Morgunblaðið - 04.08.2004, Qupperneq 4

FRÉTTIR
4 MIÐVIKUDAGUR 4. ÁGÚST 2004 MORGUNBLAÐIÐ
www.icelandair.is/kaupmannahofn
Í Kaupmannahöfn sameinast
glæsileiki og lífsgleði.
Heimsþekkt söfn, sögufrægar
byggingar og listviðburðir eru meðal
þess sem nærir anda ferðamannsins
en ekki er síður vinsælt að slaka á
með Tuborg og ekta dönsku
smurbrauði.
VR orlofsávísun
Munið ferða-
ávísunina
*Hotel Selandia á mann í tvíbýli
23.-25. okt., 12.-14. nóv., 14.-16.
jan., 4.-6. feb., 4.-6. mars.
Innifalið: Flug, gisting í 2 nætur
m. morgunverði, flugvallarskattar,
þjónustugjald og eldsneytisgjald.
5000 Ferðapunktar
upp í pakkaferð
Fyrir handhafa Vildarkorts VISA
og Icelandair. Jafnvirði 5000 kr.
Gildir til 1. september.
Verð frá 29.540 kr.*
Lífsgleði
og glæsileiki
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
I
C
E
25
37
0
0
7/
20
03

ÓVENJUMIKILL fjöldi erlendra
ferðamanna var á Ísafirði í gær
þegar tvö stór skemmtiferðaskip
höfðu þar viðkomu. Annað skipið
er Prinsedam með um 700 farþega
og er það stærsta skemmtiferða-
skip sem kemur til Ísafjarðar í
sumar. Lá skipið við festar við
Sundahöfn en minna skipið, Func-
hal, lagðist að bryggju. Farþegar
þess voru um 500.
Að sögn Guðrúnar Guðmanns-
dóttur, upplýsingafulltrúa Ísa-
fjarðarhafnar, koma alls 18
skemmtiferðaskip til Ísafjarðar í
sumar og eiga sex skip eftir að
hafa viðkomu. Hún segir hafnaryf-
irvöld bjóða ferðamönnunum til
tónleika í Ísafjarðarkirkju og
Morrinn, atvinnuleikhús ungs
fólks í bænum, flytur skemmti-
atriði við höfnina. Ferðamennirnir
skoðuðu sig um í bænum og litu á
minjagripi og annan varning sem
boðinn er til sölu. Guðrún sagði
yfirbragð bæjarins breytast við
komu svo stórs hóps ferðamanna
sama daginn og ekki hefði spillt
fyrir að veður var með eindæmum
gott.
Skipin héldu frá Ísafirði síðdeg-
is í gær.
Morgunblaðið/Halldór Sveinbjörnsson
Erlendu ferðamennirnir litu á minjagripi í Aðalstrætinu og gátu einnig
sótt tónleika og hlýtt á leiklistardagskrá. Prinsedam er stærsta skemmtiferðaskip sumarsins á Ísafirði.
Um 1.200 ferðamenn settu
svip sinn á Ísafjarðarbæ
RAGNAR Sigurjónsson, sem hafði
verið eftirlýstur í fimm ár vegna
dómsmáls hér á landi, kom í lög-
reglufylgd til landsins á sunnudag.
Hann hafði setið í fangelsi í Bang-
kok í Taílandi síðan í maí þegar
hann var handtekinn fyrir þjófnað,
samkvæmt upplýsingum frá ríkis-
lögreglustjóra. Það var ekki fyrr en
hann hafði samband við ræðismann
Íslands í Taílandi um miðjan júlí
sem íslensk stjórnvöld fréttu af
fangavist hans.
Ragnar var ákærður af ríkislög-
reglustjóra fyrir fjársvik í desem-
berbyrjun 1998 en fór af landi brott
áður en aðalmeðferð í máli hans átti
að hefjast. Í fjóra mánuði var leitað
að honum í Bretlandi en nokkru síð-
ar skaut hann upp kollinum í Taí-
landi þar sem hann mun hafa hafst
við síðan.
Að sögn Smára Sigurðssonar var
óskað eftir að Ragnar yrði fram-
seldur til Íslands en sú beiðni hafi
af ýmsum orsökum strandað í taí-
lenska kerfinu. Þegar Ragnar var
síðan handtekinn í maí á þessu ári
hafi hann ekki haft skilríki og því
hafi þarlend yfirvöld ekki vitað
hvern þau höfðu í haldi. Hann hafi
síðan sett sig í samband við ræð-
ismann Íslands í Taílandi og eftir
það hafi hjólin byrjað að snúast.
Þrátt fyrir að hafa ekki formlega
fallist á að framselja hann til Ís-
lands hafi taílensk stjórnvöld boðist
til að afhenda hann íslenskum
stjórnvöldum. Smári segist því hafa
sent tvo menn til Bangkok til að ná
í hann og komu þeir heim á sunnu-
dag.
Ragnar var úrskurðaður í gæslu-
varðhald til 23. ágúst nk. en hann
hefur kært úrskurðinn. Að sögn
Steinars Adolfssonar, löglærðs full-
trúa hjá ríkislögreglustjóra, sem
sækir málið, hefur refsimálið gegn
honum verið endurvakið og mun
það sennilega verða dómtekið á
næstu þremur vikum.
Ragnar var ákærður fyrir að hafa
gert samning við forsvarsmann níg-
erísks fyrirtækis um að selja honum
1.000 sekki af þurrkuðum þorsk-
hausum sem hann átti ekki og hafði
ekki ráðstöfunarrétt yfir, og þannig
blekkt hann til að greiða rúmlega
hálfa aðra milljón króna inn á reikn-
ing sinn. Ennfremur er hann grun-
aður um að hafa haft rúmar tvær
milljónir af Nígeríumanninum til
viðbótar. Brotin voru framin á síð-
ari hluta ársins 1996.
Íslenskur maður sem hefur verið eftirlýstur í 5 ár úrskurðaður í gæsluvarðhald
Í fangelsi í Taílandi síðan í maí
SEX guðfræðingar sóttu um emb-
ætti sóknarprests í Ólafsfjarð-
arprestakalli í Eyjafjarðarprófasts-
dæmi. Frestur til að sækja um rann
út 28. júlí síðastliðinn.
Umsækjendur í stafrófsröð eru:
Aðalsteinn Þorvaldsson, Arndís
Ósk Hauksdóttir, Sigríður Munda
Jónsdóttir, Sigríður Rún Tryggva-
dóttir, Sólveig Jónsdóttir og Þóra
Ragnheiður Björnsdóttir.
Embættið verður veitt frá 1. nóv-
ember í ár að því er fram kemur í
tilkynningu frá Biskupsstofu. Val á
umsækjendum fer þannig fram að
vígslubiskup Hólaumdæmis boðar
valnefnd prestakallsins saman en í
henni sitja auk hans fimm fulltrúar
úr prestakallinu.
Sex sóttu um
embætti prests
í Ólafsfirði
HJÓNUM, sem lentu í bílslysi um
fjögurleytið á mánudag á Suður-
landsvegi, er haldið sofandi í önd-
unarvél á gjörgæsludeild Landspít-
alans – háskólasjúkrahúss í
Fossvogi. Var þyrla Landhelg-
isgæslunnar kölluð út til að flytja
konuna á sjúkarhúsið.
Að sögn læknis er konan þungt
haldin eftir slysið en hún gekkst
undir aðgerð í gærkvöld og fengust
þær upplýsingar að hún hefði geng-
ið vel. Maðurinn er minna slasaður
en líka tengdur við öndunarvél.
Haldið sofandi í
öndunarvél
MAÐURINN, sem handtekinn var í
kjölfar þess að hann hafði skotið á
tvö hús á Reykhólum á Barðaströnd
sl. sunnudag, hefur verið lagður inn
á viðeigandi stofnun, samkvæmt
upplýsingum frá lögreglunni í
Reykjavík.
Maðurinn mun eiga við geðræn
vandamál að stríða
Kannabisplöntur fundust á
mánudag í húsnæði í Reykjavík,
sem maðurinn hefur haldið til í.
Annar maður, sem einnig var hand-
tekinn vegna þessa máls, hefur ját-
að að hafa átt og ræktað plönturn-
ar. Málið telst upplýst og hefur
honum verið sleppt.
Lagður inn á
viðeigandi stofnun
SÉRÞJÁLFAÐIR leitarhundar áttu stóran þátt í því
að upp komst um 46 fíkniefnamál á Akureyri um
helgina. Að sögn Daníels Guðjónssonar, yfirlög-
regluþjóns á Akureyri, hafa ekki verið teknar saman
tölur um það hversu mörg málum hundarnir komu
beint að, en hann segist geta ímyndað sér að hund-
arnir eigi þátt í um tveimur þriðju þeirra mála sem
komust upp. Hann slær þó þann varnagla að hann
ábyrgist ekki þær tölur en dregur ekkert úr því að
hundarnir hafi skilað góðu starfi.
„Hundarnir stóðu sig alveg frábærlega vel,“ segir
Daníel en í heild voru þrír hundar frá Tollgæslunni í
Reykjavík á hátíðinni á Akureyri. Hann segir það
ekki vera neina spurningu að hundarnir hafi skipt
sköpum í því að komist hafi upp um svo mörg mál
enda sérþjálfaðir til þess að þefa upp fíkniefni. „Þeir
bara þefuðu uppi tjöldin og þá var nú þægilegt að
banka upp á og segja komdu með fíkniefnin. Þeir þef-
uðu líka uppi einstaklinga með efni í fórum sínum,“
segir Daníel. Erfitt sé að bera hátíðina í ár saman við
þá sem var haldin í fyrra. Þá hafi undirbúningur ekki
verið með þeim hætti sem hann var í ár, að sögn
Daníels.
Jóhannes Ólafsson, yfirlögregluþjónn í Vest-
mannaeyjum, segir að leitarhundurinn frá Tollgæsl-
unni, sem lögreglan hafði til umráða á Þjóðhátíðinni í
Eyjum, hafi haft sitt að segja en upp komst um 43
fíkniefnamál þar. Til viðbótar við þann hund hafi lög-
reglan í Eyjum verið með einn hund frá sér að auki á
hátíðinni. Jóhannes segir erfitt að meta það nákvæm-
lega hversu mörg málanna hundarnir hafi átt beinan
þátt í að koma upp um, en ljóst þyki að þeir spari
talsverða vinnu. T.d. þurfi lögreglumennirnir síður að
leita á fólki.
„Það er ljóst að þessi hundur sem við vorum með
hér frá Tollinum kom vel út. Það er ekki hægt að
neita því,“ segir Jóhannes. Álíka mörg mál komu upp
í fyrra og voru sömu ráðstafanir gerðar þá og nú, að
sögn Jóhannesar.
Yfirlögregluþjónarnir taka þó báðir fram að um
samspil manna og hunda sé að ræða. Unnið sé saman
að settu marki og þannig náist sem bestur árangur.
Leitarhundar taldir
hafa skipt sköpum
Upp komst um tæplega 90
fíkniefnamál á Akureyri
og í Vestmannaeyjum
Morgunblaðið/Árni Sæberg