Morgunblaðið - 04.08.2004, Qupperneq 44

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 4. ÁGÚST 2004 VERÐ Í LAUSASÖLU 220 KR. MEÐ VSK.
KARLMAÐUR á fertugsaldri lést
þegar stór malarflutningabíll sem
hann stýrði rann út af vegi og niður í
fjöru við norðurenda Akureyrarbæj-
ar skömmu eftir hádegi í gær.
Samkvæmt upplýsingum frá lög-
reglunni á Akureyri eru tildrög slyss-
ins enn óljós.
Lögreglu barst tilkynning um slys-
ið um klukkan hálfþrjú í gær. Slysið
varð á Krossanesbraut, skammt
sunnan við bæinn Krossanes sem
stendur við norðurenda Akureyrar,
þar sem verið var að vinna við breikk-
un vegar.
Lögregla segir ekki ljóst á þessari
stundu hvað olli því að gríðarstór mal-
arflutningatrukkur af þeirri gerð sem
jafnan gengur undir nafninu Búkolla,
lenti út af veginum, rann niður bratta
brekku og lagðist svo á hliðina í fjöru-
borðinu. Rannsókn á tildrögum slyss-
ins stendur yfir.
Banaslys
á Akureyri
Morgunblaðið/Kristján
Friðarljósum og blómum hafði ver-
ið komið fyrir þar sem malarflutn-
ingabílinn fór fram af veginum.
Fjær sést hvar malarflutningabíll-
inn er kominn upp á dráttarvagn.
FÍKNIEFNADEILD lögreglunn-
ar og tollgæslan í Reykjavík hafa
lagt hald á um þrjú kíló af amfeta-
míni sem komu til landsins með
Dettifossi, skipi Eimskipafélags-
ins.
Ásgeir Karlsson, yfirmaður
fíkniefnadeildar, staðfesti þessar
upplýsingar í gær. Hann sagði að
enginn hefði verið handtekinn
vegna málsins en vildi að öðru leyti
ekki tjá sig um rannsóknina enda
væri hún á afar viðkvæmu stigi.
Hann vildi hvorki svara því hvort
efnið hefði verið falið í skipinu eða
í vörusendingu né hvort einhver
starfsmaður skipafélagsins væri
viðriðinn málið.
Sjaldgæft er að lögregla eða toll-
gæsla leggi hald á svo mikið magn
amfetamíns í einni sendingu en
það gerist þó endrum og sinnum.
Árið 2003 lagði lögreglan í
Reykjavík hald á 2,4 kíló af am-
fetamíni en það var talsvert minna
en árið á undan þegar hald var lagt
á tæplega 6,5 kíló.
Algengt að drýgja amfetamín
Ef amfetamínið er hreint geta
fíkniefnasalar blandað það með
öðrum efnum og drýgt það allt að
þrefalt til fjórfalt. Miðað við að
efnið yrði blandað má gera ráð fyr-
ir að hægt yrði að selja það á göt-
unni fyrir 30–40 milljónir króna en
gramm af amfetamíni kostar tæp-
lega 4.000 krónur, samkvæmt upp-
lýsinum frá SÁÁ.
Dettifoss er í siglingum til meg-
inlands Evrópu og kemur m.a. við í
Rotterdam en Holland er ein
helsta framleiðslu- og dreifingar-
miðstöð amfetamíns í Evrópu.
Þrátt fyrir ítrekaðar tilraunir hol-
lenskra lögregluyfirvalda hefur
ekki tekist að uppræta amfetamín-
framleiðslu í landinu.
Þremur kg af amfetamíni
smyglað með Dettifossi
JÖKULSÁRLÓN á Breiðamerkursandi hefur um
árabil verið vinsæll viðkomustaður ferðamanna
sem sækja Ísland heim. Siglingar á lóninu hafa
verið stundaðar í á annan áratug og að sögn Ein-
ars Björns Einarssonar, eiganda Jökulsárlóns
ehf., fara allt að 500 manns á dag í bátsferðir á
lóninu þegar mest er að gera yfir sumartímann.
Hann segir aðsóknina aukast með hverju ári.
Fyrirtæki Einars Bjarnar er með þrjá báta
sem ferja ferðamenn um Jökulsárlón. Hver
bátanna tekur 25 manns og ferðirnar eru í gangi
allan daginn frá miðjum maí og fram í miðjan
september.
Flestir þeirra sem sækja bátsferðirnar á Jök-
ulsárlóni eru erlendir ferðamenn, þótt einn og
einn Íslendingur slæðist með. Á þriðja tug hefur
atvinnu af því að fylgja ferðamönnum í bátana
og greina frá því sem fyrir augu ber á lóninu.
Veðrið er misgott eins og gengur, en að sögn
Einars kemur það sjaldan fyrir að hætta þurfi
við ferðir vegna veðurs.
Jökulsárlón laðar marga að
Morgunblaðið/Ómar
ENGAR opinberar tölur eru til um
umfang landflutninga á Íslandi en
samkvæmt upplýsingum frá helstu
vöruflutningafyrirtækjum landsins
aka daglega um 100 flutningabílar
með vörur landshluta á milli. Að
meðaltali eru um 15 tonn í bílunum
þannig að daglega eru flutt um 1.500
tonn af almennum neysluvörum um
vegakerfi landsins. Ekki er þá talinn
með allur sá flutningur sem fer með
umsvifaminni aðilum.
Baldur Guðnason, forstjóri Eim-
skips, sagði í Morgunblaðinu í gær
að um 83% allra innanlandsflutninga
færu um vegakerfið. Heildarflutn-
ingar voru sagðir rúm 800 þúsund
tonn á ári og samkvæmt þessu fara
um 660 þúsund tonn landleiðina.
Flytjandi, sem er í eigu Eimskips,
rekur flutningakerfi á landsvísu sem
að koma 23 aðilar. Velta þeirra á
landsvísu er um 2.800 milljónir á ári
en samkvæmt mati Samkeppnis-
stofnunar er markaðshlutdeild þessa
kerfis um 60% í landflutningum.
Miðað við þetta er árleg velta land-
flutningamarkaðarins um fimm
milljarðar króna.
Sjö sinnum meiri losun
koltvísýrings
Að sögn Guðmundar Arnaldsson-
ar, framkvæmdastjóra Landvara, fé-
lags vöruflytjenda, má áætla að ríkið
fái um einn milljarð króna í þunga-
skatt af vöruflutningabifreiðum á
ári. Samkvæmt lögum fer skatturinn
til að fjármagna vegaframkvæmdir.
Guðmundur segir misskilning að
vegakerfið þoli ekki aukna vöru-
flutninga. Ef suðvesturhornið sé
undanskilið séu vegirnir illa nýttir.
Landvernd vakti í gær athygli á
því að landflutningar fælu í sér sjö
sinnum meiri losun koltvísýrings en
strandflutningar. Á tímabilinu 1983–
2002 hefði losun koltvísýrings vegna
landflutninga aukist um 67%. Aukið
magn koltvísýrings í andrúmsloftinu
væri helsta ástæða þeirra hættulegu
loftslagsbreytinga sem nú yrðu sí-
fellt sýnilegri. Neikvæðar afleiðing-
ar vöruflutninga á landi væru því
ekki eingöngu bundnar við slys og
slit á vegum.
Þá segir í frétt á vefsíðu Land-
verndar að svo virðist sem ekki hafi
tekist að færa kostnaðinn við vega-
slit yfir á vörubíla í samræmi við
notkun þeirra.
Velta landflutningakerf-
isins um fimm milljarðar

„Menn vilja“/10
LOKA þurfti umferð yfir brú á vinnu-
svæðinu við Kárahnjúka sem liggur
yfir Jökulsá á Dal í Hafrahvamma-
gljúfri í kjölfar þess að vatnsborð ár-
innar hækkaði upp í 476 metra yfir
sjávarmáli í gær. Bráðabirgðastíflu-
garður árinnar nær upp í 483 metra
hæð yfir sjávarmáli.
Að sögn Ómars R. Valdimarssonar,
upplýsingafulltrúa verktakafyrirtæk-
isins Impregilo á Íslandi, náði yfir-
borð árinnar upp að brúarstólpum og
vegfylling sem var þar næst gaf sig. Í
kjölfarið var ákveðið að loka brúnni.
Allri umferð hefur verið beint yfir
brúna á Jökulsá á Brú. Ómar segir
slíka vatnavexti eðlilega á þessum
árstíma og margt geti stuðlað að
slíku; mikil úrkoma, þíða og vindur.
Vatnavextir í
Jökulsá á Dal
ÞAÐ þykir ganga kraftaverki næst
að ökumaður vörubíls skyldi sleppa
án alvarlegra meiðsla þegar bíll hans
féll um 10 metra fram af brúnni yfir
Laxá í Laxárdal í Dölum eftir árekst-
ur við jeppa síðdegis í gær. Bíllinn
hafnaði í stórgrýti og lagðist öku-
mannshúsið nánast saman.
Jóhannes Björgvinsson, lögreglu-
varðstjóri í Búðardal, segist aldrei
hafa orðið vitni að öðru eins á 26 ára
ferli sínum í lögreglunni. „Það ber
öllum saman um það að slíkt krafta-
verk sé einsdæmi. Það er með ólík-
indum að maðurinn skuli hafa lifað
þetta af,“ segir hann. Í jeppanum
voru hjón með tvö börn en þau
sluppu nánast ómeidd.
Vitni urðu að árekstrinum og segja
þau að jeppinn hafi verið kominn út á
brúna þegar ökumaður hans virðist
hafa gert sér grein fyrir því að öku-
maður vörubílsins gæti ekki hemlað í
tæka tíð. Vörubíllinn kom að brúnni
að norðanverðu en þar er talsverð
brekka. Um 15 tonn af möl voru á
pallinum. Ökumaður jeppans reyndi
að bakka út af brúnni en náði þó ekki
að koma í veg fyrir árekstur. Báðir
bílarnir eru gjörónýtir. Ökumaður
vörubílsins var fluttur til Reykjavík-
ur með sjúkrabíl en hann var ekki
talinn alvarlega slasaður.
Vörubíll féll
10 metra
fram af brú
Með ólíkindum að öku-
maður skyldi lifa af
♦♦♦