Morgunblaðið - 07.05.1983, Side 13

MORGUNBLAÐIÐ, LAUGARDAGUR 7. MAÍ 1983
13
„Fer ef til vill
í skóla í haust“
„Það var hringt í mig og ég var beðin um að taka þátt í keppninni og ég
ákvað að vera með.“ Hulda Lárusdóttir er fædd 22. janúar 1965 í Keflavík
og alin upp í Njarðvík og vinnur við afgreiðslustörf í fata- og gjafavöru-
verslunum þar. „Ég ætla að halda þar áfram í sumar, en fer ef til vill í
skóla í haust.“ Helstu áhugamál Huldu eru íþróttir, körfubolti, jassballett
og fleira, „annars hef ég áhuga á eiginlega öllu.“ Hulda hefur tekið þátt í
sýningum nýstofnaðs tískusýningarhóps í Keflavík, og hún telur að
keppnir af þessu tagi eigi fullkomlega rétt á sér og æskilegt fyrir íslend-
inga að senda fulltrúa sína á alþjóðavettvang.
„Eflir samskipti
milli þjóða“
Steinunn Bergmann er fædd á Neskaupstað 2. nóvember 1963 og ólst
upp í Reykjavík frá 12 ára aldri. „Ég er að vinna hjá Samvinnutrygging-
um, hef verið þar undanfarna tvo mánuði, en er annars að hvíla mig frá
námi, ég lauk stúdentsprófi á síðastliðnu ári.“ Steinunn hefur verið með-
limur í Módelsamtökunum frá því í september sl. og segir að hún hafi
gaman af að fara á skíði, taka þátt í íþróttum og fl. þ.h. „Þeir sem verða í
efstu sætunum verða fulltrúar íslands í alþjóðakeppnum og efla þannig
samskipti milli þjóða, auk þess má segja að það sé mjög góð auglýsing
fyrir landið ef einhver íslendingur vinnur einhverja af þessum alþjóða-
keppnum."
„Hef áhuga á að
læra snyrtingu “
Elín Sveinsdóttir er tvítugur Reykvíkingur, fædd 25. febrúar 1963. „Ég
hef áhuga á því að læra snyrtingu og hef fengið skólavist á snyrtiskóla í
Frakklandi næsta haust, en í augnablikinu er ég að vinna í Regnbogan-
um.“ Elín hefur verið í Módelsamtökunum í rúmt ár og stundað jassball-
ett frá því hún var 12 ára. „Ég var á snyrtinámskeiði hjá Heiðari í
nóvember sl. en þá spurði hann mig hvort ég vildi vera með í þessari
keppni, og ítrekaði það svo aftur nú fyrir skömmu. Ég er eflaust að svala
einhverri ævintýraþrá með því að taka þátt í keppninni og finnst gaman
að vera með í þessu."