Morgunblaðið - 24.08.1916, Blaðsíða 2
2
MORGUNBLAÐIÐ
úr vegi ? Snðggvast kennir hann
óþols og gremju, og lífið finst hon-
um hefndargjöf. En þetta er ekki
nema snöggvast. Einhver dulin vit-
und, einhver von í reifum, sættir
hann við það, sem verður að vera,
og breiðir ofan á sál hans blæju frið-
ar og rósemi og fyllir hann sáttfýsi
við æfikjörin og alt. Og hann gleðst
af því, að svo margir eru heilir og
hraustir og hugsa máske til hans
við og við með samúð og yl, þó
margt falli stundum í gleymsku fyrir
þeim, sem búa við niðinn og ber-
ast með iðunni. Samúðarkendin,—
fjarlæg máske og þögul, en hraðfara
sem rafmagnsstraumur, — vefur sig
utan um hann eins og vermandi
geislahjúpur. Og værðin strýkur
létt um hvarma hans og hvíslar að
sál hans guðsfriði. —
Kvöldið breytist í nótt og húmið
i myrkur. Eg ligg vakandi og hlusta.
Eg heyri stunur þeirra, sem ekki
geta sofið vegna þjáninga. Og eg
heyri aðra stynja í svefni. En eng-
in stunan er vonlaus — finst mér.
Jafnvel sárþjáði auminginn, sem á
að deyja í nótt, vermir kalda hönd
sína yið neistann; kvein hans er
sárt að vísu, — en bann er ekki
vonlaus. —
— — Bíll þýtur dunandi fram
hjá gluggunum. Ómur glaðværra
radda berst snöggvast inn á heimili
þjáninganna. Svo verður alt kyrt.—
------Sýningum er lokið á Bíó,
og fólkið streymir út. Og þeir, sem
setið hafa um stund á kaffihúsunum,
tinast nú heim. Nokkurra stunda
hvíld biður þeirra og nærir þróttinn
til nýrra starfa að morgni. Von
bráðar falla þeir i væran svefn, og
heilbrigðin vakir við rúmið þeirra.
Ef til vill dreymir þá í svip aum-
ingjann, sem þjáist og þráir, — ef
til vill sjá þeir i draumi hrundu
borgirnar hans. Sá draumur gerir
engum mein, einkum ef þeir hafa
ekki gleymt honum, þegar þeir vakna.
B.
Uppskeran í Þýzkalandi.
Matvælaráðuneytið þýzka hefir
sent út ávarp til þjóðarinnar, áður
en gengið verður að uppskerunni,
og segir þar meðal annars að óvin-
um Þýzkalands skuli aldrei takast að
brjóta bolmagn þess með innisveltu.
Uppskeruhorfurnar séu nú miklu
betri heldur en í fyrra og ráðu-
neytið muni kosta alls kapps um að
matvælunum verði útbýtt sanngjarn-
lega um alt land. í hertogaríkinu
Altenburg og í furstaríkinu Lippe
hafa yfirvöldin skorað á alla að
hjálpa til við uppskeruna. Hafa þau
tekið sér vald til þess að meiga
skylda menn til vinnu, jafnvel
konur þeirra manna, sem eru á víg-
vellinum. Ef þær kynoka sér við
þvi að ástæðulausu má svifta þær
þeim styrk, sem þær fá.
Wilson Bandaríkjaforseti fór ný-
lega fram á það við Breta og Þjóð-
verja að þeir kæmu sér saman um
það, að hlutlausar þjóðir og þjóðir
bandamanna hjálpuðu Pólverjum eins
og þær hafa hjálpað Belgum og
Serbum. Bretar settu þau skilyrði
að þessi hjálp kæmi þá áreiðanlega
niður á réttum stað, en Þjóðverjar
sjálfir hefðu engan hag af því og
ennfremur kröfðust þeir þess að
Þjóðverjar létu öll þau lönd, sem
þeir hafa á sínu valdi (Belgiu,
Serbíu, Montenegro, Albaníu og
Pólland) njóta sinnar eigin uppskeru
og afurða og hefðu Bandatíkin strangt
eftirlit með því að eigi væri tekið
neitt af afurðum þeirra landa í
þágu þýzka hersins né flutt til
Þýzkalands.
Þessu hafa nú Þjóðverjar svarað
á þá leið að skilmálar Breta séu
óaðgengilegir, enda taki þeir alls
eigi tillit til þess hvað vakað hafi
fyrir Wilson. En jafnframt geta
þeir þess, að frekari umræður um
þetta mál séu þýðingarlausar, vegna
þess að nd séu uppskeruhorfurnar
svo góðar, að Pólverjar muni eigi
þurfa á neinni hjáip að halda frá
erlendum þjóðum.
Kafbátahernaðurinn.
Mönnum er gjarnt til þess að trúa
því, að þýzku kafbátarnir séu nú
hættir að sökkva skipum. En svo
er þó eigi. Þeir halda áfram upp-
teknum hætti, en gæta þess nú jafn-
an að allir menn komist af. Þess
vegna er minna talað um þá en ella.
í »Times* er þess getið 7. þ. m.,
að þá hafi verið tilkynt að þessum
skipum hafi verið sökt: Clacton,
brezkur tundurduflaslæðari. Sökt suð-
ur í Miðjarðarhafi. Tottenham,
brezkt kaupfar, 3106 smál. Favon-
an, brezkt kaupfar, 3049 smálestir.
Tricoupis, grískt kaupfar, 2397 smál.
Eugenia, rússneskt kaupfar, 2079
smál. Jægersborg, danskt kaupfar,
1797 smál. Commerce, sænskt kaup-
far, 651 smái. Egyptian Prince,
brezkur botnvörpungur. Ermenilda,
brezkt seglskip. Ivo, brezkt bark-
skip. Demaries, brezkt seglskipi
Fortuna, brezkt seglskip. Badger,
brezkt strandferðaskip.
Auk þess fréttist þá um sama leyti
að Þjóðverjar befðu sökt tveimur
dönskum skipum, þremur sænskum
skipum, sem voru á leið frá Finn-
landi til Englands með timburfarm.
Tveimur skipum var og sökt fyrir
Wilsonslinunni, Calypso og Aaro.
Eystrasalti lokað?
Franska blaðið »Gaulois« flytur
nýlega langa grein um þær fyrir-
ætlanir sænsku flotastjórnarinnar, að
leggja tundurdufl í Kogrunden og
leyfa engum skipum að sigla þar
um, nema sænskum verzunar- og
her-skipum. Blaðið segir að það sé
augljóst með þessu, að Svíar ætli að
fara að dæmi Þjóðverja, sem þegar
hafa lagt tundurdufl á alþjóðasiglinga-
leiðir inn í Eystrasalt, og ætli Sviar
nú algerlega að loka Eystrasalti, því
að Kogrunds-állinn sé nú hin eina
siglingaleið þeirra skipa, sem eru í
förum milli Frakklands og Eystra-
saltshafna Rússa. Þó segir blaðið
að enginn efi sé á þvi, að Svíar hafi
rétt til þess að duflgirða þessa sigl-
ingaleið og voðinn sé ekki svo stór
fyrir bandamenn, þar sem þeir geti
altaf siglt til Arkangel á sumrin.
En enginn efi sé á þvi að Þjóð-
verjar muni taka því með fögnuði,
að Eystrasalti skuli algerlega lokað,
því að þeir hafi altaf álitið það
þýzkt haf.
Herskipatjónið síðasta.
Samkvæmt símskeytum í blaðinu
í gær hafa Bretar nýlega mist tvö
herskipa sinna. Voru það beitiskip-
in Nothingham og Falmouth. Eigi
er þess getið, hvernig skipin hafa
farist, en að líkindum mun þýzkur
kafbátur hafa komist í færi við þau
í Norðursjónum.
Nothinoham var 5440 smálestir að
stærð, og var bygt árið 19x3. Hafði
það m. a. 9 sex þuml. falibyssur
innanborðs, og sigldi 25% sjómilu
á klukkustund.
Falmouth var einnig bygt árið
1913, var 5250 smálestir að stærð,
hafði 8 sex þumlunga fallbyssur og
sigldi 24^/2 sjómilu á klukkustund.
-----Eigi mun skipatjón þetta
vera mjög tilfinnanlegt fyrir Breta.
Þeir hafa ógrynni slíkra léttibeiti-
skipa, og munu víst varla verða var-
ir við hvarf þeirra, einkum þar sem
tókst að bjarga nær öllum skip-
verjunum.
C5S3 DA6BÖIJIN. C3K3
Afmæli í dag:
Halldóra Guðmundsdóttir, hÚBfrú.
Ragnh. Clausen, húsfrú.
Björn Bogason, bókbindari.
Jörgen Þórðarson, kaupm.
Hjörtur Hansson, verzlunarm.
Matth. Matthíasson, kaupm.
Sólarupprás kl. 4.44
Sólarlag — 8.14
Háflóð í dag kl. 1.49 f. h.
og i nótt kl. 2.26 e. h.
(eftlr íslenzkum meðaltíma.;
Veðrið í gær:
Miðvikudaginn 23. ágúst.
Vm. a. hvassviðri, hiti 9.9
Rv. s.a. andvari, hiti 9.8.
ísafj. iogn, hiti 8.5
Ak. s. andvari, hiti 9.0
Gr. s. kul, hiti 9.0
Sf. logn, hiti 7.5
Þórsh., F. logn, hiti 9.5
Botnia fór til útlanda í gærkvöld.
Meðal farþega voru: N. B. Nielsen og
dóttir, Gunnlaugur Claessen og frú,
Alfred Blanche konsúll með fjölskyldu,
Ólafur Hjaltesteð, Bærenzen frá Eyrar-
bakka, Lange verkfræðingur, Frölich
verkfræðingur, Ingvar Þorsteinsson
skipstjóri, frú Ida Thomsen með 2
dætur, Sveinn M. Sveinsson fram-
kvæmdarstjóri, Hjörtur Fjeldsted
kaupm., Einar Benediktsson og frú,
Ásgeir Asgeirsson guðfræðingur og
um 20 stúdentar.
Flóra kom í gærmorgun að norðan
og austan. Farþegar voru: Guðm.
Björnss'on landlæknir, Jón Ólafsson
skipstjóri, jungfrú Ragna Stephensen,
frú Margrót Sveinsdóttir, öll að norð-
an og Halldór Jónasson eand. austan
af fjörðum.
Ný jóla- og afmælis-kort hefir
Friðfinnur Guðjónsson gefið út og eru
þau komin á markaðinn. Eru á sum-
um þeirra myndir teiknaðar af is-
lenzkum listamönnum og eru sérlega
snotur. Sem betur fer er það mikið
arið að tíðkast að menn heldur kaupi
íslenzk jóla- og tækifæris-kort í stað
hinna erlendu, sem menn hingað til
mest hafa átt að venjast. ísienzku
kortin eru viðfeldnari og eiga eflaust
betur við, en erlendu kortin.
Skipstrand.
Fregn hefir borist hingað frá Fær-
eyjum um það, að mótor-skonnort-
an »Venus«, eign O. Johnson’s &
Kaaber’s, hafi strandað við Færeyjar.
Menn allir, sem á skipinu voru, kom-
ust heilir á húfi á land.
Skip þetta var á leið frá Kaup-
mannahöfn með allskonar vörur til
kaupfélaganna »Ingólfur« á Stokks-
eyri og »Heklu« á Eyrarbakka. Hafði
það verið stöðvað af brezku herskipi
í hafi og var nú á leið til Kirkwall
til rannsóknar. Það fór frá Kaup-
mannahöfn 28. júlí og síðan hefir
ekkert til þess spurst þar til nú.
Ófríðarsmælki.
Bómullariðnaður Þjóðverja er nú í
hörmulegu ástandi.
Er mælt, að flestar verksmiðjur,
sem eru eign einstakra manna, hafi
hætt störfum, og verksmiðjur þær,
sem vinna í þágu hersins, starfi eigi
nema þrjá daga i viku.