Fréttablaðið - 12.05.2006, Page 47

■■■■■■■■■■■■■■■■■■■■■■■■■■■■■■■■■■■■■■■■■■■■■■ { heilsa og útivist } ■■■■ 11
„Ég hef aldrei verið mikið fyrir
líkamsræktarstöðvar og kýs frekar
að hjóla og ganga,“ segir Vigdís
Hrefna Pálsdóttir leikkona spurð
hvernig hún haldi sér í formi. „Svo-
leiðis hreyfing hentar mér vel, þar
sem ég hef verið önnum kafin við
sýningar á Litlu hryllingsbúðinni
fyrir norðan, en það stykki er á
leiðinni suður og verður frumsýnt
13. maí hjá Íslensku óperunni.“
„Ég reyni að hreyfa mig meira í
daglegu lífi, geng til dæmis í staðinn
fyrir að nota bílinn og labba töluvert
í Þingholtunum þar sem ég á heima.
Svo sleppi ég lyftum og tek frekar
tröppurnar,“ segir Vigdís Hrefna.
„Ég syndi í Vesturbæjarlauginni
þegar ég get og slappa af í heitu pott-
unum á eftir. Mér finnst gott að vera
heima í garðinum mínum á sumrin.
Það er svo þægilegt að hvíla hugann
við garðstörfin og endurnærandi að
hreinsa beð og hugsa um blómin,“
segir Vigdís Hrefna.
Vigdísi er umhugað um það
sem hún borðar og neytir mikils
af ávöxtum og grænmeti. „Ég geri
mikið af mínum matarinnkaupum
í Yggdrasil, þar sem ég er fremur
hlynnt neyslu á lífrænt ræktaðri
fæðu. Svo drekk ég mikið af vatni
og tek inn gamla góða lýsið,“ segir
hún að endingu.
Ræktar garðinn sinn
Vigdís Hrefna Pálsdóttir leikkona finnur hugarró í garð-
störfum.
Vigdís Hrefna er mikið úti við á sumrin. FRÉTTABLAÐIÐ/STEFÁN
Í Hafnarfirðinum hefur borið á
dularfullum hóp fólks sem stendur
í ýmiss konar líkamsræktaræfing-
um utandyra. Hóparnir sem eru á
ferðinni eru í herþjálfun hjá Láru
Erlingsdóttur hjá líkamsræktar-
stöðinni Hress. Líkamsræktarstöðin
tók nýverið skref í þá átt að færa
líkamsræktina utandyra og bjóða
nú upp á námskeið í kerrupúli og
herþjálfun. „Fólk hefur tekið þessu
námskeiði svakalega vel og erum
við búin að fylla nokkra hópa og
biðlisti er kominn á næsta nám-
skeið,“ segir Linda Hilmarsdótt-
ir hjá Hress. Farið er með hópana
út um allan Hafnarfjörð og hefur
Herþjálfun í Hafnarfirðinum
Hér hleypur hópurinn upp og niður kirkju-
tröppur með lóð í höndunum
.FRÉTTABLAÐIÐ/HEIÐA
Líkamsræktarstöðin Hress
í Hafnarfirði býður orðið
upp á nokkur námskeið
utandyra.
Víðistaðatún verið notað mikið.
„Þar er Víkingagarður með mörg-
um rekadrumbum sem nýtast okkur
vel, eins og í magaæfingunum og
fleiru,“ segir Linda. Námskeiðið er
byggt upp eins og hefðbundin her-
þjálfun þar sem hópnum er skipt í
lið.
„Hver hópur fær ákveðið verk-
efni sem hann þarf að ljúka í sam-
einingu, og ef einn mætir ekki lend-
ir það á hinum að ljúka verkefninu.
Hver hópur á kannski að klára 150
magaæfingar og ef aðeins einn
mætir er það á hans ábyrgð að
klára þær,“ segir Lára Erlingsdótt-
ir, sem þjálfar hópana. Hún segir
þetta byggt upp á aga, snerpu og
þoli. Aðspurð hvort fólk þurfi að
vera í góðu formi til að taka þátt
í herþjálfuninni segir hún það ekki
skilyrði. „Maður kemst í gott form
við þetta,“ segir Lára.