Fréttablaðið - 12.05.2006, Side 42

■■■■ { heilsa og útivera } ■■■■■■■■■■■■■■■■■■■■■■■■■■■■■■■■■■■■■■■■■■■■■■6
Þór Níelsen fluguveiðimaður segir
að veiði við Þingvallavatn sé allt-
af að færast í aukana. Í fyrra hélt
hann fyrirlestur um veiðitímabil
við Þingvallavatn hjá Stangveiði-
félagi Reykjavíkur og komust þá
færri að en vildu, sem að hans mati
sýnir þann mikla áhuga sem er fyrir
svæðinu.
„Veiðitímabilið við Þingvalla-
vatn er í heild sinni frá 1. maí til 15.
september, en best er að hefja veiði
upp úr 20. maí,“ segir Þór. „Þá leit-
ar bleikjan upp en hún er vinsælasti
fengurinn. Af öðrum fisktegundum
sem lifa í vatninu má nefna urriða
og murtu, sem fer á stjá í júníbyrj-
un,“ bætir hann við.
Bestu veiðistaðina við Þingvalla-
vatn segir Þór vera Leirutá, Prest-
hólma og Vatnsskot, þar sem ágætri
salernisaðstöðu hefur nú verið
komið upp, Hallsvík, Öfugsnáða,
Vatnsvík og Nautatanga.
Þór segir að enn sem komið er
séu Íslendingar meirihluti þeirra
sem stunda veiðar við Þingvalla-
vatn, þótt erlendir veiðimenn séu
farnir að láta sjá sig. „Fólk er oft
yfir helgi og tjaldar þá annað hvort
eða leggur húsbílum á nálægri
grasflöt,“ segir hann. „Svo er líka
alltaf hægt að gista á Hótel Valhöll.
Sjálfur hef ég þann hátt á að mæta
snemma morguns, þar sem bleikjan
tekur betur á morgnana en á öðrum
tímum dags, og fara heim að kveldi
til.“
Til að geta stundað veiði við
Þingvallavatn þarf tilskilin rétt-
indi eða leyfi sem nálgast má á
þjónustumiðstöð svæðisins. „Eldri
borgarar og öryrkjar eiga rétt á
sumarkorti, sem veitir þeim rétt
til að veiða ókeypis í vatninu,“
segir Þór. „Svo stendur öllum til
boða að kaupa veiðikort, sem kosta
5.000 kr. og eru til sölu í öllum
helstu veiðiverslunum. Veiðikortið
sem var fyrst tekið í notkun í fyrra
heimilar fólki að veiða í 24 vötnum
á landsvísu yfir allt veiðitímabilið,
en Þingvallavatni var nýlega bætt
í þann hóp og er það fagnaðar-
efni fyrir veiðimenn,“ segir Þór að
lokum.
Bleikjan tekur betur að morgni
Vaxandi áhugi er fyrir veiði í Þingvallavatni.
Þór hefur komið upp fluguhnýtingaherbergi heima hjá sér, þar sem hann sameinar vinnu og eitt helsta áhugamál sitt, fluguhnýtingar.
FRÉTTABLAÐIÐ/GVA
Þór hefur búið til ýmsar tegundir flugna sem komið hafa að góðu gagni við veiðar í Þing-
vallavatni. Af flugum sem hann hefur gert má nefna „Amalíu“, „Tealand Black“ og „Peacock
með kúlu“. Þá vinsælustu bjó hann til fyrir 37 árum og heitir hún „Svarti killer“. FRÉTTABLAÐIÐ/GVA
Pétur Snæbjörnsson unglæknir
segir að áhugi hans á hjólreiðum
hafi fyrst kviknað fyrir alvöru þegar
hann komst í kynni við hjólreiða-
menningu Dana, er hann lagði stund
á læknisfræði í Kaupmannahöfn
fyrir nokkrum árum. „Þetta var um
svipað leyti og ég ákvað að breyta
um lífsstíl. Ég fór að stunda líkams-
rækt til að komast í betra form og
fannst hjólreiðar góður liður í því
átaki. Síðan þá hefur þetta snúist
upp í vana hjá mér og nú fer ég eins
mikið og ég get á hjólinu.“
Hjólið sem Pétur hefur átt í eitt
og hálft ár er af tegundinni Moong-
oose og segir hann það dæmigert
átján gíra fjallahjól á grófum dekkj-
um. „Ég lét gott og sanngjarnt verð
meðal annars ráða því að þetta hjól
varð fyrir valinu. Ég vil ekki vera
á einhverju allt of fínu hjóli, vegna
þeirra síbreytilegu veðuraðstæðna
sem hér eru fyrir hendi. Það gengur
ekki að eiga rándýrt hjól ef maður
lifir í stöðugum ótta um að það
muni ryðga í rigningunni,“ segir
Pétur.
„Svo lenti ég líka í því óláni
að gamla hjólinu mínu var stolið
fyrir nokkrum árum, þannig að ég
vil ekki leggja of mikinn kostnað í
hjólakaup,“ bætir hann við.
Eins og áður segir notar Pétur
hjólið mikið í daglegu lífi, hvort
sem það er til að fara í vinnu, lík-
amsrækt eða heimsóknir til vina og
vandamanna. „Ég hef ekkert nema
gott að segja um flesta þá stíga sem
þegar eru í boði, en þeir mættu svo
sannarlega vera fleiri,“ segir Pétur.
„Ég hef raunverulega neyðst til
að nota gangstéttirnar talsvert til að
komast leiðar minnar, þar sem enn
vantar þó nokkuð upp á reiðhjóla-
stíga í Reykjavík. En þurfi ég að
velja á milli þess að hjóla á gang-
stétt eða götu, þá vel ég gangstétt-
ina fram yfir götuna. Bílstjórar gera
nefnilega sjaldan ráð fyrir hjólreiða-
fólki og það skapar ákveðna hættu
á götunum,“ segir hann alvarlegur
í bragði.
Pétur telur að ekki sé nóg að
ráða bót á þessum vanda með því
einu að fjölga hjólreiðabrautum í
borginni, heldur skipti staðsetning
þeirra einnig máli. Æskilegt sé að
stígarnir liggi meðfram götunum,
gagnstætt því sem hefur til dæmis
verið gert á Bústaðavegi þar sem
hjólreiðamenn þurfa að fara ýmsar
krókaleiðir til að komast leiðar
sinnar, segir Pétur. „Það er bara
vonandi að borgin fjölgi vel stað-
settum reiðhjólastígum, þar sem
þetta er án efa ein skemmtilegasta
íþrótt sem völ er á.“
Góður ferðamáti
Pétur Snæbjörnsson velur hjól fram yfir bíl.
Pétur telur hjólreiðar heilnæman ferðamáta. Hann segir slæma staðsetningu hjólreiða-
brauta í Reykjavík hins vegar vera þránd í götu hjólreiðamanna og vonar að bætt verði úr
því. FRETTABLAÐIÐ/HÖRÐUR
Þeir sem hafa góð lungu lifa lengur
og því er mikilvægt að byggja upp
þol og styrkja lungun.
Ef þú átt erfitt með að
tala eftir tuttugu mín-
útna göngutúr er
það merki um að
lungun þarfnist
þjálfunar. Þjálf-
unin þarf ekki
að vera flókin
og það getur
verið nóg að
ganga rösklega
í nokkrar mín-
útur á hverj-
um degi. Litlir
hlutir eins og að
ganga í vinnuna
og sleppa því að
taka lyftuna geta einnig gert gæfu-
muninn fyrir lungun. Svo
þarf varla að taka það
fram að reyking-
ar eru á algjörum
bannlista.
Rétt öndun er
einnig mik-
ilvæg fyrir
lungun og
ef þú átt erf-
itt með að
hreyfa þig
af einhverj-
um ástæðum
geta léttar
öndunaræf-
ingar styrkt
lungun.
Sterk lungu
A I K I D O
w w w . a i k i d o . i s
Námskeið allt árið
í sal Aikikai Reykjavík í Faxafeni 8.
Skoðið heimasíðuna www.aikido.is
Verið velkomin í frían prufutíma
(það eina sem þú þarft að gera er að mæta)
Byrjendanámskeið:
Sumarönn hefst mánudaginn
15. maí kl. 18:00
Verð 12.000 kr. fyrir fullorðna og
10.000 kr. fyrir unglinga (13-15 ára)
(para- og systkinaafsláttur).
Ókeypis aikido galli
fylgir með byrjendanámskeiði!
Hringið til að fá nánari upplýsingar:
840-4923 & 897-4675
eða kíkið á heimasíðuna:
Eðli aikido er þannig að allir geta
æft saman óháð kyni, aldri,
styrkleika og þyngdarflokkum.
Í aikido er öll áheyrsla lögð á að
verjast árásum með því að beina
krafti andstæðings frá sér í stað
þess að reyna að mæta krafti með
meiri krafti.