Morgunblaðið - 04.08.2004, Síða 8
FRÉTTIR
8 MIÐVIKUDAGUR 4. ÁGÚST 2004 MORGUNBLAÐIÐ
Alþjóðleg ferðaþjón-usta mun vaxa um4,5% á næstu ár-
um tíu árum þrátt fyrir
hryðjuverkahættu og
óvissu um olíuverð. Þá
mun ferðamönnum fjölga
um fimmtíu milljónir á
næstu fimm árum. Þetta
kemur fram í nýrri skýrslu
Deloitte um þróun í alþjóð-
legri ferðaþjónustu.
Í skýrslunni eru taldir
upp fimm þættir sem hafa
hvað mest áhrif á ferða-
þjónustu í heiminum í dag.
Í fyrsta lagi er bent á að
öryggi og ráðstafanir þar
að lútandi skipti ferða-
menn miklu máli. T.a.m.
eru hótel og veitingastaðir í mikl-
um vanda á Balí og vonir Ísraels-
manna um uppbyggingu öflugrar
ferðaþjónustu hafa orðið að engu.
Ógnin sem stafar af hryðjuverkum
hefur breytt miklu og sérstakar
öryggisráðstafanir þarf að hafa
uppi á öllum alþjóðlegum flugvöll-
um. Breskir ferðamenn sækja
t.a.m. í auknari mæli í skemmti-
ferðasiglingar en það er talið
tengjast því að fólk vilji síður
ferðast með flugi.
Páll Grétar Steingrímsson, einn
eigenda Deloitte, bendir á að Ís-
lendingar hafi tekið mið af ráð-
legginum varðandi flugöryggi og
þess vegna séu þessi mál í góðum
farvegi hér á landi. Hins vegar sé
hugsanlegt að yfirvöld sumra
landa ákveði að skera niður í þess-
um efnum og það geti haft mikil
áhrif á fjölda ferðamanna. Í
skýrslunni er því spáð að sum lönd
muni herða körfur hvað varðar
vegabréfsáritanir og að sums stað-
ar verði jafnvel gengið svo langt að
hafna alfarið ferðamönnum frá
ákveðnum löndum.
Ævintýraferðir vinsælli
Í öðru lagi eru breytingar á hög-
um fólks í heiminum taldar geta
haft langvarandi áhrif á þróun
ferðaþjónustu. Talið er líklegt að
eldra fólk verði meira áberandi í
hópi ferðamanna með meiri pen-
inga milli handanna en áður. Með
stækkun Evrópusambandsins,
auknum hagvexti í Kína, Rúss-
landi og Indlandi fjölgar ferða-
mönnum um fimmtíu milljónir á
næstu fimm árum. Breyttar reglur
um virðisaukaskatt innan Evrópu-
sambandsins eru jafnframt taldar
líklegar til þess að hafa áhrif á
hvert ferðamenn sækja. Páll bend-
ir á að ferðaskrifstofur í löndum
sem eru í Evrópusambandinu
þurfi að leggja 15% virðisauka-
skatt á alla þjónustu og því bendi
allt til þess að ferðir muni hækka
sem því nemur. Þetta getur orðið
til þess að ferðir til Íslands verði
enn fýsilegri kostur en áður þar
sem ferðaskrifstofur hérlendis
þurfa ekki að hækka virðisauka-
skatt á sínum ferðum. Engu að síð-
ur getur þessi hækkun haft áhrif á
íslenska ferðamenn erlendis auk
þess sem ferðaskrifstofur hérlend-
is gætu þurft að hækka verð á
ferðum sem eru skipulagðar í sam-
ráði við ferðaskrifstofur í löndum
sem eru í Evrópusambandinu.
Í þriðja lagi er talið að ferða-
menn komi til með að sækja öðru-
vísi þjónustu en áður og að hin
hefðbundnu fjölskylduferðalög
séu á undanhaldi. Lægri fæðing-
artíðni í Evrópu, færri hjónabönd
og fleiri skilnaðir hafa þau áhrif að
fólk sækist frekar eftir persónu-
legri reynslu í ferðalögum. Eftir-
spurn eftir ævintýraferðum á því
eftir að aukast, styttri ferðalög
verða algengari og ferðamenn með
börn sjaldséðari.
Bættari aðgangur að Netinu er
fjórði áhrifaþátturinn en í fimmta
lagi er bent á að þrátt fyrir aukn-
ingu ferðamanna þurfi flugfélög
eftir sem áður að glíma við mikinn
óstöðugleika. T.a.m. er gert ráð
fyrir að stærstu flugfélögin í
Bandaríkjunum og um þrjátíu rík-
isrekin flugfélög í heiminum skili
tapi en engu að síður halda lág-
gjaldaflugfélögin sessi og búist er
við áframhaldandi þróun í þeim
efnum. Það er því mikil þörf fyrir
hagræðingu og endurskipulagn-
ingu í þessum geira.
Þarf að markaðssetja Ísland
Jón Karl Ólafsson, formaður
Samtaka ferðaþjónustunnar, segir
að það þurfi góða markaðssetn-
ingu til þess að aukinn fjöldi ferða-
manna í heiminum skili sér hér á
landi. „Íslensk ferðaþjónusta hef-
ur vaxið hraðar en almennt gerist í
kringum okkur. Það virðist sem
áhugi á svona náttúruvænum stöð-
um eins og Íslandi sé vaxandi.“
Jón Karl segir að fjöldi erlendra
ferðamanna sé í kringum 350.000
en þá tölu sé vel hægt að tvöfalda
og jafnvel þrefalda á næstu 10 til
15 árum. „Fólk þekkir Ísland
kannski frekar af afspurn en í
raunveruleikanum. Við þurfum að
markaðssetja staðinn Ísland sem
barnvænan, fjölskylduvænan og
náttúruvænan ferðamannastað.
Svo þurfum við að sjá til þess að
gæði og þjónusta sé í lagi hér. Það
hefur ekki verið vandamál hingað
til en ef við ætlum að tvöfalda
fjölda ferðamanna þarf að fjölga
fólki og mennta það betur,“ segir
Jón Karl og bætir við að huga
þurfi að fleiri þáttum eins og ör-
yggi á vegum og verði á mat og
víni.
Fréttaskýring | Ný skýrsla um alþjóðlega
ferðaþjónustu
Ferðamönn-
um fjölgar
Fjölgunin mun skila sér hér á landi en
það þarf að markaðssetja Ísland vel
Þrefaldast fjöldi ferðamanna á Íslandi?
Aukin netnotkun hefur
mikil áhrif á ferðaþjónustu
Ferðaþjónusta á Netinu veltir
um 2.500 milljörðum króna en
gert er ráð fyrir að hún tvöfald-
ist á næstu þremur árum. Það má
meðal annars rekja til þess að
hlutfall fólks sem hefur aðgang
að Netinu í fjölmennustu löndum
heims, Kína og Indlandi, tvöfald-
ast eða þrefaldast á næstu tutt-
ugu árum en sem stendur eru að-
eins um 5% jarðarbúa nettengd-
ir. Sérstaklega mun þessi aukn-
ing ná til hótelbókana en nú fer
aðeins um 10% þeirra fram á
Netinu.
hallag@mbl.is
SUMARÓPERAN hefur und-
anfarið verið við stífar æfingar en
í ár setur hún upp verkið Happy
End sem verður frumsýnt í Ís-
lensku óperunni þann 7. ágúst.
Þegar hlé er tekið frá æfingum
eiga leikararnir það til að mars-
era fylktu liði niður Laugaveg og
Bankastræti, syngjandi og trall-
andi. Það gerði Hjálpræðisher
Sumaróperunnar, þau Eline
McKay, Valgerður Guðnadóttir,
Aðalsteinn Bergdal og Hallveig
Rúnarsdóttir.
Happy End, sem er eftir þá
Kurt Weill og Bertolt Brecht, ger-
ist í undirheimum Chicago-borgar
á þriðja áratugnum. Þar eigast
við Hjálpræðisherinn og harð-
svírað glæpagengi með ófyr-
irséðum afleiðingum, en allt end-
ar það vel að lokum...eða hvað?
Um 15 leikarar og söngvarar
koma fram í sýningunni ásamt
átta manna hljómsveit sem er
skipuð nokkrum af þekktustu tón-
listarmönnum landsins.
Morgunblaðið/Eggert
Syngjandi sumarópera á
ferð í Bankastrætinu