Morgunblaðið - 04.08.2004, Qupperneq 17

MINNSTAÐUR
MORGUNBLAÐIÐ MIÐVIKUDAGUR 4. ÁGÚST 2004 17
SUÐURNES
HÖFUÐBORGARSVÆÐIÐ
Suðurnes | Nýjar reglur um katta-
hald á Suðurnesjum taka gildi næst-
komandi þriðjudag, 10. ágúst, og
verður fljótlega eftir þann tíma farið
að fanga ómerkta ketti. Eigendur
ómerkts kattar, sem hefur verið
fangaður, hafa sjö daga til að sækja
hann, annars gæti honum verið lóg-
að.
Samkvæmt nýju reglunum þurfa
allir kettir á Suðurnesjum að vera
skráðir hjá Heilbrigðiseftirliti Suð-
urnesja, og til að fá skráningu verða
þeir að vera merktir á varanlegan
hátt, annaðhvort með örmerkingu
eða húðflúri, og einnig þarf staðfest-
ingu á því að þeir hafi verið spólu-
ormahreinsaðir. Það kostar 15.000
kr. að skrá kött, en 5.000 kr. afslátt-
ur er gefinn fyrir 10. ágúst. Einungis
þarf að greiða þessa upphæð einu
sinni fyrir hvern kött.
Magnús H. Guðjónsson, fram-
kvæmdastjóri Heilbrigðiseftirlits
Suðurnesja, segir að fjöldi skráninga
sé að aukast, og byrjað verði að
fanga ketti fljótlega eftir 10. ágúst.
„Við búumst við því að það verði tals-
vert skráð fyrir 10. ágúst því þá
rennur fresturinn út til að skrá með
afslætti. Svo kemur væntanlega önn-
ur skriða þegar við förum að fanga
ketti og það fer að spyrjast út að við
séum úti í hverfunum að taka ketti,“
segir Magnús.
Magnús segir að ekki verði beitt
harkalegri aðferðum við að kanna
hvort kettir séu merktir en þörf
krefur. „Flestir kettir eru gæfir
þannig að það er hægt að taka þá
upp og skoða merkið og svo setja þá
aftur niður ef þeir eru merktir og bú-
ið að greiða af þeim. Þeir sem eru
styggir verða fangaðir í búr.“ Séu
kettir, sem lenda í búrum, merktir
verður þeim strax sleppt aftur.
Magnús segir að gildrurnar verði
vaktaðar stanslaust meðan þær eru
úti og því þurfi kettir ekki að bíða
lengi í þeim áður en þeir fá frelsið,
eða eru teknir inn í dýrageymslu.
Hugsanlega lógað eftir 7 daga
Samkvæmt nýju reglunum hafa
eigendur ómerktra katta sjö daga til
að sækja kött sem hefur verið fang-
aður, ella verði honum ráðstafað til
nýrra eigenda, hann seldur fyrir
kostnaði eða lógað. Þegar ómerktur
köttur er sóttur leggst ýmiss kostn-
aður á eiganda kattarins. Í fyrsta
lagi þarf að greiða skráningargjald-
ið, 15.000 kr. og til að fá það þarf að
greiða dýralækni fyrir merkingu og
hreinsun, sem getur kostað um 4.000
kr. Hjá Heilbrigðiseftirlitinu þarf
svo að greiða fyrir kostnaðinn sem
hlaust af því að fanga köttinn. Fastur
kostnaður vegna vinnu starfsmanns
og kostnaður við leigu og hreinsun á
búri er að lágmarki um 10.000 kr. og
kostnaður við mat og húsnæði fyrir
hvern dag sem kötturinn dvelur í
geymslu er um 2.500 kr.
Þegar tölurnar eru lagðar saman
kemur í ljós að til að fá aftur ómerkt-
an kött sem hefur verið í einn dag í
geymslu þarf eigandinn að borga um
31.500 kr., en hafi hann verið í sjö
daga þarf að greiða um 46.500 kr.
Magnús segist ekki óttast það sér-
staklega að eigendur ómerktra katta
hafi ekki tök á því að greiða þessa
upphæð til að fá köttinn aftur. „Mér
finnst það ólíklegt. Þetta er svona
svipað og hundaeigendur þurfa að
greiða fyrir hunda sem eru teknir
lausir. Í rauninni gerist það bara
núna að það sama gildir um katta-
eigendur eins og hefur gilt um
hundaeigendur,“ segir Magnús.
Dýraverndunarþátturinn
gleymist
„Það sem menn hafa kannski ekki
horft á er dýraverndunarþátturinn í
þessu. [...] Bæði dýraverndunarsam-
tök og dýralæknar hafa bent á að
dýralæknar eru alltaf að svæfa ketti.
Þetta skiptir tugum og hundruðum
katta hjá dýralæknum á ári. Ein af
ástæðunum fyrir þessu er hvað það
er ódýrt að vera með ketti. Það kost-
ar ekkert að fá sér kött,“ segir
Magnús. Hann bendir á að það sé
svipað ástand og var með hunda áður
en reglur um hundahald tóku gildi,
en í dag sé það fremur sjaldgæft að
heilbrigðum hundum sé lógað.
Nýjar reglur um kattahald taka gildi í næstu viku
Ómerktir kettir fangaðir
Morgunblaðið/Ásdís
Merktir: Allir kettir á Suðurnesjum þurfa að vera með varanlega merk-
ingu og vera skráðir hjá Heilbrigðiseftirliti Suðurnesja eftir 10. ágúst.
DÝRALÆKNAR hafa undanfarið orðið varir við talsvert aukna ásókn í
varanlegar merkingar og spóluormahreinsun fyrir ketti. Hrund Hólm,
dýralæknir á Dýralæknastofu Suðurnesja, segir mikið um fyrirspurnir um
merkingarnar.
„Fólk er að leita sér leiðbeininga, og það hefur verið aukning í því að fólk
sé að merkja, bæði eyrnamerkja og örmerkja,“ segir Hrund. Húðflúrmerk-
ingarnar eru meiri aðgerðir þar sem það þarf að svæfa köttinn áður en sér-
stakt númer er húðflúrað í annað eyra hans. Örmerkingin fer hins vegar
þannig fram að örflögu er sprautað undir húð kattarins milli herðablað-
anna. Hrund segir mismunandi hvorn kostinn kattaeigendur velja. Kost-
urinn við húðflúrið er að allir geta séð að kötturinn er merktur, en sérstakt
tæki þarf til að lesa af örflögunni sem sést ekki með berum augum. Kostn-
aðurinn við örmerkinguna er aðeins meiri þar sem örflagan sjálf er dýr.
Hrund segir að sérstakt tilboð sé í gangi þessa dagana, hægt að fá húðflúr
og ormahreinsun á 3.700 kr., og örmerkingu og ormahreinsun á 4.700 kr.
Annir hjá dýralæknum
Reykjavík | „Við erum enn þá að róta,“ segir
Magnús Eiríksson, tónlistarmaður og eigandi
hljóðfæraverslunarinnar Rín, en verslunin
skipti um aðsetur nú um mánaðamótin júní-
júlí og segir Magnús að það sé enn þá verið að
koma sér almennilega fyrir.
„Við erum ekki alveg búin að raða þessu
upp eins og við viljum hafa þetta,“ segir hann
en býst þó við því að allt verði komið upp og
búðin orðin skemmtileg fljótlega.
Verslunin hafði um áratuga skeið verið á
Frakkastíg 16 en nú hefur hún flutt að Braut-
arholti 2 þar sem gamla Japis-verslunin var.
„Búðin sjálf er svona helmingi stærri en sú
gamla. Svo lítill lager hérna inn af.“ Í versl-
uninni er því hægt að hafa helmingi fleiri
hljóðfæri til sýnis en áður og segir hann að
pantaðar hafi verið nýjar vörur sem séu óð-
um að koma.
Hann segir að það sé ekki hægt að neita því
að þetta sé betri staður til að versla á. „Það er
betra að fá bílastæði hérna, það var nánast
útilokað á gamla staðnum.“ Þó segist hann
sjá eftir gamla hverfinu enda búinn að vera
þar lengi, en nýja búðin sé þó ekki svo langt
frá þeirri gömlu þó að hún sé í öðru póstnúm-
eri í dag. Með Magnúsi í versluninni vinna
þrír synir hans, auk Guðna Ágústssonar
verslunarstjóra.
„Hann er skemmtilegur og hefur alltaf ver-
ið,“ segir Magnús spurður um hvernig hljóð-
færabransinn sé í dag og bætir því við að
áhugi á því sem menn séu að gera skipti öllu
máli. Hann segir að fólk á öllum aldri komi til
hans að versla. „Það er alveg frá fimm, sex
ára og alveg upp í grafarbakkann.“ Hann
segir öll möguleg hljóðfæri koma til greina,
bæði hjá yngstu og elstu hljóðfærakaupend-
unum. Aðspurður hvort mikið sé um að fólk
spyrji álits og leiti leiðbeininga varðandi
hljóðfæri segir Magnús það vera mjög mis-
jafnt. „Sérstaklega eru þessir yngri strákar
með mjög fastmótaðar hugmyndir um hvað
þeir vilja, og þú ekur þeim ekkert til.“
Sakna gömlu holunnar
Þegar Magnús er inntur eftir því hvað
gamlir viðskiptavinir hafi að segja um nýju
verslunina segist hann fá blendin viðbrögð.
„Sumir sjá eftir gömlu holunni en aðrir eru
kátir með að fá bílastæði loksins. Þurfa ekki
að keyra þarna í þrjú korter kannski að leita
að bílastæðum. Þegar þú ert búinn að versla
mjög lengi á sama stað þá kemur sérstakur
andi, bæði þeirra sem hafa verið og þeirra
sem eru að versla. Það eru margir búnir að
vinna í því, mjög margir. Þekktir hljóðfæra-
leikarar reyndar.
Friðrik Karlsson, KK, svo ég nefni nú bara
nokkra góða gítarleikara,“ segir Magnús og
heldur áfram „Það tekur svolítinn tíma að
gefa nýrri búð karakter.“
Hljóðfæraverslunin Rín flutt í Brautarholtið
Helmingi stærri versl-
un og aðkoman betri
Morgunblaðið/Þorkell
Skemmtilegt: Magnús Eiríksson tónlistarmaður er ánægður í hljóðfærabransanum.