Morgunblaðið - 04.08.2004, Page 6
FRÉTTIR
6 MIÐVIKUDAGUR 4. ÁGÚST 2004 MORGUNBLAÐIÐ
MAGNÚS Jónsson veðurstofustjóri frábiður sér ómál-
efnalega gagnrýni á veðurspárnar um verslunarmannahelg-
ina og segir að þær hafi sjaldan gengið betur eftir en ein-
mitt nú. Hann skilur vel að mótshaldarar vilji gera mikið úr
góðu veðri en minna úr því lakara en Veðurstofan geti ekki
tekið þátt í slíku.
Magnús segir að það hafi helst verið mótshaldarar í Vest-
mannaeyjum og í Galtalæk sem hafi gagnrýnt spárnar í við-
tölum við fjölmiðla um helgina.
„Það var búið að vera lengi í okkar spákortum að þetta
yrði tiltölulega blaut helgi en það er ekki þar með sagt að
það stytti aldrei upp. Venjulega eru veður ekki þannig á Ís-
landi og það þekkjum við allir. Það rignir yfirleitt í ákveðinn
tíma en svo léttir til eða styttir upp á milli,“ segir hann.
Fyrir helgi hafi verið gert ráð fyrir að nokkur regnsvæði
gengju yfir landið og hafi tímasetningar í meginatriðum
gengið eftir.
Í fréttatilkynningu sem Magnús sendi frá sér í gær kem-
ur fram að úrkoma á Stórhöfða í Vestmannaeyjum frá
fimmtudeginum 29. júlí til mánudagsins 2. ágúst hafi mælst
62 mm, sem er um 85% af venjulegri mánaðarúrkomu í júlí.
„Er þetta næstmesta úrkoma sem mælst hefur þessa daga
síðan 1949,“ segir í tilkynningunni.
Enginn óskaði eftir staðbundinni spá
Auk hinnar hefðbundnu veðurspár býður Veðurstofan
upp á staðbundnar spár.
Einar Sveinbjörnsson, veðurfræðingur og deildarstjóri á
Veðurstofunni, segir að sjálfvirk spá fyrir eina helgi kosti
innan við 10.000 krónur. Ef veðurfræðingur leggist meira
yfir spána og taki tillit til aðstæðna á hverjum stað kosti
spáin 6.500 krónur fyrir hvern dag. Slíka þjónustu hafi m.a.
kvikmyndatökulið nýtt sér. Aðspurður segir hann að enginn
mótshaldari um verslunarmannahelgina hafi óskað eftir
slíkri spá. Þessa þjónustu hafi hann boðið aðilum sem héldu
mannamót fyrr í sumar en fengið litlar undirtektir.
Spár sjaldan réttari en fyrir helgina
Morgunblaðið/Sigurgeir Jónasson
Góð stemning hjá aðkomufólki á Þjóðhátíð.
SAMFYLKINGIN mælist stærsti
flokkurinn þriðja mánuðinn í röð,
samkvæmt nýrri könnun Þjóð-
arpúls Gallups í júlí. Mældist flokk-
urinn með rúmlega 32% fylgi, en
næstur kom Sjálfstæðisflokkurinn
með tæplega 31% fylgi. Vinstri-
grænir mældust með 19% fylgi,
Framsóknarflokkur með 12,5%
fylgi og Frjálslyndi flokkurinn með
rúmlega 5% fylgi. Ekki var mark-
tækur munur á breytingum milli
mánaða. Rétt tæplega 17% tóku
ekki afstöðu eða neituðu að gefa
hana upp og tæplega 9% sögðust
myndu skila auðu eða ekki kjósa ef
kosningar færu fram nú.
Rúmlega 38% sögðust styðja rík-
isstjórnina, en tæp 62% styðja hana
ekki. Stuðningur við ríkisstjórnina
er meiri meðal karla en kvenna en
um 43% karla segjast styðja rík-
isstjórnina en það gerir aðeins um
þriðjungur kvenna.
Símakönnun var gerð dagana 25.
til 26. júlí, og var úrtakið 2.799
manns á aldrinum 18 til 75 ára.
Svarhlutfall var 62%.
Samfylking mælist
með mest fylgi
TÆPLEGA 350 manns biðu eftir
flugi frá Vestmannaeyjum í gær.
Illa hafði viðrað til flugs frá því um
þrjúleytið á mánudag en upp úr
klukkan tíu í gær létti til og flug-
samgöngur hófust milli lands og
Eyja stuttu síðar. Tvær vélar frá
Flugfélagi Íslands flugu til Vest-
mannaeyja í gær til þess að sækja
um 100 manns sem urðu eftir í Eyj-
um í fyrradag. Hjá Flugfélagi Vest-
mannaeyja áttu 242 bókað flug til
Bakkaflugvallar í gær. Aðrir áttu
bókað með Herjólfi en fullbókað
var með skipinu í gær og áttu einn-
ig 220 manns bókað far með kvöld-
ferðinni, en skipið tekur 525 far-
þega. Fólkið sem komst ekki frá
Eyjum í fyrrinótt gisti í íþrótta-
miðstöðinni í Vestmannaeyjum og
að sögn lögreglu voru gestir allir
hinir rólegustu.
Um 1.000 gestir
voru fluttir frá
Eyjum í gær
HELGA Árnadóttir tölvunarfræð-
ingur hefur tilkynnt framboð sitt
til formanns Heimdallar, félags
ungra sjálfstæðismanna í Reykja-
vík, á næsta aðalfundi félagsins.
Samkvæmt upp-
lýsingum frá
formanni Heim-
dallar hafa ekki
fleiri tilkynnt
um framboð.
Nái Helga kjöri
verður hún önn-
ur konan til að
gegna embætt-
inu frá stofnun
félagsins, árið
1927. Eina konan, sem hefur ver-
ið kosin formaður Heimdallar í 77
ára sögu félagsins, er Elsa B.
Valsdóttir læknir.
Helga hefur fulla trú á því að
það megi bæta starf félagsins.
„Ég hef starfað mikið bæði innan
Sjálfstæðisflokksins og Heimdall-
ar og markmið mitt er að mynda
stjórn sem er skipuð breiðum hóp
af ungu fólki. Því legg ég áherslu
á það að þetta er opið framboð en
það eru 11 stjórnarsæti sem enn
eru óskipuð. Allir sem hafa áhuga
á að taka þátt í starfi félagsins,
eða vera í stjórn, eru því hvattir
til þess að hafa samband,“ segir
Helga en hún telur mikilvægt að
mynda stjórn sem er skipuð ein-
staklingum af báðum kynjum. „Í
ljósi þess, að margar efnilegar
ungar konur eru starfandi innan
Sjálfstæðisflokksins, er eðlilegt
að þær séu áberandi í framvarð-
arsveit flokksins jafnt og karlar.“
Nánari upplýsingar um fram-
boð Helgu er að finna á heima-
síðu framboðsins, www.helga-
arna.is/.
Býður sig fram
til formanns
Heimdallar
Helga Árnadóttir
FJÓRUM mönnum var bjargað úr
sökkvandi skútu á Norður-Atlants-
hafi snemma í gærmorgun, að því
er fram kom í breska dagblaðinu
The Guardian í gær. Var skútan á
leið til Íslands frá Írlandi. Þyrla
skosku strandgæslunnar var kölluð
út, eftir að skip strandgæslunnar
varð vart við neyðarkall skútunnar,
og kom hún mönnunum til bjargar.
Að sögn Martins Collins, tals-
manns strandgæslunnar, var
áhöfnin, þrír Englendingar og Kan-
adamaður, að sigla til Reykjavíkur
frá Belfast á Írlandi. Líðan mann-
anna var eftir atvikum góð en einn
sjómannanna er að jafna sig eftir
áfall. Svo virðist sem stór alda hafi
lent á skútunni og gert gat á
skrokkinn með þeim afleiðingum að
skútan tók að sökkva. Skipstjórinn,
Alan Priddy sem er 51 árs, segir að
hlutirnir hafi gerst hratt. „Eina
stundina flugum við áfram og þá
næstu vorum við komnir á kaf.
Þetta gerðist á sekúndubroti.“
Hann segir að skutur bátsins hafi
sprungið í ölduganginum og að
hann og áhöfnin hafi álitið sig vera
komna á síðasta snúning, dauðinn
hafi verið á næsta leiti. Skipverjar
héldu sig á aftanverðri skútunni
þar sem framendi hennar fór fljót-
lega á kaf ásamt björgunarbúning-
um. Aðstoðarskipstjórinn, hinn 56
ára Egbert Waters, hrósaði Priddy
fyrir snör handtök. „Hann fór aftur
í sjóinn til þess að ná í björgunar-
búningana og bjargaði þar með
áhöfninni.“
Fjórum bjargað úr sökkvandi skútu
ÞESSAR trönur í fjöruborðinu á vestanverðu
Vatnsnesi hafa vakið athygli innlendra sem er-
lendra ferðamanna undanfarna daga en á þeim
hangir ýmis konar gamaldags sjávarfang, s.s.
hertir þorskhausar, hákarlsbeita, sigin grásleppa
og harðfiskur.
Trönurnar voru settar upp fyrr í sumar í tilefni
af hátíðinni Bjartar nætur sem kvenfélagið Hús-
freyjurnar stendur fyrir, að sögn Kristínar Guð-
jónsdóttur, formanns félagsins. Húsfreyjurnar sjá
um að reka Hamarsbúð, sem er lítið hús á Vatns-
nesinu en félagið hefur staðið fyrir Björtum nótt-
um síðastliðin níu ár og hafa trönurnar verið reist-
ar í tengslum við hátíðina undanfarin þrjú til
fjögur ár. Húsfreyjurnar hafa þá boðið upp á hlað-
borð þar sem gamlar hefðir í matargerð hafa
fengið að njóta sín og hefur gestum m.a staðið til
boða súrmatur, heimareykt hangikjöt og heima-
gert skyr.
Það var Björn Sigurðsson sem sá um að reisa
trönurnar í samvinnu við kvenfélagið.
Morgunblaðið/Halldór Kolbeins
Hertir þorskhausar og hákarlsbeita á trönum