem stend-
ur fyrir kynningunni.
-----♦ ♦ ♦-----
Lýðskólinn leik-
ur með Dönum
LÝÐSKÓLINN, í samvinnu við
danskan lýðskóla, Brandbjerg Hoj-
skole, býður til leiksýningar í Nor-
ræna húsinu á morgun, föstudag.
Sýningar verða tvær, kl. 16 og 20.
Leikritið er nútíma túlkun á Völu-
spá og heitir Völvu-tölvu-Völuspá
eða Óðinn á „Ircinu“. Rektor
Brandbjerg Hojskole, Soren Juhl,
mun kynna danska lýðskóla að lokn-
um_ sýningum.
Ókeypis aðgangur og veitingar.
Ný frímerki
ÍSLENSKIR ÁRABÁTAR
12 . 35a! Q 10000 ÍSLAND 05f
•; 3 Kk 3 CO jjjP* s/rj./ ?:/\
rZr, njur ■ fcif icxttrinj*' Fmji
m$$ "Vt*;
DAGUR FRÍMERKISINS 9. OKTÓBER 1997 • VERÐ KR. 250
í dag koma út nýfrímerki tileinkuð
degi frímerkisins. Myndefnið er
íslenskir árabátar.
Fyrstadagsumslög fást stimpluð á pósthúsum um land
allt. Einnig er hægt að panta þau hjá Frímerkjasölunni.
F R I M E RKJASAIAN
Slmi 550 6054
PCJSTUR OG SÍMI HF Pósthólf 8445, 128Reykjavik
Heimasíða Frímerkjasölunnar er: http://www.simi.is/postphil/