Fréttablaðið - 12.05.2006, Page 82

12. maí 2006 FÖSTUDAGUR50
FÓTBOLTI Þrátt fyrir að hafa ekkert
leyft Theo Walcott að spreyta sig
með Arsenal á tímabilinu, biður
Arsene Wenger nú Sven Göran-
Eriksson að gefa stráknum tæki-
færi á HM. Málefni Walcotts hafa
verið skeggrædd á Englandi frá
því hann var óvænt valinn í enska
landsliðið sem fer á HM í sumar.
„Það virðist vera þannig að
hann muni koma inn á ef Englandi
gengur illa að skora. Ég held að
hann sé ekki að fara að vinna HM
einn síns liðs en hann getur svo
sannarlega gert gæfumuninn, af
hverju ætti hann ekki að fá að
byrja einn eða tvo leiki?“ spyr
Wenger, en aðeins þrír leikir eru í
riðlakeppni HM, stærsta knatt-
spyrnumóti veraldar.
Walcott gekk til liðs við Arsen-
al frá Southampton en þrátt fyrir
mikil meiðslavandræði á tímabil-
inu, hefur Walcott ekkert fengið
að spreyta sig undir stjórn Weng-
er. „Ástæðan fyrir því að ég notaði
hann ekki er að ég var aldrei í
aðstöðu þar sem ég gat tekið
áhættu. Í hverjum leik vorum við í
harðri baráttu um nauðsynleg stig,
annaðhvort í deildinni eða meist-
aradeildinni, og því þurfti ég að
nota reynslumikla leikmenn,“
sagði Wenger en umtalið í kring-
um Walcott hefur sett gríðarlega
pressu á herðar þessa 17 ára gamla
stráks.
„Pressan verður mikil á HM,
bæði frá stuðningsmönnunum og
fjölmiðlum. Ég vona að hann nái
að standast hana, hann er hógvær
en sterkur persónuleiki,“ sagði
Wenger, en hann hefur gert heið-
ursmannasamkomulag við Eriks-
son um að nota Walcott ekki í
úrslitaleik meistaradeildarinnar í
næstu. Þar mætir Arsenal sterku
liði Barcelona í leik sem beðið er
með mikilli eftirvæntingu um
gjörvalla Evrópu. - hþh
Arsene Wenger, knattspyrnustjóri Arsenal, biðlar til Svens Göran-Eriksson:
Walcott verður að fá tækifæri
WALCOTT Fær tækifæri lífs síns í Þýskalandi
í sumar. NORDICPHOTOS/GETTY IMAGES
HANDBOLTI Sigfús Sigurðsson hefur
enn ekki tekið ákvörðun hvað hann
gerir hvað framtíð sína varðar, og
skal engan undra miðað við þann
mikla áhuga sem honum er sýnd-
ur. Í það minnsta tólf lið, sex frá
Spáni og sex frá Þýskalandi hafa
sýnt Sigfúsi áhuga.
„Ég er með tilboð frá Nordhorn
í höndunum, og frá liði á Spáni
sem er að koma upp í efstu deild-
ina. Þeir ætla sér stóra hluti en ég
var að heyra af áhuga enn fleiri
liða og því bíð ég bara rólegur. Ég
sé bara hvað þessi lið bjóða,“ sagði
Sigfús, en nýjasti áhuginn er frá
liðum í efri hluta spænsku deild-
arinnar.
Sigfús kvaðst einnig vera far-
inn að pakka saman föggum sínum.
„Það eru allar líkur á að ég fari en
ef svo ólíklega vill til að ég verði
áfram hjá Magdeburg, þá tek ég
bara aftur upp úr töskunum,“
sagði Sigfús. - hþh
Sigfús Sigurðsson:
Með tvö tilboð
í höndunum
FÓTBOLTI Unglingalandsliðsmaður-
inn Theódór Elmar Bjarnason
varð í fyrrakvöld bikarmeistari
með U-19 ára liði Celtic annað árið
í röð, en þá lagði liðið Hearts í
framlengdum úrslitaleik, 3-1.
Theódór átti mjög góðan leik fyrir
Celtic og skoraði meðal annars
fyrsta mark liðsins.
Það er fjarri því að Theódór
hafi verið eini Íslendingurinn sem
tók þátt í leiknum því í byrjunar-
liði Hearts var að finna tvo ungl-
ingalandsliðsmenn sem eru á mála
hjá skoska félaginu, markvörðinn
Harald Björnsson og miðjumann-
inn Eggert Gunnþór Jónsson. - vig
Theódór Elmar Bjarnason:
Vann bikarinn
í Skotlandi
THEÓDÓR ELMAR BJARNASON Er sagður
einn allra efnilegasti leikmaður Celtic.
FRÉTTABLAÐIÐ
Steven Gerrard, fyrirliði Liverpool, hefur komið ungstirninu Theo
Walcatt til varnar gegn þeim sem segja
hann ekki tilbúinn að spila með enska
landsliðinu á
HM. Gerrard
segir að Walcatt
hafi alla burði
til að vera leyni-
vopn Englend-
inga í Þýskalandi.
„Ég var hissa
þegar ég heyrði
af valinu en mér
finnst það ekki
svo galið. Hann
er öskufljótur
og mjög spennandi leikmaður en það
besta er að enginn veit neitt um hann.
Í svona stórmótum þarf að taka áhættu
og vonandi mun hún borga sig,“ segir
Gerrard.
Tottenham er við það að ganga frá kaupum á búlgarska sóknarmannin-
um Dimitar Berbatov frá Bayer Leverk-
usen. Talið er að enska liðið muni greiða
allt að 10 milljónir
fyrir Berbatov
en forráðamenn
Leverkusen hafa lýst
því yfir að viðræður
gangi vel og að
framhaldið velti á
leikmanninum sjálf-
um. Með kaupun-
um á Berbatov má
álykta að meintur
áhugi Tottenham á Eiði Smára Guðjohn-
sen sé úr sögunni, enda eru tveir öflugir
framherjar þegar á mála hjá félaginu.
Jean-Micheal Aulas, forseti Lyon í Frakklandi, lýsti því yfir í gær að hann
væri reiðubúinn
að greiða allt að
30 milljónir punda
fyrir Didier Drogba,
sóknarmann Chel-
sea. Franska liðið
var á höttunum
á eftir Drogba
þegar hann gekk
til liðs við Chelsea
á sínum tíma en
talið er að Drogba
hafi sjálfur áhuga á
að fara aftur til Frakklands. „Við höfum
fylgst með honum í mörg ár og viljum fá
hann,“ sagði Aulas í gær.
Miami Heat, með snillinginn Dwa-yne Wade í fararbroddi, jafnaði
metin í rimmunni við New Jersey í und-
anúrslitum Austurdeildar NBA í fyrrinótt
með öruggum 111-89 sigri í öðrum leik
liðanna. Wade skoraði 17 stig í fyrsta
leikhlutanum og alls 31 stig í leiknum.
LA Clippers náði einnig að jafna metin
í 1-1 í rimmu sinni við Phoenix í undan-
úrslitum Vesturdeildarinnar með því að
bursta andstæðinga sína, 122-97.
ÚR SPORTINU